[結局篇][我唔識揀] 為咗報仇,我開始玩tinder 3
玖蒼
748
回覆
89 Like
3 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
東星笑面虎
2020-06-12 00:45:13
在線上!
仍然在等待果幾篇外傳架!!加油 寫埋佢
支持你!
千億個夜晚
2020-06-12 11:32:44
玖蒼
2020-06-12 15:34:50
外傳miss lin篇
「我願意…」
當初簽紙嘅時候,誠心誠意,山盟海誓,無論貧困疾苦,無論順境逆境…都信誓旦旦咁講「我願意…」。
同佢結束十年愛情長跑,預感幸福溫馨即將來臨,充滿、豐富整個人生…
但點解…?空洞嘅感覺日益發大?
係由幾時開始,一句早晨,一句早抖,變到好似例行公事?
同一間屋,兩個人,係由幾時開始變得陌生…?
「各位同學早晨…」
「miss lin早晨…」
我知道,係由我變心嗰刻開始。
結婚前嗰幾個月,我去咗一間學校到做代課。
原本以為一早已經心如止水嘅自己,竟然因為一個細自己九年嘅學生而引起軒然大波…更加引發之後種種問題…
試問,喺一切開始之前,又有邊個估得到…?
既然上帝係全能,點解當初阿當同夏娃偷食到禁果?
定還是,佢哋偷食禁果都係神嘅旨意?
「點呀,第一日代課慣唔慣?」我嘅未婚夫,藍家逸問我。
家逸同我係中學同學,而我哋嘅緣份,就要由個名開始講起。
我哋中學入學已經同班,嗰陣要上普通堂,而唔知點解普通話堂會喺電腦室上,而電腦室嘅座位就係跟學號排…
我同佢都係L字開頭,所以就順理成章每次普通話堂都一齊坐…
中一開學,我係屬於性格都比較慢熱同內向嗰種人嚟…唔…你一定以為故事入面如果個女仔係性格內向嘅話,個男仔一定係陽光開朗…
但偏偏我同佢嘅故事就唔係呢種,佢同我一樣,都係慢熱內向。
當時嘅普通話堂一個cycle一次,而第一次上普通話堂嘅時候,已經開咗學一個禮貌。
我哋嘅普通話老師係一個大陸人,而且,係一個鍾意講廣東話嘅大陸人。
「各喂同射早晨!」可惜嗰陣愛回家仲未開始播,如果唔係佢一定俾人笑佢似曹總。
「曹老師早晨!」因為佢都係姓曹…
呢位曹老師,除咗喺講書嗰陣係用普通話之外,其他一律所有都係用唔咸唔淡嘅廣東話講…
「哩條混題…唔…攬家人同學,你答!」
呢個時候,我同隔離位嘅藍家逸就一齊企咗起身…然之後互望咗一眼…
「禾係照…攬家人!」曹老師重覆一次。
而我同家逸就再互望一次…
「算啦算啦,你們隨便找一個回答我的問題!」曹老師轉返普通話講。
咁家逸就好快答咗個問題…
坐返低之後,我哋撲喺電腦後面係咁笑…係咁笑…
喺答問題之前仲存在嘅嗰道無形嘅牆好似突然之間消失咗咁,坐我隔離嘅佢,一瞬間變得唔再陌生…
「估唔到我哋個名可以咁樣讀…哈哈…」家逸講。
「嗯…唔…哈哈…」
「係呢,咁下次佢再叫攬家人,我哋邊個起身答好?」
「呃…一係輪流?」我提議。
「哈哈,但我哋點知佢真正想叫邊個?」
「撞㗎咋~」我講。
「咁希望撞中啦~係喇,開咗學咁耐,我點叫你好?」
「叫我家欣得喇,我無改英文名。」我講。
「咁…你都叫我家逸啦~」佢紅住塊面講。
嗰一日開始,我就彷彿多咗個「家人」。
就係咁,我同家逸開始熟絡,當其他圈子都係幾個男仔或者幾個女仔嘅時候,唯獨我同佢,一男一女,自得其樂。
後來我同班上嘅女同學亦都開始熟絡,而佢同班上嘅男同學亦都開始熟絡,但咁樣並無拉遠我同佢嘅距離,反而係將班上面嘅女仔圈子同男仔圈子拉埋咗一齊,亦因此多咗班會活動…
