[少甜]因為ex，我決定向全世界嘅女人報仇7（大家推得好快..！希望係結局篇）

真心絕望，阿文簡左rachel

nicole性格上完勝rachel, 又識煮野食

nicole最衰都係冇交帶，但佢對阿文係全心全意，如果佢同阿文一齊一定會好穩定同幸福

相反，rachel就太唔穩定啦，佢之前就因為ex太古板就想搵另一個，係好唔成熟既表現，難保有一日遇到比阿文吸引既人唔會飛阿文喎

每個人係面對同一個situation都會做唔同嘢，冇話邊個岩邊個錯，邊個合理邊個唔合理。舉個例子，

我諗你地都有試過幫fd解決感情問題，多數啲人就會話：
「下，佢咁撚仆街，你唔好同佢一齊啦」etc.
但你個fd多數都未必聽，因為愛情唔可以拎啲嘢嚟量化。佢有幾仆街都好，你嗰一刻係愛佢就係愛佢

難道Nicole不值得愛？呀文同Nicole 一齊都係一種成長成日講Rachel 陪呀文經歷痛苦 培養出感情 但Nicole 係個半年都好難受 無忘記呀文 等Nicole處理好所有事情 想同呀文永遠一起 點解唔俾個機會佢 把事情重回正軌 我個人覺得如果經歷同Nicole有咁嘅經歷 點解再見到Nicole 會冷淡到咁 有少少為寫結局而寫的感覺

加速

撐呢位讀者 中POINT

Nicole唔係唔值得被愛
因為你上面講嘅係話覺得呀文揀Rachel唔揀Nicole嘅情節唔合理
所以我上面解釋帶出嘅係呀文揀Rachel係情有可源
現實中並唔係唔會發生～

Nicole派揮手區

Rachel其實知阿文鍾意Nicole，亦知Nicole只可以定時定候返嚟。諗深一層，Rachel無可能唔知Nicole會返嚟。佢明知Nicole同阿文之間嘅關係，但佢以舊要介入。呢段時間係Rachel偷返嚟，偷返嚟嘅嘢，點都要還。

上帝視角下，Nicole知道Rachel嘅存在都無介意，佢放棄一切都係一心為咗同阿文一齊；但Rachel一知Nicole返嚟就好似打爛醋埕咁，就算阿文點講點解釋，都仲要嬲。2個女人嘅氣度無得比，Nicole贏晒。

「...！」我聽到佢鼻哥窿噴左一下氣，佢笑！
「凝凝..！我真心嫁」
「...傻仔，老土到死」佢話。佢啲語氣話比我知，我成功左九成...不枉我做左啲咁老土咁柒嘅事。
「咩喎...想氹你開心呀嘛」我話。
「咁如果我話唔原諒你呢」
「咁..」
「咁..你會做咩」佢話。
「咁......呼....」我講完就收左佢線，然後放低兩塊led燈牌係地下，一塊牌寫住「對唔住」，另一塊寫住「我愛你」。
「周紫凝！！！！我愛你呀！！！！！！」我對住佢窗口大嗌，直頭大聲到我嗌完喉嚨痛。然後，佢再打比我。
「傻仔！勁樣衰囉..！啲人望哂上嚟..最衰都係你...」佢話，我聽佢嘅語氣已經開心返好多。
「凝凝，你落嚟好冇？」
「....嗯...你等我一陣」佢話。然後我即刻將兩塊燈牌收返埋...廢時繼續係度柒，我再行返去佢樓下等佢。等左幾分鐘佢就換左件衫落嚟，再慢慢行過嚟。我望住佢一步一步咁行埋嚟，但我已經忍唔住，跑左幾步就即刻抱住佢。
「凝凝！我好掛住你....」我大大力抱實佢，一秒都唔想放開。
「嗯.....」佢話。
「原諒我...好冇？」
「.....嗯」佢輕輕點左下頭。
「對唔住...」
「好啦..唔好再講對唔住啦...」佢講完然後摸一摸我個頭。
「你跟我嚟呀」
「嗯」佢話。我拖住佢隻手，走去架車度。我帶佢行去車尾箱，然後慢慢將車尾箱打開....

