我係工會戰線嘅搞手之一，有啲嘢好想同大家講

Gay礎建設 · 2020-06-21T00:47:00+08:00

sor，內容有啲長，同埋唔係整理得好好，但好想同大家share我嘅諗法關於620公投國安法殺到，雖然好多人期待攬炒，但係唔代表我哋真心鍾意國安法。而最近抗爭氣氛好似卡住咗咁，所以不論學生定工會都想藉住呢個時機，用一個低成本嘅抗爭方法：投票。同時配合反對國安法嘅「行動」，就變成呢個罷工罷課公投。今次的確係唔成功，過唔到目標，呢個係事實。有人話宣傳做得差，場地唔夠，安排太複雜，時期唔啱等等……結果唔好就係唔好，亦都唔想話搵藉口或者怪罪任何人。但想講嘅係，工會或者三罷作爲一條戰線唔係一次定生死，同議會戰線也好、國際戰線也好、街頭戰也好、遊行集會也好，都係我哋把握每個機會反抗。直到「成功」光復香港之前，每一次抗爭都可以話係「失敗」，但唔代表我哋會放棄，亦都唔代表係無用關於三罷面對之前好多9叫三罷嘅問題，我哋先諗公投呢個方法，避免少數手足做condom，如果真係好多人都表明肯罷先至發動一場罷工，而公投個目標唔可以太低，亦都唔係話過就過，正正係因爲我哋唔想亂咁叫三罷。公投失敗係咪代表工會戰線要收皮呢？我唔係咁睇。今次公投嘅結果只係證明宜家唔係發動三罷嘅時機，亦都有數得計，清清楚楚三罷係咪無用呢？同樣嘅問題可以套用其他戰線：議會係咪無用呢？遊行係咪無用呢？你會發現過去一年我哋做嘅正正係唔計較咁多「有無用」而去「盡做」當然唔係無腦咁情緒勒索叫大家出嚟，我哋一樣要計算成本同效益，但係抗爭嘅意志千祈唔好消磨咗關於工會戰線成條工會戰線由一個連登post開始，其實好多嘢真係見步行步，我係舊年7月先參與人生第一次遊行，係一個素到無得再素嘅「政治素人」。由係連登開post到開tg channel到建立自己條team然後開始有人響應，再有四十幾個工會成立，慢慢去傾做啲咩…… [戰書] 致香港人：呢個係我俾大家嘅最後限期 - 分享自 LIHKG 討論區 https://lih.kg/1614957 係香港搞工會、搞罷工真係好難好難，有啲識得我嘅朋友甚至笑我咁多條戰線好打唔打就去搞三罷。但我其實無諗咁多，同大家一樣，總之覺得係應該做嘅嘢就去做，呢一年我哋都係咁樣走過嘅。有人話三罷嘅時機已經錯過咗，亦有人話工會要再多啲時間去經營。但無論點都好，工會呢條戰線都會繼續打落去繼續努力關於連登我會話自己係「連登起家」，無連登真係無宜家嘅我，所以我對連登真係有個微妙嘅情意結之前連登嘅號召力真係好誇張，如果你個post寫得好，可以有幾千正評，然後share曬去ig、fb，幾個鐘內全香港可能有幾萬人睇過你嘅post。亦都因爲咁，好多人好努力係連登呢個平台去分析，去俾建議，去幫場運動見到宜家連登變成今日咁，影響力大不如前，氣氛又咁差。雖然話上連登勿認真，但其實我係幾介意。奉勸大家唔好咁「戰鬥格」。大家都匿名，係連登，好容易就貼好多標籤「左膠」「五毛」「泛粉」「熱狗」「分化L」，但其實係現實生活上，大家明明唔係咁兇狠，只係普通人，希望大家對手足寬容啲、包容啲，唔洗吓吓屌曬老母關於抗爭運動嚟緊係初選，但希望大家唔好沉迷選舉遊戲，選舉只係支線，抗爭運動先係重點。我從來唔係一個樂觀嘅人，我嘅判斷最壞情況係國安法照過，國際線嘅手足俾人拉曬或者潛逃去外國，普通人佢就唔搞淨係攞震懾力。然後歐美大鬧少制裁，外交上繼續口頭駁火，但係依然互相試探。至於香港未來廿年都要活係白色恐怖之下，半死不活。但係呢場抗爭唔會完結。係呢一年真係諗咗好多嘢。以前香港人淨係會諗生活、搵錢、買樓、結婚但宜家，我哋會諗公義、民主、自由我真係好愛香港呢個地方，好在意香港人究竟過得好唔好，好有興趣去探索呢個城市嘅歷史所以無論點，我都會堅持落去前路，我相信會係DARK AGE，但係我會讓反抗成爲我嘅生命 2019只係抗爭元年，2020嘅今日唔係1週年，而係抗爭紀元嘅第二年 END GAME唔會發生，只有INFINITY WAR，應承我，繼續FIGHT落去！ sorry，唔覺唔覺寫到咁長，好欣賞真係睇曬嘅你其實仲有好多好多諗法，不過宜家真係無之前咁有心機慢慢砌post 手足，加油！

濕婆(毀滅之神) 2020-06-21 01:26:30

攬攬唔夠

想同你格劍

如獲至寶小題大做 2020-06-21 01:26:45

推！

一生平安 2020-06-21 01:26:46

Tui

幾時先唔洗做 2020-06-21 01:26:49

加油
叫香港人唔返工唔係一件易事
先壯大工會人數
一步一步黎

黨鐵服務日日退步 2020-06-21 01:26:53

加油

KKKKKK1111111 2020-06-21 01:26:58

撐手足
唔好放棄

就快餓死 2020-06-21 01:27:09

下次都會繼續投！
一齊唔好放棄！
無投既人下次記撚得出黎呀！

辛苦哂你地既付出

邊個係我啤啤 2020-06-21 01:27:18

推

河國榮 2020-06-21 01:27:21

希望你地唔好失望罷工真係要成個社會氣候環境配合

絕對同意你睇法

我咁講只係有啲人認為罷工要求公投門檻太高
但係其實個門檻都只不過係六萬人(個人仲覺得低添)
如果連六萬人願意罷工都冇，咁得幾萬人嘅罷工完全影響唔到社會運作，咁有乜意義？

我覺得好多人憧憬大三罷佢覺得波蘭、法國都得，香港都會得，但係佢哋忽略咗香港人好重視物質生活、而且同僱主嘅bargaining power好低，同落後國家相比我地經濟好好，如果唔係具體影響到個人嘅話根本冇辦法全民三罷

同埋有好多仲讀緊書或者返part-time嘅覺得罷工係低成本，但其實絕對唔係，尤其對於一啲老屎忽，佢哋輕則就扣年假影響老細觀感、重則就秋後算帳以後難升職

點樣令到啲人願意犧牲參與罷工係一個好問題，我認為一定要有足夠多嘅人表態、氣勢好大先會令到更加多人肯罷工

讀緊書或者返part-time嘅唔好見人唔罷工就屌，易地而處諗吓人哋處境，接受現實唔好浪漫化抗爭