[畫樹3] 心理測驗了解自己

美麗 豐富 好食

感謝樓主！

我個fd話想玩叫我幫佢
健康
好多花
好綠

所有橙色其實本身係想用深啡，但係畫嘅時候搵唔到啡色

安定 寧靜 舒暢

巴打對自己唔係好有信心，唔知係咪過去嘅經歷拉扯住你，令你心入面都好多矛盾未搞清楚?
相信你整理到過去嘅話，可以幫輕你解決而家或將來面對嘅問題。
而你似乎平時都傾向自己解決問題，對身邊嘅人或事會有少少戒心，唔知咁樣會唔會加重咗你負擔?

巴打似乎都搵緊機會去展現自己嘅能力，但個狀態仍然未係太穩定。
特別有時你都會顧慮幾多、好看重其他人嘅感受或睇法，會唔會咁樣都令你忽略咗自己嘅真實想法?

巴打對生活幾有期望，亦係一個幾專注、以目標為本嘅人，但同一時間唔係好相信自己嘅能力，如果有多D人喺身邊表示支持你，你會多返D安全感去實行計劃!

或者有冇機會去試吓俾自己有獨立做決定嘅時候，儲多D經驗會令你更容易適應唔同嘅挑戰?

巴打好似有D野唔係好放得底呀?
有時巴打都會將自己睇得比較渺小一啲.. 多數諗人地先
唔知係咪有好多責任，覺得有啲辛苦呀？

睇得出巴打都幾幽默幾有創意，不過係畫入面，睇到巴打自信心就麻麻地，好多時都睇得自己好低，但同時都幾識苦中作樂（雖然都係苦苦地）

巴打你都係幾有諗頭嘅人，不過做起野上黎行動力就麻麻(或者係自信心作崇?)，會有啲懷疑自己咁

唔知係咪呢？想聽巴打Feedback

絲打 你棵樹都幾健康播，身邊都有D幾好嘅朋友可以支持自己
同埋平時係咪幾中意同其他人分享自己呢？
識得同人分享係好事，KEEP住咁嘅狀態都應該幾唔錯。
不過唔知有時會唔會都好依賴佢地呢?

大體上幾準 thx 巴打

巴打好重視同人嘅關係，唔知係咪之前都有D唔開心嘅經歷影響緊你? 同埋呢排會唔會都因為咁而有D焦慮?
你似乎成長中遇過好多困難，令你對身邊嘅人同埋事都冇乜安全感

絲打係個充滿責任感嘅人嚟，會對周圍嘅事都一力承擔，亦為自己定咗唔少目標，不過過程中係咪都遇到D矛盾位或樽頸位? 會唔會都好困擾到你或令你承受緊D壓力呢？
同埋你過去似乎都發生過D令你未放得低嘅事，如果你想分享多啲，可以傾下呀

睇嚟絲打定立咗一D計劃俾自己去實行，但就未係好夠信心，怕會失敗始終你都會在意其他人對你嘅睇法，所以每行一步都會好多擔心。
而你亦傾向收埋自己嘅情緒，部分更似乎未整理好，唔知你身邊有冇較親近 可以同你分享嘅人呢?