[講故仔][歷史] 名言與其背後故事
Mighty_Tummy
421 回覆
665 Like
4 Dislike
lm
留明支持
14. "The wall will fall. Beliefs become reality.”
「圍牆終將倒下；信念終將實現。」
呢句說話來自柏林圍牆一隅嘅塗鴉句子，美國總統列根1987年喺西德演說時都有提到呢句說話。柏林圍牆由東德於1961年8月13日開始興建，目的係區隔代表社會主義勢力嘅東柏林、同代表資本主義勢力嘅西柏林；係意識形態上嘅分庭抗禮，亦係「冷戰」嘅象徵。
．圍牆終將倒下；信念終將實現。
第二次世界大戰後，美國同蘇聯躍身超級強國；然而，兩國意識形態上嘅分野，導致世界陷入「冷戰」。其中，納粹政權倒台後，德國被盟軍占領、百廢待舉，結果淪為東西方嘅寸土必爭之地：1949年，德國被一分為二，東德成為蘇聯嘅衛星國；西德就為西方資本主義國家所管制。然而，由於東德政權嘅高壓管治，大批人民逃往西德；就此，東德為阻截「脫東潮」，決定興建所謂「反法西斯防衛牆」（Antifaschistischer Schutzwall）、即柏林圍牆，並派軍隊駐守，賦權佢哋槍擊任何逃脫者。
1963年，冷戰正值白熱化階段，時任美國總統甘迺迪（John F. Kennedy）到西柏林演講，高舉民主意志、聲援自由西德，至今仍唯人津津樂道。本人摘錄並翻譯部分講辭。
https://www.youtube.com/watch?v=56V6r2dpYH8
John F. Kennedy's speech in Berlin 1963年6月26日
取自2:48：
"Two thousand years ago, the proudest boast was 'civis Romanus sum'. Today, in the world of freedom, the proudest boast is 'Ich bin ein Berliner'."
「喺兩千年之前，令人最為自豪嘅宣言係『我係羅馬公民』。今日，喺呢個自由平等嘅世界，令人最引以為傲嘅宣言係『我係柏林人』！」
取自3:40：
“There are many people in the world who really don't understand, or say they don't, what is the great issue between the free world and the Communist world. Let them come to Berlin. There are some who say that communism is the wave of the future. Let them come to Berlin. And there are some who say in Europe and elsewhere we can work with the Communists. Let them come to Berlin. And there are even a few who say that it is true that communism is an evil system, but it permits us to make economic progress. Lass' sie nach Berlin kommen. Let them come to Berlin.”
「世界上有好多人唔明白、或聲稱佢哋唔明白自由世界同共產世界之間嘅矛盾，『請佢哋親臨柏林』；亦有人聲稱共產主義係未來嘅風潮，『請佢哋親臨柏林』；又有人聲稱喺歐洲或者其他地方可以同共產主義者合作，『請佢哋親臨柏林』；再有一小撮人聲稱共產主義雖然惡貫滿盈，但能夠造成經濟增長，『Lass' sie nach Berlin kommen－請佢哋親臨柏林』！」
取自5:03：
"Freedom has many difficulties and democracy is not perfect, but we have never had to put a wall up to keep our people in, to prevent them from leaving us."
「自由縱然荊棘滿途、民主亦係不盡完善，但係我哋從來都未試過興建圍牆困住人民。」
1987年，冷戰漸到尾聲，蘇聯已經係日暮途窮；時任美國總統列根（Ronald W. Reagan）再到西柏林嘅勃蘭登堡門演講，發表咗舉世矚目嘅「推牆」演說。
https://www.youtube.com/watch?v=5MDFX-dNtsM
President Reagan's speech in Berlin 1987年6月12日
取自10:45：
"...We welcome change and openness; for we believe that freedom and security go together, that the advance of human liberty can only strengthen the cause of world peace. There is one sign the Soviets can make that would be unmistakable, that would advance dramatically the cause of freedom and peace."
