記住我哋寫嘅係粵文，唔係口語！

follow u 先，對粵文好有興趣

推

無睇到中間嗰廿頁有無人提到
其實粵語同普通話最大分別
亦係粵語最特別嘅地方
係語氣助詞
由一般普通話都有嘅 啦 呀 呢
去到咋 喎 啩
再去到複式組合 吖嘛 㗎啦喎 咋啩 等等等等
呢啲語氣助詞喺表達語氣上有非常重要嘅地位

只要樓豬所講嘅spontaneous order可以做到語氣助詞入文而且有系統地規範使用者
咁就令粵文同普通話有超級大嘅分別
而且係普通話無辦法取代

高質要推

支持

具體可以點樣光復粵文？

樓主講咗作家寫各類作品都用粵文寫作，但大家嘅支持同樣重要。

當年文言文可以轉白話文，喺因為當時大眾淨係識白話唔識文言，轉咗白話啲作家嘅作品係會多咗人睇。但依家啲人書面語粵語都識，況且用書面語仲會多咗啲海外例如台灣人睇，你係作家你梗係想更多人睇你嘅作品，你會用書面語定粵語？

所以我覺得我地要做多啲，唔可以淨係要求作者用粵文寫作，仲要整個良好嘅粵文氛圍出黎，先可以光復到粵文。

1. 大家多啲支持粵文作品，比多啲動機比作家用粵文寫野

2. 最好就有多啲用粵文嘅平台，例如用粵文嘅報章雜誌出版社

3. 有系統地推廣粵文，鼓勵多啲香港以外嘅人使用粵文

大家仲有咩idea？

希望大家唔好推完就算，諗多啲可以點樣光復粵文，至少大家可以由支持粵文作品開始

要鼓勵人多用粵文寫作
同時間都要多D去學緊中文既人去寫粵文

正

建構香港民族

Push

其實廣東話口語同入文，我覺得樓主講果啲潮語就真係(普通入文無問題，但有啲字眼只係純潮語你今日寫今日明，他朝再畀人睇可能就唔知咩意思)
至於係，嘅，㗎，啲，哋呢啲入文完全無問題

Teoi

支持

👍🏻 粵語有幾千年歷史, 古粵語係楚人同百越人嘅語言，由秦始皇攻打嶺南一帶，當時中原常用嘅雅言語系就跟著諸夏族群南遷，同百越語言互相影響，五胡亂華之後，粵語發展逐漸穩定，隋唐就已經建立咗完善嘅語言系統, 讀唐詩就一定要用粤語先可以讀到個韻味, 例如杜甫嘅<客至>

捨南捨北皆春水，但見群鷗日日來。
花徑不曾緣客掃，蓬門今始為君開。
盤飧市遠無兼味，樽酒家貧只舊醅。
肯與鄰翁相對飲，隔離呼取盡余杯。

尾句嘅 "肯與" 同 "隔離" 係用粤語嘅人先知係乜, 用北京官話(普通話)嘅根本唔會知佢講乜柒!

另外, 樓主講嘅光復粤語, 我覺得應該係用守護而唔係用光復, 全球用粤語嘅人口有1.2億, 但老共就一直想消滅粤語, 香港文化, 包括粤語電影, 電視劇同粵語流行曲都曾經影響亞洲其他地區, 所以我哋要守護同再次擴大呢份影響力先可以抗衡老共

講得啱。
呢啲語氣助詞雖則部分可以用漢字寫，但非常複雜又冇效率。

我建議用拼音寫，如gala, jawoh, jima...

Ngo講geh開放性系統，jau hai 漢字同拼音互不排斥，ho chi日文gum可以用漢字或假名寫。

你所講geh漢字優先，其實hai假定漢字sin hai標準文字，會令人覺得寫ng到漢字geh詞語應該盡量避免。久而久之ni d粵語獨有詞jau wui被排斥、遺忘。
例如
狼狽取代Lea Hea
有趣取代gwo制
刁鑽取代Lung Cung
辦法取代符fit

有見地

大力推

唔係“假定漢字係標準文字”，而係tonal languages 聲調問題。韓文越南文一樣搞唔掂同音字問題，香港文仲要有九聲。亂用拼音文字只會搞死自己。

好似你第一句個Ngo, 我都唔知你講緊“我”定“唔”

粵文真係出左電腦同互聯網先流行
其實初代粵文加埋英拼都唔差
我理想中係日文咁有港製漢字加上其他拼音系統
好似mou低，唔識打漢字

認同樓主
我好唔妥人講漢人南下
你講緊689，同曾特首果d達官貴人祖先
果種南下叫漢人南下?
佔總人口唔知幾成
常常歪曲歷史講到百越無人全部漢人南下
係大錯特錯
令外，明國時代大量百越人改摹寫族普，將自己改做漢人
亦係鐵一般史實
DNA檢測其實先係最客觀
唔好再講咩大量漢人南下
以前無飛機無車渣

「聲調語言ng可以拼音」hai漢字利益集團製造geh傳說，目的hai維持習用漢字geh識字階層geh既有利益。

如果打破「漢字x白話文」geh壟斷局面，長期佔據學校教育、傳媒、文化界geh漢字技術官僚jau wui失去工作，ni個龐大geh漢字利益集團sin hai粵文geh最大阻礙。

全世界geh聲調語言，都hai以拼音文字為多數，仍然用漢字geh hai 得漢語、粵語、閩南語、吳語。而且除jor漢語同漢字比較吻合，其他語言用漢字都有好大困難。