Band A報曬浸大 會否悔終生
其實我是來問嘢的 想問吓ocamp其實有分邊幾種 上網睇到暈暈地 如果有幸入到的話reg day果日應該帶幾錢去?
你哋一個會接觸到嘅應該係學生會Ocamp,即係大O,如無意外應該係成棟樓最平嘅Ocamp(大概兩百蚊左右),唔同學系嘅人都可以報,如果有興趣可以玩下
之後你應該會接觸到你所屬嘅學系,佢哋都有自己嘅Ocamp,價錢方面每個學科學會(A soc)都會唔同,連埋會費由四五百到近一千蚊都有
完咗學系註冊你就會落到AAB 3樓,嗰度會有好多唔同嘅興趣學會(I soc),部分學會會有自己嘅Ocamp,價錢各有不同,但大概連入會費都係幾百蚊左右
最後最後,如果你reg咗hall而又可以成功入住,咁你就可以玩Hall嘅Ocamp
值得留意嘅係每個Ocamp嘅舉行時間都唔同,有機會撞,俾錢之前最緊要問清楚日期地點呢啲資料。
如果怕自己學系嘅Ocamp同SU Ocamp撞期,學生會嗰邊應該會有數字知道其他學科學會(A soc)嘅Ocamp係幾時搞,報大O嗰陣問佢哋就得
至於帶錢方面就隨量啦,反正如果你唔夠錢學科學會係會有工作人員陪你落去撳機
我諗帶千五到兩千蚊去乜都夠
屌你水啲fm帶千5至2千
帶一千好啦 唔好比人昆水
唔夠就話遲啲比 再諗清楚先報
我脫離咗個情況太耐唔係好知價 聽講BBA有啲soc要fm交成八百幾蚊,咁如果佢只帶一千基本上都冇咗,所以先至建議佢帶千五有得走盞