[穿越/愛情]《我同鍾意咗十一年嘅人表白,佢竟然跳海死咗》(5)(可能係結局post?!)

1001 回覆
295 Like 3 Dislike
2020-07-19 21:48:10
好難捉摸啊
2020-07-19 21:57:41
邁向完結啦
2020-07-19 22:01:29
我覺得真係好好睇

最後阿晴嗰句真係

我又諗返起自己……唉

BTW 但係阿軒了解到阿晴諗法,真係會放得低?總覺得阿軒有可能頂唔住自殺(希望我估錯)
2020-07-19 22:03:55
咁應該第三個名最受歡迎
2020-07-19 22:04:22
多謝支持啊
阿軒會點 睇埋今晚就會知
2020-07-19 22:08:46
幾點揭曉
2020-07-19 22:11:21
「願 往後幸福 歲月靜好」
樓主 點解你咁勁
唉 呀晴對軒果種感情 好明顯 已經超出左友情同愛情果種
只想佢安好果種
2020-07-19 22:12:32
我覺得用番原名咪幾好
Btw 我覺得 有機會拍得成劇wo 真心 好撚正
2020-07-19 22:18:49
十二點前出加更文
2020-07-19 22:19:13
希望啦 有冇人識D咩編劇之類介紹下
2020-07-19 22:28:38
2020-07-19 22:33:39
好似第一次見你留名
我其實好想經歷下一見鍾情 好似好正
2020-07-19 22:52:23
我經歷過,但對方唔係咁諗,當我係水泡。
不能諗返轉頭,其實重新俾我揀多次我會再做多次水泡。
曾經有幾年無聯絡以為自己已經唔在意,之後佢突然搵返我,我當晚立即同當時嘅現任分手
2020-07-19 22:57:38
2020-07-19 22:58:32
咁佢對你真係好重要
2020-07-19 23:24:12
2020-07-19 23:29:36
2020-07-19 23:34:05
2020-07-19 23:36:54
多謝nightwing巴
2020-07-19 23:47:19
2020-07-20 00:01:01
2020-07-20 00:03:00
例遲
2020-07-20 00:04:30
(七十九)
簡單的九個字,無獨有偶地,與我寫在阿晴結婚的祝福板上的字句一模一樣。

同樣地渴望對方幸福,同樣地希望對方擁有簡單而平靜的歲月。

我當時的祝福,暗中所希望的是阿晴能與Owen婚後有美好的人生,無需再經歷波折的婚姻和死亡的意外;

而阿晴此時的祝福,我猜她是希望我在穿越時空旅程後能夠接受失去她的事實,然後好好生活,過一個簡單快樂的人生。

我們就是這樣,一直期望對方幸福,所以嘗試將最好的給予對方,但到頭來,我們卻因此而失去幸福。

「原來佢係呢個意思,果然係連我都瞞過咗......」天使看著我把阿晴說話當中的意思拆解出來,不但沒有半點怪責阿晴借用灰色地帶向我傳達意思,還欣賞似的點點頭。

「其實只係呢九個字,咁點解佢唔......」

本來我想問天使的是,「點解佢唔直接叫你傳話我知呢」,可是說話到了一半,我就把自己的話打斷了。

因為我已經想明白了。

阿晴用這個方法來傳達這九個字給我,背後意味著的,是決心。

對阿晴來說,她要以這方式成功傳遞這個信息給我,必需具備的條件是她要在第一個載點已想好想要傳遞的內容,然後方可在每個載點中以拆字的方式向我逐一傳遞。

換言之,阿晴打從一開始,就以「願 往後幸福 歲月靜好」作為留給我的最後祝福。

即使她還未見證我在穿越當中所作的一切,她已有著這祝福的心意。

這心意,象徵著她已接受自己將要死亡,並從一而終地希望我有一個更好人生的決心。

其實她大可以把握每次說話機會,向我暗示穿越時空的秘密,好讓我可以拯救她;

她也可以趁機傳遞她心中的愛意,讓我更珍惜她;

