[穿越/愛情]《我同鍾意咗十一年嘅人表白，佢竟然跳海死咗》(5)（可能係結局post？！)

（八十一）續二 (連登250正皮加更)
說到這裡，天使捉起了我其中一隻手，然後把它攤開了。

「歷史其實一直都喺你嘅手中出現緊變化，而到底最後要變成點，決定權都係喺你嘅手入面。」天使用手將我攤開的手收成拳頭，然後說：「相信幸福嘅人，先會得著幸福。希望你可以捉緊呢一份幸福，順利完成穿越。」

「多謝你。」看著握緊的拳頭，我衷心地向天使點頭致意。

天使微笑著看我，問：「咁你打算點做？」

我漫不經心地聳肩一笑說：「反正今次唔講可能以後都係無機會講，所以我無咩計劃，諗住有咩想講就講哂出嚟。」

「呢樣對你嚟講，已經係最難嘅嘢嚟啦。」天使滿意地點點頭地笑。

「我知道要我完成哂我嘅回憶載點，你先算任務完成。好多謝你幫咗我哋咁多，我應承你，如果今次我唔成功改變啲咩，而且我又可以平安翻到嚟現實，我會聽你講，去埋我同阿晴最初相識嘅回憶載點，等你可以正式完成任務。」我一臉不好意思地對天使說。

天使笑著搖搖頭說：「愚蠢嘅人類，唔好諗埋啲衰嘢啦。」

聽著天使「愚蠢嘅人類」的稱呼，不知為何此刻多了一份親切感。

天使看著我問：「咁你準備好翻去未啊？」

「嗯。」我用力了點頭一下，站了起來。

天使將手輕柔地放在我的頭上，然後說：「我會將『阿晴結婚日』嘅回憶載點勾出嚟，只要你叫出我哋用開嘅暗號，就可以穿越翻入去。當然，如果回憶載點令你嘅大腦記憶出現排斥，反應就會即刻出現。所以，我只可以希望你平平安安。」

我點頭表示明白，同時輕輕用手握住了阿晴在病床上冰冷的手。

此時，我的唯一希望，就是能夠在再次平安回到現實時，握到阿晴帶有溫度的手。

我閉上眼深呼吸了一口，讓自己最後一次感受這病房中充滿死亡和遺憾的氣息。

我決意要告別這種氣息。

這次，我要親手將阿晴從死亡的命運中拉出來。

她的幸福，由我來負責任。


噢，不。

沒有她，沒有我。

是我們。
我們的幸福，由我們來負責任。

我霎然張開眼，即使眼前沒有鏡子，但我也能感受到自己眼神傳出的堅定。

「出發啦。」天使對我點了點頭，並給了我一個帶有祝福與肯定的眼神。

「天、命、最、高。」我平靜地，讀出了這四個可以改變命運的字。

強光，就在語音剛落的一刻從天使手中冒起，直把我整個人吸入光中。

在強光之中，跟以往光得連眼都張不開的情況並不相同。

這次的光柔和得很，讓我不期然地把眼打開。

雙眼睜開的一剎，我看見了漫天花雨。

而花雨落下之時，我隨手拈來了一片花瓣。

花瓣上，竟然是我在中學禮堂學生會大合照時，將阿晴一把拉到身旁的畫面。

我立即定睛看著身旁飄落的花，然後發現每一片花瓣，都是我與阿晴的回憶片段。

學生會。
舞會。
Mayday Cafe。
摩天輪。
長干橋。
律師樓。
長洲。
迪欣湖。

回憶尤如飛花，盡在眼前飄揚著，圍繞在強光中的我。

這些飛花，在空中交織出一朵盛大的花。

就在此刻，大花的花瓣逐漸張開，在花蕾之上，是一個定格了的畫面。

畫面上，有一個能望到海景的窗。

我認出了是阿晴結婚日這個回憶載點的起始畫面。

我不作他想，毅然就往花蕾之中一躍而去。

大花的花瓣，緩緩合上。

而我知道，最後一次可能改變阿晴死亡的機會，將要出現。

劉華後生都ok

順帶一提, penana 2150 likes目標已過, 所以聽晚夜更會由2000字起跳。
當然大家放心, 字數唔會為打而打
感謝有份上penana嘅大家支持

覺得Owen好慘都唔知前世做錯咩

新加更規則：(基本一更係1000~1500字)
連登每到50正皮 就加一更 下一加更位係300正皮

Penana暫停加更機制，不過大家喜歡可以繼續以Likes支持

講起Penana, 歡迎大家可以bookmark個故事（一有文就會知），另外如果你覺得呢個故真係好睇又或者值得你支持，歡迎你可以去留個言或者打賞我，對我嚟講都係好大欣賞同支持

仲想睇多啲呀

解釋下點解停一停Penana先,
因為目前我都睇緊之後嘅文有幾長,
我擔心加更會令出文出到唔三唔四,
所以我暫時會計咗上一更先,
之後諗好再同大家講下

之後仲有佢出現架！

今夜仲有一更！！

幾點！！！

一點前有

到時再見

放工又有文

Btw今日有巴打提起ff下拍戲選角，
突然諗到 古天樂做死神都正

今日係爆肝日

突然諗到寫咗 希望大家有畫面少少

捱到有人搵我出書嗰日

第一時間去買

時間巴多謝你

個故真係好高質希望最後係happy ending啦

多謝你支持啊