就係睇到得兩位絲打係度講 好似空口講白話 會唔會對當事人唔係好公平?
咁你想點?
我覺得不如直接報警 因為如果佢真係咁既人 佢係好危險 受害人只會一直增加 而且我覺得連登唔係解決呢啲問題既好地方 風化案誰是誰非既指控好嚴重 應該要尋求直接公平解決到問題既方法
好簡單,報警警察會問你 證據呢?
人證呢?會唔會你地夾埋一齊屈佢呢?
咁物證呢?
唔通每次遇到既時候 都要叫人影一影相先好摸?
我都明白連登唔係解決到既方法
但除左發泄一下之外 作為一個受害者可以點?
發泄下真係要開曬名 po人相?先唔理個男有心定冇意 站係你既立場係一定會好嬲好唔開心 我女朋友都試過 係連我自己都會嬲埋一份 但po相開名呢啲行為係未完全確實地分清楚事非黑白就做 好似有少少唔係咁好 如果佢真係冇心 其實個男仔要面對好大壓力同埋旁人既指罵
sorry 我係用錯字 係警剔一時手快快打錯字
我都明白巴打你所講既說話
都好感激你明白當時人既心情
唔會似人地咁淨係搵位入
但我可以講既係 佢唔係有心
冇計 自己女朋友試過好難唔明白
但自己作為男仔都會諗下其他方面
我又唔係你 我真係唔知佢有冇心啦
但好現實咁講 有時大合照邊理到咁多
未必係佢想壓落你到 而係佢自己都係比其他人撞到所以先壓左落你到 容許我為唔小心既男士們辯護下
重點係風化案一定要即刻岀聲 唔可以忍左去 你一岀聲既時候就自自然然會有解決方法 睇下個男仔點解釋囉 一係就直接通知校方處理又或者用最實際既報警去解決 因為事後根本冇人會搵到真相 你就真係蝕底左 冇人會負責任 而個男仔一係繼續搵人摸 一係就比人誤會一世 呢啲事件只會沒完沒了 所以理性啲講 我個人會覺得絲打們可以藉此為警惕 知道比人摸要即刻岀聲 但同時都唔好先以此判斷個男仔有冇錯有心定無意 咁樣會對大家公平啲
利申:睇到好多感受想講 唔係話想幫其中一方 理性最為重要
唔係想駁你不過佢已經係最後排 旁邊好鬆動下
但見絲打話同校方反映左就等校方安排
大家完sem快樂