[穿越/愛情]《我同鍾意咗十一年嘅人表白，佢竟然跳海死咗》(5)（可能係結局post？！)

應該係
阿軒(好努力但俾大家覺得好廢嘅男主角)
盧業成(打女人但係由作者我收刀片嘅賤男)
謝明哲(連我都唔記得名嘅intern用火表白嘅奇怪男)
Owen(有錢醒目但執著勝負嘅新歷史老公)

至於真人真事呢
點都有啲嘅 至於邊啲真邊啲假就靠大家分啦
其中一點講得嘅 就係我去親長洲都會食甘永泰 真心正

阿晴靈魂會唔會唔係用阿晴身份講嘢

唔通長州個細路女係阿晴靈魂？

咁點解， like哂樓主都要吊我哋癮

午更就會知

你一講我先睇到
係喎 penana likes夠數 今晚加更
多謝大家支持

新加更規則：
連登每到50正皮 就加一更 下一加更位係250正皮

Penana每逢讚好數量升150都會加一更 嘗試拉長少少個加更嘅週期
所以下個加更位係1850likes

講起Penana, 歡迎大家可以bookmark個故事（一有文就會知），另外如果你覺得呢個故真係好睇又或者值得你支持，歡迎你可以去留個言或者打賞我，對我嚟講都係好大欣賞同支持

趁未有文宣傳下：
Ig我知好似仲未有咩睇
不過都多謝大家有follow下
嚟緊除咗短故 亦會將下一個長故嘅內容慢慢披露下
有興趣大家可以follow

樓主Ig：windblowssilently

（七十八）
天使的話，令我整個人從坐著的病床上彈了起來。

「咁都叫無關痛癢？」我差不多叫了出來。

「你冷靜少少先。」天使安撫著我，「無關痛癢嘅原因，係因為其實阿晴喺每個載點入面只係同咗你講一句嘢啫。」

我一時間聽不明白。

「話說當我同阿晴傾好咗令你入局嘅故事之後，阿晴突然提出，問可唔可以喺最後嘅初相識載點入面同你講幾句嘢，當係最後嘅道別。然後我當然拒絕咗佢，同佢講一來規則上靈魂唔可以同人對話，二來如果佢到時候講咗啲關於未來嘅事俾歷史入面嘅你聽，就會嚴重影響歷史。

當時佢諗咗一諗，然後換咗個建議，佢問可唔可以喺每個載點入面只係同你講一句嘢，而且內容一定同未來嘅事無關。

雖然聽落問題好似唔大，加上佢係咁求我，的確令我有啲心軟。但為咗避免意外，所以我用天使嘅法力喺佢身上加咗四重規則限制，只要觸犯任何一條，佢就要馬上上天堂，而你嘅穿越之旅亦會馬上終止。

呢四條規則係：一、唔可以提及任何未來嘅事。二、唔可以俾你發現同緊你講嘢嗰個係靈魂狀態嘅身份。三、只可以講一句嘢，亦唔準加上任何行動，一句講完，身份馬上回復翻做歷史入面嘅阿晴。四、唔可以代歷史中嘅自己做任何決定。

其實有呢四項規則，本身就等於講咩都無意思。但估唔到嘅係，最後阿晴同意咗呢四項規則，所以佢就喺每個載點入面，用靈魂狀態進入歷史中嘅阿晴身體，亦都即係你哋所講嘅『鬼上身』同你講一句嘢。一講完，靈魂就會馬上離開身體，而歷史之中嘅阿晴唔會知道發生咗咩事。

而有趣嘅係，阿晴咁辛苦爭取到呢件事，但佢講嘅嘢都幾無關痛癢嘅。當然亦因為咁，所以一直都無觸犯到規則。

我一直無提，係因為阿晴話呢件事要留番做最後嘅武器嚟勸你，而我就覺得嗰幾句嘢無咩作用，所以選擇唔講。但既然都嚟到呢個階段，都唯有聽阿晴講試下啦。」

天使無奈地聳了聳肩，表示無奈。

「咁到底佢同我講咗啲咩呢？」我緊張地問，「若果我知，可能我會明佢嘅意思呢。」

我心中想，阿晴刻意提及這事，必定有當中的意思。

「咁點解。」天使微笑著說出了三個字。

「吓？」我疑惑地叫了一聲。

「咁點解。」天使緩慢地，再重複了這三個字一遍。

突然間，這三個字尤如輸入了「Google」一樣在我腦海中飛快地尋索著，然後得出了結果。

「咁點解」，就是阿晴以靈魂身份進入歷史中的自己體內，對我說話時所留下的線索。

每個回憶載點中，都總會有一句「咁點解」。

曾經在回憶載點之中，我也察覺到阿晴好像有把「咁點解」掛在口邊。

當時我還以為只是偶然而不以為意，但原來，背後竟然藏著阿晴死後的說話。

呢更短短地, 大家睇住先, 我去做嘢, 今晚再見

咁點解樓豬要去做嘢, 今晚再見?

因為未搬完屋 又要做苦力

Hi古天樂絲 好耐冇見

咁點解
你每次都吊我地癮

咁點解
早知唔咁早入嚟
而家睇到唔嗲唔吊啦

咁點解

咁點解 大家咁活學活用

Btw 咁點解正皮仲差19個都未有人推爆佢

咁點解仲未有文？

今晚有夜更 仲有加更加喺夜晚
辛苦大家餓下文先

既然未有文 大家又可以去ig投個票，
今次係揀外傳想睇咩？

估到係咁點解