網絡小說集中討論區<15>好書難求

劍來係一本哲學道德教科書

鄧太亞表示：邊個干擾人間事務斬邊個 人間事務不得天上說三道四

btw 李玉斧又係一個小故事補完

20章就棄咗

https://www.google.com.hk/amp/s/kknews.cc/culture/5rpx64l.amp

雪中好多呢啲小故事去補完整個世界
鍾意嘅人會覺得回味無窮 唔鍾意既人會覺得好累贅

如果講龐大世界觀 舊武俠小說我其實真係好鍾意大唐雙龍傳

成本書90%都寫得好 唯一嘅敗筆係玄武門之變收尾得太急太快

係好屈
到而家都記得嗰啲唔同勢力
天刀宋缺

大家發唔發覺大陸啲修真小說中，和尚嘅修行都係行“ 身是菩提樹，心如明鏡台，時時勤拂拭，勿使惹塵埃”類型

而行“菩提本無樹，明鏡亦非台，本來無一物，何處惹塵埃”類型嘅都係好人必須死角色

牧神記有冇巴打睇過 評價如何
而家睇到第600章 D情節好套路 角色有少少低B 想棄
後面會唔會好少少

無咁差吧，我覺得前期還好啊
但宅豬寫書係比較慢熱，我覺得可以一睇既...

宅豬我睇過佢本獨步天下 都覺得一般般 可能我唔太岩呢類書

「本來無一物」係禪宗南宗參嘅禪，「時時勤拂拭」係北宗嘅禪，佛門好多修行法，禪宗講「空性」，頓悟四大皆空即修行，即係「見性佛」，係內修，唔靠外物，修行完滿圓寂之後經接引去西方極樂世界成「法身佛」，太過虛無小說無得寫

修真小說入大部分都係大乘密宗，密宗有法成「即身佛」，經歷劫後肉身成佛，練手印、練脈輪(三脈七輪，即卓羅)、練瑜伽(體術)、男女雙修，修行圓滿後有神通，咁樣小說先有得寫

睇緊大道朝天埋尾，「不自由，無寧死」，貓膩一向言之有物，有時係扮嘢少少，係我好鍾意嘅作者，呢本由修仙寫到變科幻，好過癮。

巴打可唔可以講多啲
利申只係大概知道大乘同小乘既分別，同埋中觀有主張取消實相既傾向

無多d，得咁多料架咋，佛教各宗修行法唔同，其實都係講緊「開悟、持戒、行善、做功德、積福報、修果位」，佛教其實都係婆羅門教分支，係當時新興教派、唔正宗嘅修行法 (婆羅門教先算正宗)，另外仲有同級嘅外道六師，呢六派有d主張同佛教一致、有d完全相反，我覺得佢地有趣過佛教

想知外道六師係邊六師

捱過開頭就得

六師都係古印度人黎，d名鬼記得咩，剩係記得有一派係反因果，果報唔存在，做壞事唔會有惡報、好事唔會有好報，亦唔存在所謂善惡、輪迴，人死燈滅；有一派係宿命論，講眾生命運早已注定，無論點修行都要經歷八萬四千劫輪迴先可以超脫；有一派係唯物論，認為萬物由物質組成，否定超越物質嘅存在（例如精神力、靈魂），修行即苦行，磨練肉身之用

睇緊頭三回，覺得唔錯

利申:睇左過千本，睇少少就知龍與鳳

睇到後面唔知佢講乜
都唔知係我問題定佢問題

問道紅塵(仙子請自重)唔知睇唔睇落去好
頭三章真係有幾分遊戲紅塵間嘅feel
秦弈一做妖后之後成本書俗曬咁
仙逸出塵之氣全部唔見曬
比個6歲徒弟李無仙撚到成隻狗咁
都唔知係咪嗰排封書舉報冇心寫