要減脂唔等於唔可以食咁多蛋白質,同埋飲唔飲whey唔係直接決定你會唔會變肥既原因。相反你想增肌減脂既話,反而係要食少啲碳水/脂肪/糖(但無需要完全戒),spare啲熱量quota去做到一定既蛋白質攝取。
Whey protein只係一個比較低熱量既輔助手段去幫助你攝取每日所需既蛋白質量。你食爆卡又飲粉既話你想唔肥都難,但你變肥唔係因為啲whey protein令你肥,係你本身食太多熱量。
所以最終變肥與否都係睇你每日總熱量攝取。減脂既話熱量攝取要高過BMR同低過TDEE黎維持身體代謝。
至於你自己既BMR同TDEE分別係幾多,每日蛋白質要食幾多,上網搵下就有,可以去了解下。
另外,正正常常後生仔無先天缺陷個腎可以有啲咩事
唔知你平時飲食習慣係點啦,平時除左水同whey protein唔好飲咁多其他垃垃雜雜既飲品,正路都唔會有問題。
最後 買粉既話上網買 唔洗煩又多選擇 有時仲平過門市