[穿越/愛情]《我同鍾意咗十一年嘅人表白，佢竟然跳海死咗》(5)（可能係結局post？！)

（七十五）(150正皮加更)
聽完天使簡述阿晴由死亡到設計整場佈局，再到旁觀著我穿越時空的故事後，我發現內心的百感交雜使我說不出半句說話，但唯獨眼淚卻一直不由自主地潸然流下。

眼淚，既是因為我痛心阿晴一直見證著我從努力改變命運去追求她到最後讓愛的經過，她必然會對我感到失望；

另一個流淚的原因，是由我穿越時空的一刻開始，中段拚命的改變歷史，到最後忍痛讓愛，我一直都以為是我在為阿晴爭取救贖。

但原來，被救贖的主角一直是我。

「所以如果計劃無被你識破嘅話，呢一刻應該就係帶你穿越翻去你同阿晴相識嘅第一日，俾你去改變呢個歷史，了結阿晴最後一個心願。」天使以此句作為終結，結束了長長的故事。

「呢個，就係唯一嘅選擇？」我看著正躺病床上，因為在淚水中顯得模糊的阿晴。

我想像不到，若她從此在我腦海中變得模糊，甚至消失，到底會是怎樣一回事。

也許，到時我已經連誰是阿晴也搞不清楚了。

可是，一個曾經愛過這麼多年的人，真的會說消失就消失嗎？

「嗯，喺歷史嘅自動修補力量之下，即使你無去認識阿晴，但你同九公、Aiko、蕭揚呢啲人嘅關係並唔會變，所以即使無咗阿晴，你都一樣會擁有翻一樣嘅生活。呢個，就係阿晴最後想俾你嘅幸福。」天使算是安慰著我般說道。

如果上課的旁邊沒有了阿晴，真的會幸福嗎？

如果聖誕舞會沒有了阿晴的身影，真的會幸福嗎？

如果人生的各個片段都缺少了阿晴，真的會幸福嗎？

當我腦海中反覆盤旋著這些問題時，天使的話卻同時讓我靈機一觸。

「咪住，你所講嘅歷史自動修補力量，係講緊歷史會將我經歷過嘅事實還原，但係點解喺我嘅經歷之中，都有好多嘅嘢改變咗。例如係最後我有同阿晴跳舞、阿晴嘅十八歲蛋糕口味唔同咗，Aiko同九公可以走得好近，仲有好多好多......」我想到，若然自動修補力量有所破綻，那麼阿晴或許尚有一線生機。

「你呢個係一個好問題，因為以前所有穿越者都係死者，好少人會刻意去對歷史作出大變動，所以其實歷史會有變化嘅機會好少。即使係我，亦都唔敢話對歷史嘅變化規則好了解。但從我觀察咗你呢九次嘅穿越，我開始有少少發現。我發現，歷史可以突破自動修補力量而出現變化嘅原因只有一個，就係穿越者嘅意志。」天使用溫和的聲音道出他的想法。

「穿越者嘅意志，係代表你喺一件事入面嘅影響力。例如學生會投票嘅事，你用意志叫走咗阿晴，所以歷史改變嘅地方就係你同阿晴兩個嘅票無咗。但最後學生會嘅票數一樣，就係因為歷史自動修補嘅力量出現咗。」天使解釋說：「同樣地，好似為阿晴揀蛋糕同禮物咁。揀蛋糕嘅一刻你提出到意見，因為你嘅意志干預到歷史，所以令歷史改變，蛋糕嘅口味改變咗；但同樣地，俾阿晴嘅禮物因為你只係俾咗少少意見，最後買嘅決定你無份參與，所以歷史自動修補之下，歷史無改變到。」

「咁即係話，只有我確實咁參與咗喺件事入面，歷史先會肯定改變到？」我嘗試消化著天使的話，但同時又想到了一個相當壞的可能性：「咁嘅話，九公同Aiko嘅改變呢？佢哋都係我改變歷史嘅其中一部分，咁如果無我繼續幫佢哋，佢哋係咪會散？」

一點半前出埋最後一篇加更
而家去補下肝先

返到屋企岩岩好有文睇

無錯 之後仲有一篇

的確引到心掛掛

冇追幾日 估唔到劇情變到咁
我估會happy ending

無恥巴 welcome back

工作太忙 一放工就訓

樓主係味已經作完晒

幾驚你棄咗故
諗好哂
為ending仲有少少修改緊
同埋細聲講

多謝支持

唔會棄啦 話曬我地都傾過一陣
同埋你既堅持真係唔容易
所以今晚夜訓少追埋

如果死者意志高d係咪會復活

多謝你呢 好感動有你呢啲一直追落嚟嘅讀者

變喪屍故

廢軒自殺係咪可以loop多轉

樓主真係高速創作, 咁夜都爆到一更

自殺就唔係意外啦
到時真係見死神

呀晴跳海都唔算自殺

其實唔高速 只係近排有時間
前兩日已經寫定幾篇預備新po

呢個討論可以睇翻post 4

（七十五）續
「放心，唔會。」天使微微一笑，「因為你嘅意志已經推動到佢哋嘅意志。人類唔係死物，而歷史嘅力量亦都唔可以改變一個人嘅思想，所以當你令歷史改變嘅時候，其實佢哋整個人嘅意志亦都變得同舊歷史唔同咗。就好似你改變咗九公同Aiko嘅關係，令佢哋本身嘅意志都唔同咗，即使無你，佢哋都可以繼續建立關係；同樣道理，當阿晴同Owen一齊之後，阿晴嘅意志都唔同咗，所以阿晴嘅結婚場地、婚紗呢啲嘢都變哂。」

