京都念慈
2020-07-30 00:13:23
續7.
正當你打算收返埋《道德經》嘅時候,身旁嘅火影突然一把搶咗過去。「嘩!封面嗰阿伯咁樣衰你都啱?」「關你鬼事呀!攞返嚟啦!」你氣急敗壞地伸手去搶,這時,三枚暗器擦過你嘅臉頰,你連忙閃避,回過神來火影已經消失得無影無蹤了。
你怔怔立在原地,今次係你第一次同《道德經》分開,佢一直陪住你入學、打交,你同佢嘅情感早已超越生物同死物,佢係你心靈嘅支柱、靈魂嘅綠洲⋯⋯冇咗佢你又如何係華山繼續行落去呢?一定要搶返《道德經》返嚟,我唔可以放棄㗎!
你回頭,默默將三枚紙褶嘅手𥚃劍從牆上拔下來,心中暗念:
「老子,請你贈我力量。」
(失去《道德經》,得到三枚-火影的手𥚃劍)