[少甜]因為ex，我決定向全世界嘅女人報仇7（大家推得好快..！希望係結局篇）

咁都記得，果然係fans
我睇下出唔出到

唔好再做呀婷啦

Nicole

留名睇結局

會唔會8先有得結局

咁多人屌阿文唔揾NICOLE
其實佢係唔可以揾架...
人地有老公, 個老母又要靠佢養
NICOLE 又冇講會離婚...
如果打過去黃左咁點算? 係咪阿文負責先?

Sorry呀今晚冇啦

阿婷嗰度真係睇到我眼濕濕，睇完嗰幾日都訓得好差，最後要夜跑先調整翻。所以我之後都無追故，放咗成個幾月無睇，琴晚又一次追晒，睇到朝早6點幾先訓。

個故真係寫到好入肉好活生生，相信唔止我，好多人睇咗都會精神好唔穩定甚至係差。

就故事發展到依家，最傷嘅始終係阿婷，多次滿懷希望然後失望再度期望，到最後可以擁有阿文一晚，但換嚟更大嘅絕望，到最後逼自己放手都依然祝福呢個愛咗好多年嘅男人。係愛定係依賴定係佔有？我估全部都有。

個個都話阿文係仆街，其實我都唔太認同，阿文只係好多男人嘅縮影，分別有佢係主角，作者賦予佢魅力吸引到異性。而現實中可以有咁好異數緣嘅人並非多數，但都唔會係無。佢怕麻煩，優柔寡斷，貪心，有啲大男人，有啲小氣，呢啲唔係大部分男人都有嘅咩？而我覺得阿文仆街嘅就係對阿婷做嘅嘢，傷得阿婷太深！

而Rachel俾我感覺就係另一但阿婷，分別在於佢性格上同阿婷有啲分別，阿文同佢相處得舒服，阿婷就好似係兄弟咁。Rachel由一開始識阿文已經俾好大好感阿文，而阿婷係為咗阿文慢慢改變，由內向到慢慢想同其他人表達自己甚至展示自己，為阿文改變衣著等等。但係呢個過程中阿文已經習慣佢係朋友身份旁喺自己身邊，男人年少時對感情係遲鈍好多，分唔清咩係好友咩係好感。

Rachel當初識阿文都係因為交女app，佢係對之前嘅平淡生活感到厭倦先想要有啲改變去玩交友app，所以佢嘅人生經歷其實好少，到底阿文真係佢嘅Mr Right定係佢對不同生嘅渴望呢？我唔知道，只不過各自有真係拍過拖嘅都應該有經歷過好佢Rachel同阿文呢啲甜蜜階段，耐啲又會變翻好似同佢前度咁嘅平淡生活，當然阿文同佢ex唔同，唔可以一概而論。

Nicole就係好多女仔嘅寫相，想去上流社會想嫁有錢人做少奶奶，想生活過得好過得舒服。但得到咗之後先發現自己失去嘅更多，自己想要嘅根本就唔係咁樣冷冰冰嘅生活。佢想心動，想被愛被保護被寵愛。但問題在於如果佢一開始係同阿文結婚，我相信佢最後都會同阿文離婚再去想嫁入豪門做少奶奶。因為佢體驗過先會知道原來自己最想要嘅始終係愛情。

所以就我個人而言，阿文同Nicole一齊個結局會好啲，佢應該唔會再被背叛。

BTW，其實我由樓主一開始寫就已經有睇，不過連登AC太難開啦，一直都寫唔到評論，今日先叫朋友借個AC用嚟講幾句

樓主加油，完埋個故事，一直支持妳

，其實大約仲有幾多%到結局?想快啲知道結果，長痛不如短痛，宜家嗰心日日釣住咁，好難受。雖然我覺得樓主好大機會可能最終都唔會寫呀文同Rachel大團圓結局，但都想快啲知道嗰結果，嚟過痛快嘅了斷

非常快

講得幾中肯呀

咁多口問一句，樓主
承唔承諾到 聽日會最少有一篇文，今日等左好耐

多謝你呢一篇評論，好到想貼堂

會！！老閪都至少一篇

樓主萬歲樓主呢個承諾真係一諾千金!

可以啊，不過要執翻啲錯字