[結局篇][我唔識揀] 為咗報仇，我開始玩tinder 3

「你驚唔驚…？」佢問我。

「驚…」我答。

「驚你又嚟嘅？」

「咁總有人要嚟嘅…」我講。

「多謝你。」

「多謝我啲咩？」

「多謝你出嚟搵我…」

「其實我…唔只係搵你…」我講。

「嗯？」

「你記唔記得上次約你出嚟，我仲叫咗另外一個女仔…？」

「記得…」

「我係嚟搵你哋兩個…」我講。

「咁你搵到佢未？」

「未…佢電話一直都無人聽…」

「咁我哋一齊去搵啦。」

「嗯…趁而家氣氛緩和返少少，我都快想啲搵到佢…」

「無事嘅，定啲嚟啦…」

「嗯…」

時間稍稍回溯…

因為封路嘅關係，我喺教堂前啲嗰個位就要落車…

臨落車嘅時候的士佬話唔收我錢，除咗同我講咗聲加油之外，仲講咗呢一句…

「細路，有時信吓緣份啦！」之後佢就走撚咗…

到底佢係真傻定假痴，我都唔係好分得清楚…

不過而家最重要嘅係，搵到佢哋先…

差唔多行到海富嗰陣，我部電話都已經上唔到網…

空氣中隱隱約約仲殘留住刺鼻氣味…五年前無經歷過雨傘嘅我，都知道呢種就係催淚彈嘅味道…

我開始越嚟越擔心…第一輪放催淚彈已經過咗一段時間，但啲味就好似唔識散咁…咁食到應一應嘅肥婆同crystal頂唔頂得順…

我一路行，一路繼續梅花間竹咁打佢哋兩個嘅電話…希望可以聯絡到佢哋，約定一個地點，再繼續睇吓之後點做…無奈嘅係肥婆電話無人聽，crystal電話就一時打唔通一時無人聽…

搞咩呀你哋…

我一路拎住部電話，一路左顧右盼…

然後人海中…我見到佢…

「細路，有時信吓緣份啦！」的士佬呢句說話再一次喺腦海入面響起…

我無諗咁多，只係快步越過人群走去佢所在嘅方向…

無幾耐之後佢都見到我，先係驚訝，然後係一個微笑…

「你嚟咗嘅…？」

我無答佢，而係即刻攬住佢…

「你無事就好…無事就好…」我講。

兩秒之後我俾自己呢個大膽行為嚇親，慌忙推返開佢。

「你驚唔驚…？」佢問我。

「驚…」我答。

…

…

…

…

…

然後我拉住crystal前臂，四周圍搵肥婆。

「咪住先，你啱先話佢電話一直無人聽？」crystal問我。

「係呀…做咩？」

「未試過打唔通…？」

「又好似係…」我講。

「會唔會…其實佢無嚟到？因為呢度咁多人，電話未必次次打得通…」crystal講。

「唔會…掛…因為我本身係約咗佢一齊嚟…不過我臨時有嘢做先甩咗佢底…」我講。

「係呀…咁…點解你而家又出到嚟嘅…？」crystal問。

「因為…因為…因為…」

「唔想講就由佢啦，唔好勉強…」

「嗯…多謝你…」

「我哋不如行出少少，打多幾次電話俾佢先…？」crystal提議。

「好。」

雖然而家搵到crystal，但我個心只係定返一半，仲有一半都係懸喺半空，唯有搵到肥婆先會感到踏實…

「嘟…嘟…」聽電話啦肥婆…聽電話啦肥婆…

「喂？」

屌！！！終於都聽電話！但…點解把聲…？

「喂，你喺邊呀？你有冇出到去呀？你有冇事呀？」我一輪嘴咁問。

「你係lily朋友？」電話另一邊傳嚟把同啱先「喂」嗰吓一模一樣嘅聲，但唔係肥婆。

「呃…係呀…你係…？」

「我係lily媽咪…」

「請問lily…係唔係無帶電話出街…？」我思緒有啲不靈…總係有啲不詳預感…

「lily今朝暈低咗，而家入咗醫院檢查…」

…

…

我仲記得，嗰日天好灰，無落雨，風唔大，雲唔高…隔離街啲催淚彈係咁放，白煙一團團咁瀰漫…有人尖叫，有救護車聲，有人屌老母，仲間中有槍聲…

但我成個世界…都係靜止…

sad end is coming

屌唔係登中肥婆有病下話
如果肥婆線sad end樓主真係等收刀片

利申 Crystal派

肥婆唔好有事

肥婆唔好有事

樓主而家好危險睇路

前幾頁有巴打估肥婆有病

肥婆會唔會sad end

樓豬一直都冇交代肥婆過去

呢個位停

唔好咁老土玩咩絕症呀下

又諗起墨B追女仔故入邊嗰個JoJo

肥婆唔好有事

樓主寫返啲真係happy嘅happy ending得唔得
唔想要sad嘅happy ending

諗返起上年寫完青梅嗰陣

好痴線

其實我唔介意學佢

幫你推文

Dllm.......睇到係crystal嗰刻
忍唔住講咗聲 唉呀

利申肥婆派
不過依家想主角同阿欣繼續一齊算

肥婆

對唔住大家，我都唔想燈中肥婆有病，唔好呀樓主