我同佢,就係喺呢種環境之下一齊長大…
後來去到中四,佢同我表白,我諗都無諗就應承,成件事順理成章,我同佢開始男女朋友嘅關係…
話就話係男女朋友,但實質上同以往三年嘅相處無咩唔同,或者多咗拖吓手仔,或者多咗挽吓手臂…
而第一次擁抱係喺會考放榜,我哋兩年嘅努力都開花結果,大家都考到唔錯嘅成績,可以一齊原校升中六…
第一次kiss係高考放榜前夕,我哋一齊去咗唱通宵k,一齊擔心自己嘅前途…
我好享受呢種同佢一齊嘅進度,或者無其他情侶咁激情,但比起激情,我更加享受細水長流…
一直、一直、一直,我都係咁樣以為…
簡單嘅生活,平淡嘅幸福…
「嫁俾我…等我照顧你一生一世…」某一日,家逸同我求婚…
就連求婚嘅時候,佢都無講好堆砌嘅對白,而係簡簡單單一個承諾…
由中一開始就識嘅我哋,唔經唔覺都已經行到呢一步…
回想成長以嚟嘅所有軌跡,都有佢喺我隔離…我諗,今後嘅日子,我亦都唔可以無咗佢…
我點頭,然後佢好用力咁攬住我…
嗰一刻我深信,佢會令我幸福,而婚姻生活亦都會好美滿…因為咁多年嚟我哋從來都無嗌過一次交。
所有嘢都按照一個平凡嘅路線進行,直到我喺行禮之前幾個月,去咗一間中學到代課…
故事嘅路線,開始偏離尋常軌道。
「你無嘢呀嘛?」眼前有位同學過嚟幫我收拾我跌落一地嘅作文紙。
嗰日係我第一日代課,但估唔到,幫我執返啲作文紙嘅同學,會係我其中一位學生。
更加估唔到嘅係,呢位學生…會鍾意我…
而我…竟然亦都喺不知不覺之間,開始留意呢位學生嘅一舉一動…
你眼晴會笑
彎成一條橋
某一日呢位學生喺facebook出咗個咁樣嘅post,我知道,佢係憑歌寄意…
佢係一位好受女同學歡迎嘅男仔,但偏偏喺男仔堆又玩得開。唔…我諗,多數受異性歡迎嘅人,都會俾同性排斥…?
但佢嘅性格似乎幫佢跨越咗呢種障礙,講得唔好聽就係吊兒郎噹,但因為呢種咁嘅性格,反而加強咗佢嘅親和力…
亦加強咗佢嘅吸引力…
但…咁又點?
佢對我,只不過係對成熟女性嘅一種憧憬,只不過係年青人青春期一時間嘅衝動…
況且,我有一個感情好穩定嘅未婚夫,我有一段好平凡而幸福嘅生活等緊我…
我同佢,只可以係老師同學生嘅關係…
「張同學,多謝你…」就喺我last day嗰日,佢追我追到上巴士…
我唔想傷害到佢,但…我亦都要負責任…
負責任去拒絕佢…
如果你早十年出現…或者,一切都會唔同…?
之後我如期結婚,然後寫咗封信寄俾佢…
希望所有嘢,都隨呢封信告一段落…
佢繼續佢嘅生活,我繼續我嘅平凡。
咁樣就係對大家都最好嘅結局。
時間繼續向前,我同家逸開始新婚生活…
我愛佢,我知道、我清楚自己我愛佢…
但…無巧不成書,當初曹老師嗌錯我哋個名,就好似預告緊我哋嘅將來咁…
家逸嘅愛、家欣嘅愛,通通都變成「家人」嘅愛。
相識十年以上嘅日子,諗返轉頭,就好似連半次激情都未試過有…
我哋就好似天空、好似海洋、好似高山、好似沙漠…
理所當然,永恆不變…
我開始質疑自己當初想要嗰樣嘢…開始懷疑自己嘅人生係唔係應該咁樣繼續…
最後,我搬咗出嚟,返咗屋企住…
然後,等一個唔希望等到嘅人…
等佢,係因為我鍾意佢…
唔希望等到佢,係因為我竟然鍾意佢…
我唔係一個有資格享有幸福嘅人,所以,我只可以用繼續不明不白嘅等待嚟贖罪…
總有一日,雲會散開,天朗氣清,回歸平淡。
生命,或者就係咁。
玖蒼
2020-06-12 15:35:48
sorry呢排實在太忙,要大家等咁耐唔好意思
三重劉德華
2020-06-12 15:47:23
幾日無入黎 竟然啱啱先出文
真係crystal家姐?!