「我哋歡迎（蘇聯嘅）改革與開放；因為我哋相信自由同人權係一體兩面、密不可分，而人民邁向自由亦係世界步向和平嘅象徵。依家，蘇維埃政府只要做一件事，就必然能夠令我哋喺自由、和平嘅進程上跨一大步。」
"General Secretary Gorbachev, if you seek peace, if you seek prosperity for the Soviet Union and Eastern Europe, if you seek liberalization: Come here to this gate! Mr. Gorbachev, open this gate! Mr. Gorbachev, tear down this wall!"
「戈爾巴喬夫總書記，若果你追求和平、追求蘇聯同東德嘅繁榮昌盛、追求自由開放嘅社會；請蒞臨呢道門（勃蘭登堡門）！戈爾巴喬夫先生，請打開呢道門！戈爾巴喬夫先生，請推倒呢面牆！」
時而世易，冷戰已經寫入歷史，但共產主義嘅餘毒依然蠶食呢個世界，仿如「霧霾」一樣揮之不去。僅此，本人寄語所有親共、愛國愛黨人士：「Let them come to Beijing」－「請佢哋親臨北京」！
．浩瀚宏偉嘅天安門。
「圍牆終將倒下；信念終將實現。」
呢句說話來自柏林圍牆一隅嘅塗鴉句子，美國總統列根1987年喺西德演說時都有提到呢句說話。柏林圍牆由東德於1961年8月13日開始興建，目的係區隔代表社會主義勢力嘅東柏林、同代表資本主義勢力嘅西柏林；係意識形態上嘅分庭抗禮，亦係「冷戰」嘅象徵。
．圍牆終將倒下；信念終將實現。
第二次世界大戰後，美國同蘇聯躍身超級強國；然而，兩國意識形態上嘅分野，導致世界陷入「冷戰」。其中，納粹政權倒台後，德國被盟軍占領、百廢待舉，結果淪為東西方嘅寸土必爭之地：1949年，德國被一分為二，東德成為蘇聯嘅衛星國；西德就為西方資本主義國家所管制。然而，由於東德政權嘅高壓管治，大批人民逃往西德；就此，東德為阻截「脫東潮」，決定興建所謂「反法西斯防衛牆」（Antifaschistischer Schutzwall）、即柏林圍牆，並派軍隊駐守，賦權佢哋槍擊任何逃脫者。
1963年，冷戰正值白熱化階段，時任美國總統甘迺迪（John F. Kennedy）到西柏林演講，高舉民主意志、聲援自由西德，至今仍唯人津津樂道。本人摘錄並翻譯部分講辭。
https://www.youtube.com/watch?v=56V6r2dpYH8
John F. Kennedy's speech in Berlin 1963年6月26日
取自2:48：
"Two thousand years ago, the proudest boast was 'civis Romanus sum'. Today, in the world of freedom, the proudest boast is 'Ich bin ein Berliner'."
「喺兩千年之前，令人最為自豪嘅宣言係『我係羅馬公民』。今日，喺呢個自由平等嘅世界，令人最引以為傲嘅宣言係『我係柏林人』！」
取自3:40：
“There are many people in the world who really don't understand, or say they don't, what is the great issue between the free world and the Communist world. Let them come to Berlin. There are some who say that communism is the wave of the future. Let them come to Berlin. And there are some who say in Europe and elsewhere we can work with the Communists. Let them come to Berlin. And there are even a few who say that it is true that communism is an evil system, but it permits us to make economic progress. Lass' sie nach Berlin kommen. Let them come to Berlin.”
