5.27 嘅行動就係唔好衝動

天都遊俠 · 2020-05-26T21:42:39+08:00

目前為止香港人面對嘅事實係 28號人大班仆街就舉手立國安法，一立法攬炒已經基本上完成咗。點解仲要用各種極高危勇武手段去加速攬炒？聽日5.27嘅行動我唔反對，但係勇武手足一個都唔好出！3500嗰防暴，無數個便衣賤種已經喺各個路段，各個路口等緊你。你Set嗰RB可能要幾分鐘，但勇武後你就會失去幾十萬，幾百萬，幾千萬個分鐘繼續去救香港，真係值得咩？香港人撫心自問，依家七百萬人人手一個火魔，港共會怕你？唔好話火魔，人手一把步槍又點？立得國安法都唔怕你啦，咩遮醜布都唔要，依家係留島不留人你哋明唔明？香港人係要反抗但唔係用條命去搏，勇武嘅時期真係，真係，真係已經過咗。我覺得，香港人嘅反抗重點係如何喚起國際支持，本土抗爭嘅極限已經到咗。遊行，集會，慢駛，全部都可以，但係堵路，火魔，衝擊立法會真係唔好，所有媒體都報曬聽日會有行動，依家係請君入甕唔好咁衝動。勇武手足唔好再用犧牲自己嘅方式抗爭，今次你哋真係真係會死。保住條命先做到世界冠軍，請你哋聽我一言。