這樣是不對的
pair pair都慢慢磨滅激情變成平淡如水ga啦 當初應承得就應該負返起責任
命運之書
2020-06-12 16:37:36
千億個夜晚
2020-06-12 17:48:53
重識輕誘
2020-06-13 01:32:52
感情冇分對錯 但佢老公好慘
千億個夜晚
2020-06-13 01:59:12
東星笑面虎
2020-06-13 02:55:58
終於都等到Miss Lin 呢篇啦
繼續寫埋落去啦 支持你
S.Vettel(又Spin)
2020-06-13 03:13:07
終於等到Miss Lin條線
希望會交代埋佢同J鋒嘅結局
鈴聲可以寧靜
2020-06-13 05:16:30
玖巴
千億個夜晚
2020-06-13 16:57:20
千億個夜晚
2020-06-13 22:27:48
等待梔子花開時
2020-06-13 23:52:13
Miss lin真係家姐
玖蒼
2020-06-14 00:45:46
外傳 crystal篇
後來,我一走了之。
面對各種壓到自己抖唔到氣嘅狀況,我發覺自己孤立無援…
好攰、好攰…
係一種精神上嘅攰…
當612見到佢嚟搵我嗰陣,心入面一直以嚟嗰種異樣嘅感覺逐漸變明朗,但同時,我亦都知道自己無資格任性。
因為,我同時鍾意緊兩個人…
無論係佢,定係佢…
放唔低過去,就無資格要求將來,更加無資格將佢留喺我身邊。
又或者,我係驚即使我開口,佢都依然係會離開,如果真係咁嘅話,我嘅自尊心一定會瓦解,令自己以後無辦法再同佢相處。
所以,喺適當時候放手,先可以繼續擁有。
時間一直向前推移,而香港就不斷發生大事…
身邊嘅朋友雖然唔係政治冷感,但都因為各式各樣嘅原因唔會走上街頭,我亦都明白嗰種心理壓力,無辦法對佢哋講啲咩。
反正,出到去,所有人都係自己人。
互不相識,但會互相關照。
不過,即使係咁,一次又一次令人絕望嘅抗爭,一次又一次無功以還但又望住手足被捕…
返到屋企大啖大啖咁抖氣,連新聞都唔敢睇…
咁嘅日子,仲要持續幾耐…?
唔知由幾時開始,每當覺得好壓迫嘅時候,我就會打開lol…
或者,係由識咗佢之後開始…
下意識地,我喺friend list到望住墮落剎神個id,個白痴講咗咁耐話改名都未改,真係笑死…
我一直無開到game,而係坐喺電腦前面等佢online,等完又等…
呢隻game其實麻麻地好玩,但…每次同佢玩,都總有意想不到嘅樂趣…
我鍾意打sup,總覺得,支撐住佢去carry一場遊戲,好有成功感。
當等極都等唔到佢online,當等完一日又一日,當壓力越積越大無從宣洩…
我決定離開一下香港。
我買咗張去意大利嘅單程機票,拋低香港嘅一切,一走了之。
唔幫自己叉叉電,實在無辦法繼續走落去…
由細到大我都好鍾意一個景點,叫嘆息橋,並唔係因為條橋係啲咩好宏偉、好精雕細啄嘅建築物,而係因為背後有一個好浪漫嘅傳說。
嘆息橋其實原本係一條連接住生同死嘅橋樑,即係連接住審訊室同埋監獄。以前嘅罪犯經判刑後就會經過呢條橋行去死牢,再望出威尼斯呢個水都嘅風景,感嘆自己嘅一生…
即使係死刑犯,但都不禁令人有種唏噓嘅感覺。
正因為呢座橋咁特別嘅歷史典故,所以誕生咗一個浪漫傳說。
傳說戀人喺日落嘅時候喺橋下嘅貢多拉上親吻,就會獲得一生一世嘅愛情。
唔使check ip都知,呢個傳說一定係貢多拉船家作出嚟,不過作得幾好,所以我都決定去搭一次。
搖住貢多拉,聽住追風箏的孩子,祈求一生一世嘅愛情。
或者,總有一個人,喺前面等住我。
羽清.
2020-06-14 00:47:39
到男主有真結局未
千億個夜晚
2020-06-14 01:28:04
S.Vettel(又Spin)
2020-06-14 02:46:13
樓主真係想收刀皮
寫個咁嘅ending比Crystal
愛知病
2020-06-14 03:16:44
不過,即使係咁,一次又一次令人絕望嘅抗爭,一次又一次無功以還但又望住手足被捕…
返到屋企大啖大啖咁抖氣,連新聞都唔敢睇…
咁嘅日子,仲要持續幾耐…?
屌 呢個位先係最撚sad
B-)
2020-06-14 03:22:13
dllm見到crystal諗起自己
風箏飛不出歎息橋
點解要俾人frdzone呀
千億個夜晚
2020-06-14 10:34:51
三本
2020-06-14 16:38:51
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