可是她最後選擇留下的是祝福,是話別。

她從我穿越時空前,已經接受了歷史不可能出現改變的事實。

比起奢望改變,她情願用決心訴說著,她不留戀人世,她只希望我往後有快樂人生。

所以此刻我明白,為何她要天使在這個時候提到這件事情。

因為阿晴押上的,是她唯一的希望,也是最後的遺願。

想到這裡,我再也想不下去了。

我內心此刻充滿爭扎。

對於要抹殺所有與阿晴的回憶,甚至要令阿晴從自己的人生中消失,我是千萬般的不情願。

對我來說,即使痛苦,但並不代表這段回憶沒有被記住的價值。

因為有著阿晴的青春和成長,才成就了今天的我。

我還是捨不得所有跟阿晴一起經歷一切。

可是,我也明白阿晴的遺願和心意。

正如我也情願犧牲自己,來換取阿晴與Owen在一起,目的也不過是想要她能夠幸福。

既然不能一同幸福,那麼至少我們之間要有一個人幸福,我相信,這就是我和阿晴的想法。

當阿晴放棄自己可以穿越時空換來美好回憶的機會,並且大費周章地將遺願傳達給我,目的也就是希望讓我能擁有幸福的人生。

難道我要辜負她的用心良苦嗎?

「再諗,都只會更加唔捨得,更加傷心。」天使溫柔的聲線再次響起,「不如快啲出發,完成埋阿晴嘅最後一個心願啦。」

「對唔住,我真係揀唔到......即使我知道,唔記得咗佢就唔會好似而家咁痛苦,但係,我都係好想我嘅記憶有佢,好想我嘅生命入面有佢......」我阻止不了淚水的落下,只能用乞求的樣子和語氣向天使說:「不如咁啊,你俾我試多一次,穿越多一次呢九個載點啊。如果...如果真係唔得,我就聽你講,改變我同阿晴嘅最初。」

天使於心不忍地看著我,長嘆一口氣說:「其實你明唔明白,到底點解你同阿晴一直一齊唔到?」

我回想著我和阿晴所有過去錯過彼此的片段,然後說:「係因為我哋無勇氣去表白,無勇氣去講出自己嘅心聲。」

「呢個只係表面嘅原因。」天使搖了搖頭說:「其實我又扮死神,又幫你哋上天堂,原因係我見到阿晴對你嘅愛同犧牲,我覺得你哋呢一段感情好難得,但係又好遺憾,所以我好想幫到阿晴完成佢嘅心願。但係慢慢睇住你去改變歷史,我心入面一邊好想你會成功,但另一邊就開始慢慢發現你哋之間錯過嘅原因。一個,你同阿晴都有嘅原因。」

「個原因係咩啊?」我禁不住問。

「係因為,你哋兩個從來都無相信自己就係對方嘅幸福。」天使緩緩地說。

「相信...幸福?」我重複著,一時間倒是未明白。

「一直以嚟,你哋明明最想要嘅都係對方,但係偏偏兩個都唔敢開口,原因就係你哋唔相信自己可以俾到幸福對方。你怕自己被阿晴拒絕,又怕歷史入面嘅你未夠好去照顧阿晴,所以遲遲唔表白;同樣地阿晴怕自己嘅家庭背景同經濟壓力會影響你追求夢想,所以亦都唔敢靠近你。

你哋兩個搏命用唔同方法去令對方幸福,去成全對方,但明明你哋各自心目中最需要嘅就係對方。

睇咗你哋嘅相處咁耐,我開始明白,你哋兩個所做嘅唔係犧牲、唔係成全,而係推卸責任。因為唔相信自己嘅價值,唔相信自己就係對方嘅幸福,所以就一相情願咁將令對方幸福嘅責任推俾其他人。你將阿晴推俾Owen,阿晴將你推俾一個仍然未出現嘅女仔,總之你兩個都係無膽去承擔對方嘅幸福。

你哋自以為嘅偉大成全對方,其實講穿咗,只係一個最不負責任嘅諗法。就係要令一個對自己最重要嘅人永遠幸福,但自己完全唔想亦唔敢出半分力。

真正嘅負責任,唔係要你背負佢嘅幸福,亦唔係由佢去負責你嘅幸福,而係由你哋一齊去分享同背負你哋嘅幸福。」

天使的聲音由溫柔漸轉認真,聽起來,愈來愈似在斥責我。

可是,聽著他每一句說話,我頓覺被針刺穿了內心的深處,讓平日連自己都沒有察覺的部分都顯露了出來。

過去與阿晴的相處,內心的掙扎,一時間全部湧上心頭。
2020-07-20 00:04:58
執字粒慢左 sorry
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