「哇.....」
「嗱～送比你」我將車尾箱嘅嗰束花拎起左，送左比佢。我揀左好耐先揀到呢一種，佢唔係玫瑰嘅色，而略帶鮮粉紅色，但佢的確係玫瑰。
「傻仔...」佢好似已經有少少感動。
「鍾唔鍾意呀？」我問佢。因為佢將鍾意粉紅色。
「鍾意....好靚呀...。多謝你呀...呀文」佢話。係呢一刻佢已經唔記得佢嬲我，淨係陶醉係浪漫嘅氛圍入面。
「傻妹，我揀左好耐先揀到呢種色，我就知你鍾意！」我講完佢笑得好甜，然後一嘢撓左落我度。
「好..我仲有樣嘢要送比你」
「仲有..？咁多」
「哈哈，呢個先係壓軸」我話。我將紮花放返入車尾箱，然後叫佢上車。我係後座拎左個飯盒出嚟，再打開司機位坐入去。
「嗱～你試下好唔好食...」我將個飯盒比佢。
「下....！你整嫁...？」
「唔係呀，我岩岩順路買嫁..」我講笑咁講。
「哎呀...痛呀...」佢打左我一下。
「你又會識整嘅....！」佢好驚訝咁話。
「唔包好味嫁...我盡左力啦」
「傻仔......」佢開始有少少眼濕濕，我feel到佢真係比我感動左。
「對唔住呀.....文仔....」佢話。
「傻瓜...做咩喊啦...」我摸佢個頭。
「嗚...我唔應該嬲你咁耐......對唔住啦....。你呢幾日一定好辛苦....我...我唔係有心咁對你嫁.....」
「冇事，冇事，乖。我地而家咪開開心心係度囉傻豬」
「....嗚...我係咪好衰」
「唔係啦.....我都真係做得好錯..抵比你嬲咁耐...」
「呀文....」佢喊住講。
「嗯..？」
「我愛你...我都好愛好愛！...」
「我知道，我一直都知道..。乖，唔好喊先啦，啲嘢食凍哂啦..」
「嗯..嗯..」佢嘗試抹返啲眼淚，我比左張紙巾佢。等佢冷靜返少少我就叫佢試下我手勢...。佢拎起左對筷子，夾起左舊雞....，放左入口。我就一直眼甘甘咁望住佢，期待佢嘅回覆。
「好唔好食呀..？」
「...」佢冇覆我。死啦..係咪fail左。
「凝凝..？」
「....」佢仲食緊。
「...」
「......噗」佢隻眼仲有眼淚，但都忍唔住笑左出嚟。
「喂也..好唔好食姐..」
「傻仔，你個樣好好笑」
「咁好唔好食姐..！」我話。
「你試下咪知」佢講完我都夾左一舊入口.....屌...好撚鹹！
「....，我下次都係唔整...」
「唔得..！我好鍾意...，我食哂佢」佢話。
「喂也傻嫁..！咁鹹..點食呀」
「唔制..你第一次真係煮嘢比我食。煮麵唔計！」
「傻瓜.....」我呆左咁望住佢側面。
「...」佢都望住我，然後即刻放低左個飯盒，主動錫左落嚟。Rachel，我一定會好好愛你，唔會再比你受傷。但係Nicole，....我...

我應該點樣處理我地嘅關係

出左，訓教

有預感Nicole唔會咁簡單放阿文走
話說睇到有啲心噏

so sad

留意返 我上面係想講呀文再次見到Nicole 的反應冷淡 無話特別提到做咩唔揀Nicole

Nicole 好慘.............我無其他意見

暫時好返啦，正呀

想講少少嘢，呀文揀邊個嗰度我點寫都會有人唔滿意，呢樣係冇辦法嘅，每個人對於愛情嘅價值觀都唔同。現實生活都係，你想要嘅結局唔代表你會有嗰種結局

Rachel同Nicole嘅付出係唔可以用同一個秤去衡量，愛情都唔係鬥高分就會贏，仲有好多因素。佢出現嘅時機唔一樣，面對住嘅呀文都唔係同一個時期嘅呀文。因為呀文會成長、會經歷、會反思、會怕受傷害，價值觀會因為唔同嘢而改變。所以Rachel同Nicole從來都唔係放係同一個天秤上面比較，而亦都冇得比較。因為愛情就係咁樣，本身就唔係合理，希望大家明白。

Btw，絕對唔係趕結局

女就氹翻喇
仆街仔應該正式收翻Nicole條鎖匙，比翻安全感比凝凝
既然都肯去放低佢，不如灑脫少少，當係一個回憶
最重要係，當下有一個對你咁好嘅女仔，佢嬲你都係因為佢諗唔通姐，而家解決左，係時候一心一意對佢好，唔好再比佢受傷喇

唔同情nicole 先係對各位最好
唔好諗住做返朋友宜啲老套，因為係宜個環境下根本冇可能做到

Nicole 本身有老公都出去溝仔，正常都唔會揀佢啦

繼續追擊西女人
女人都係識扮嘢識扭計識手段嘅得人中意
唔需要再focus佢地嘅經歷 邊個深刻啲
因為根本唔關事

啱呀樓豬，感情呢樣野唔係公式計數，唔可能純理性分析。所以故事有咁發展並唔出奇。

繼續努力

rachel有仔玩交友app晚晚傾電話再出嚟同仔飲酒過夜又點睇？

樓主寫得好sweet,正皮左，送佢哋一個對聯。今生只嫁仆街文，今世只娶周紫凝。希望佢哋以後可以一齊行落去。

長期讀者點都支持

多謝你呀勇武巴