網絡小說集中討論區<15>好書難求

放開那個女巫

睇下先

咩都睇，要故事對手有對抗
唔要小白文，出黎比人秒

重睇全職高手

文筆一般係真，從未見過寫小說會突然間point form咁去介紹啲嘢

不過個故事越後越精彩，頂得順係追得過

都有唔睇，輕鬆文唔岩我

睇到一半好唔鍾意，又係想開後宮
有冇D唔係種馬唔會有大中華病毒又好睇既小說推介

無開到後宮，到結局都剩係娶左安娜一個

我無書睇，見台灣ptt拉埋佢同神秘復蘇比
咁我就睇啦，睇左陣覺好一般
但一路頂住，希望再睇落去有好轉
但睇到出城玩咩守夜者，真係頂唔到了
開頭話城外處處佈滿危機係好危險
點知d人可以扮npc角色比任務學生
又話出邊世界好危險，點知變左玩遊戲咁
我諗住沿路出去，就已經有好多伏兵，會死傷幾個人
未到目的地就損兵折將，點知出到去係玩遊戲咁

故事係寫會有手下幫手，主角從旁計謀出力
但寫出黎對戰描述唔夠肉緊
令人代入唔到，同時間作者想寫到主角係用腦
會有作戰計劃，但實際出到黎戰術太幼嫩

P.s多謝巴打介紹神秘復蘇，我通頂追睇
雖然對人係低智d，但開頭對鬼，寫到好緊湊，鬥智鬥力
但尾段就好似轉左作者咁，水平大幅下降
但都係難得好書黎既

上邊巴打介紹既神秘復甦睇得過！
強推蠱真人！無後宮，關鍵時候任何人都可以出賣
唔會見到女人就腳軟，仲有串中共，無民族主義
主角果敢決斷

我認同前期岩岩重生到
主角見返細佬同村既手段，主角覺得好幼稚
看破紅塵，所以有小小自大，應該係咁你覺得佢中二
但我覺正正係寫出主角既個過程
雖然係咁，但主角對所以待人處事方式都係好緊慎
但又不失邪派作風，有一線機會都果斷博一舖
佢重生後以為一切順風順水，咩都掌握之中
不過都係出事，仲要差d轉主角

所以唔算得上中二，作者係寫到重生完
主角心態上，有d自大
但到中期先知就算係前世做到所謂教主
原來都只係一條雜魚，重生之後先知世界好大
背後原來有好多事發生左

點先算中二，我覺好似起點個封七月
之前寫既最強反派系統
佢打鬥寫得都ok，都叫有緊迫感
但寫到對手係弱智，出街同人嘈幾句，人地就要殺主角
主角就反殺佢，一打完個細，阿爸就跳出黎幫仔報仇
打左阿爸，人地阿爺又黎，仲有主角隨便就收左班靚
一入組織，一陣就做領袖，果d就真係好中二
浪費曬佢寫既打鬥文筆

咁仲有個叫夜鶯點
btw呢套唔會介意劇透架可

無乜點，本書重點唔係愛情戲，成套野講種田、升科技樹同打仗

神秘復甦蠱真人marked
講起蠱有個幾年前既舊故叫 苗彊蠱事 幾好睇，恐怖位夠心寒，兄弟情都感人又搞笑，當然愛情位都好典型不過可接受

我之前以為蠱真人係講苗族養蠱
但睇左序同開頭先知唔係

係，睇到中段個夜鶯不斷出手，男主角又想做好人又想食女咁真係頂唔順
食左安娜又要做腳膠訓第二條女大脾，又要話自己冇心發展 真係抆左
不過種田流真係幾正前期寫得好好

2本都長呀，夠頂一段時間
蠱真人我第一本書會重睇，仲要重睇左幾次
到既睇完上黎可以分享下感想
介紹下同lv既書

咁多人推蠱真人 太監咗既書完全冇興趣睇

被逼

呢本書真係值得一睇
台灣果邊有幫佢出實體書
唔係太監左，我都會買一套支持佢
作者真係稱得上大神，佢神到係可以自己寫左個寓言故事
個寓言故事可以一直貫穿同融入整個蠱真人故事
D人話人祖傳都可以獨立出個小說
雖然好似好誇咁，但可以寫到寓言故事又穿插落去自然
只係呢個功力都已經值得一睇
所以一直等，等佢寫完新書，風聲無咁緊
可能有朝一日佢回歸

比中共迫害！
習劍平

個人鍾意西幻題材既 唔知巴打你啱唔啱

暴風雨中的蝴蝶 世界觀幾宏大 打仗成分算ok多 不過幾慢熱下 人物描寫算生動

亡靈持政 算係西幻溝都市? 成個劇情都係睇主角點樣達到目的 冇咩對抗之類 不過翻譯體寫得幾好 如果鍾意西幻既話值得一睇

巴頓奇幻事件錄 另一本西幻溝都市 劇情向 成本書既劇情一環扣一環 睇得出作者幾比心機作 但係似乎作得太長太大 有D變唔番既感覺

拋下磚睇下巴打啱唔啱口味 上面幾本係個人睇既書中算做真係有故事 唔係淨係focus係打打殺殺個方面 如果巴打係想睇個種主角同敵人一路針鋒相對既咁可能唔係幾啱你口味 但係以講故事黎講上面幾本書都講得唔錯 唔係淨係小白文係咁升級打完細既打大既

我認為佢中二主要係主角前期個D內心獨白真係好憤世嫉俗
真係講到主角咁超脫咁看破紅塵既話應該係直頭無視佢家族點對佢
對佢好又好 對佢差又好 主角應該都唔在乎

多謝介紹，睇左幾章
感覺幾好，可以睇落去
覺得主角果斷，同唔係聖母
又唔會寫到一入個世界
完美解決全部衰屍，救人收靚