天使這一番說話，讓一道有如閃電般的思緒顯現在我的腦海之中。

「若然係咁，即係代表只有由我直接身在其中咁影響到嘅事，先有可能避開歷史自動修補嘅力量，然後帶嚟改變......？」我喃喃自語地說，然後霍然看著天使，說：「如果你早啲咁講，我就會有決心去追阿晴，令佢成為我女朋友，呢個方法就可以救翻阿晴啦！」

天使聽了，只是微笑一下，不置可否。

看著他的反應，我心中怒氣一湧而上，我上前揪住了天使的衣領，喝道：「點解你唔早啲講？你早啲講，我就救到佢！」

一瞬之間，天使雙手分錯上下扣住我胸前與小腹的衣服。

我還來不發反應，就被天使順勢一拖一帶。

我整個人竟然不由自主地被他舉起，然後狠狠地摔在地上。

「唔記得話你知，每個天使都好擅長摔跤㗎。」天使笑著拍拍手，然後看著一時間躺在地上起來不了的我說：「痛唔痛啊？」

剛才那一摔簡單把我整個人連魂魄都摔散了，我咬緊牙關忍著痛，點了點頭。

「痛咗，有冇清醒啲？」天使的樣貌依然溫柔，像是從來沒有摔過我一樣。

我再勉強地點了點頭。

「我想話你知，首先，穿越者嘅意志可以突破到歷史自動修補力量呢件事，我都係喺你穿越嘅過程慢慢發現到。始終，你都係第一個在生嘅人去穿越同改變咁多事，所以我由此至終都無打算瞞你，甚至我心入面都有期望過你可以打破歷史，救翻阿晴。」天使坐在病床上看著我，「但係，我想你諗清楚，到底係咪我話咗俾你知只要你接觸阿晴就救到佢，甚至我就當無埋穿越時空會失憶嘅限制，係咪你就真係會下定決心去追阿晴？」

就在我想衝口而出地答「係」的時候，我的良心卻阻止了我的說話。

因為，我明白了天使提問背後的意思。

若說是我可以有影響力的現實，加上沒有失憶的限制，其實這就不是在原本生活中的我嗎？

從前的我，一舉一動不都是可以影響著未來嗎？

從前的我，今天睡了，明天醒來，但記憶不都是依舊存在嗎？

從前正常生活的我，其實本來就沒有所謂「穿越時空」的限制，也沒有需要理會歷史自動修補的力量。

但即使如此，我也從來沒有下定過要追求阿晴的決心。

既然如此，我又憑甚麼說，若天使提早告訴了我只有我具有影響歷史的能力時，我就一定會主動由我去追求阿晴，帶來改變呢？

也許到時候的我只會盡力為阿晴與他人撮合，作為對「由我的意志影響他人的意志」的理解。

所以到頭來，歷史會修復，阿晴一樣會死。

因此問題其實不在天使身上，而是我自己該負責任的軟弱。

「雖然我一直以嚟都無講，但其實你想唔想知，你同阿晴之間嘅嗰一個『關鍵詞』係咩啊？」

天使見著我一臉迷惘地躺在地上思想著，突然問了這個問題。

我點了點頭。

「『關鍵詞』代表咗喺你同佢之間所有嘅回憶入面，你帶有最強烈嘅感受。」天使緩緩地從床上站了起來，然後坐到地上，就在我的身旁邊說：「而你心入面對阿晴嘅『關鍵詞』，就係『遺憾』。」

「遺...憾？」我意想不到竟然會是這兩個字。

「呢兩個字，就描述咗你對阿晴嘅感受，亦都造就咗你所有嘅『回憶載點』出現。」天使淡然地說出。

我好似有估過遺憾

好啦講定晚安先
多謝所有巴絲
對於大家嚟講今日係有四更嘅一日
但對我嚟講 今日係一日內爆200正皮嘅一日
所以 真心 再次 一定 要多謝所有巴絲鍾意呢個故事
特別係嗰啲話會買書嘅留言 (有冇出版社睇到?)
真係一個好大嘅鼓勵

聽日星期六 更要聽日先報到 可能一可能二
Anyways仲要特別多謝好多新讀者真係去翻舊po 正皮
多謝你地唔怕麻煩

最後 個故終於入到結局篇
到底阿軒同阿晴會點呢
希望大家繼續睇落去啦

各位晚安 聽日再見

今次呢篇完得有良心
可以正正常常瞓覺 樓主早啲唞