22.
「其實、」你臉紅紅地解釋:「我比較喜歡一啲充滿正氣嘅⋯⋯」紫靈鄙夷道:「呢type咁悶,邊好玩呀。」你閉上眼,心中開始淘醉FF:
「佢擁有千年嘅智慧⋯⋯」「死書蟲!」
「質地有啲厚實⋯⋯」「死肥仔!」
「可以喺屋企陪足我成日⋯⋯」「死毒能!」
你同紫靈你來我往,說過不停⋯⋯好快到了深夜,你哋並肩躺在天台,天上嘅星星彷佛伸手可及,你望住紫靈嘅側臉,不禁想道:
原來女仔嘅友情係咁簡單。
伸手捏咗紫靈塊面豬一吓:「喂~」「咩料呀?」「講咗咁耐,你肯做我條𡃁未啫。」半晌,只聽紫靈懶洋洋道:「是但啦。」你笑嘻嘻地道:「死傲嬌。」
呢次班會之戰,你不但收獲了第一次勝利,更加收獲了珍貴嘅同伴。隨住你喺華山越嚟越疊馬,你嘅自信亦都慢慢返返嚟,華山中學仲有啲咩未知嘅挑戰等緊你呢?
你已經迫不及待好想玩玩了。
~班會選舉篇完