「世界上有好多人唔明白、或聲稱佢哋唔明白自由世界同共產世界之間嘅矛盾，『請佢哋親臨柏林』；亦有人聲稱共產主義係未來嘅風潮，『請佢哋親臨柏林』；又有人聲稱喺歐洲或者其他地方可以同共產主義者合作，『請佢哋親臨柏林』；再有一小撮人聲稱共產主義雖然惡貫滿盈，但能夠造成經濟增長，『Lass' sie nach Berlin kommen－請佢哋親臨柏林』！」
取自5:03：
"Freedom has many difficulties and democracy is not perfect, but we have never had to put a wall up to keep our people in, to prevent them from leaving us."
「自由縱然荊棘滿途、民主亦係不盡完善，但係我哋從來都未試過興建圍牆困住人民。」
1987年，冷戰漸到尾聲，蘇聯已經係日暮途窮；時任美國總統列根（Ronald W. Reagan）再到西柏林嘅勃蘭登堡門演講，發表咗舉世矚目嘅「推牆」演說。
https://www.youtube.com/watch?v=5MDFX-dNtsM
President Reagan's speech in Berlin 1987年6月12日
取自10:45：
"...We welcome change and openness; for we believe that freedom and security go together, that the advance of human liberty can only strengthen the cause of world peace. There is one sign the Soviets can make that would be unmistakable, that would advance dramatically the cause of freedom and peace."
「我哋歡迎（蘇聯嘅）改革與開放；因為我哋相信自由同人權係一體兩面、密不可分，而人民邁向自由亦係世界步向和平嘅象徵。依家，蘇維埃政府只要做一件事，就必然能夠令我哋喺自由、和平嘅進程上跨一大步。」
"General Secretary Gorbachev, if you seek peace, if you seek prosperity for the Soviet Union and Eastern Europe, if you seek liberalization: Come here to this gate! Mr. Gorbachev, open this gate! Mr. Gorbachev, tear down this wall!"
「戈爾巴喬夫總書記，若果你追求和平、追求蘇聯同東德嘅繁榮昌盛、追求自由開放嘅社會；請蒞臨呢道門（勃蘭登堡門）！戈爾巴喬夫先生，請打開呢道門！戈爾巴喬夫先生，請推倒呢面牆！」
時而世易，冷戰已經寫入歷史，但共產主義嘅餘毒依然蠶食呢個世界，仿如「霧霾」一樣揮之不去。僅此，本人寄語所有親共、愛國愛黨人士：「Let them come to Beijing」－「請佢哋親臨北京」！
．浩瀚宏偉嘅天安門。
高質
巴打會唔會講古代詩人
巴打會唔會講古代詩人
高質
巴打會唔會講古代詩人
盡力而為
15. 「大江東去，浪淘盡、千古風流人物。」
據不同學者考究，縱觀中原歷史曾經出過大約四百位皇帝；當中有各據一方、有統領天下；有荒淫無道、有勤政愛民；有愚昧無知、有足智多謀；有讒信佞臣、有用人唯才。再數歷代權臣，更多不勝數；有人「鞠躬盡瘁死而後已」、亦有人「挾天子以令諸侯」；讀歷史其中一個好處，就係能夠從歷史人物嘅生平故事去悟出道理、汲取教訓。筆者今數三篇評論歷史人物嘅詩詞；除咗讀歷史有趣、讀歷史人物讀歷史亦別有一番趣味。
《念奴嬌．赤壁懷古》北宋．蘇軾
「大江東去，浪淘盡、千古風流人物。
故壘西邊，人道是、三國周郎赤壁。
亂石崩雲，驚濤裂岸，捲起千堆雪。
江山如畫，一時多少豪傑！
遙想公瑾當年，小喬初嫁了，雄姿英發。
羽扇綸巾，談笑間、檣櫓灰飛煙滅。
故國神遊，多情應笑我，早生華髮。
人間如夢，一尊還酹江月。」
《臨江仙》明．楊慎
「滾滾長江東逝水，浪花淘盡英雄。
是非成敗轉頭空。青山依舊在，幾度夕陽紅。
白髮漁樵江渚上，慣看秋月春風。
一壺濁酒喜相逢。古今多少事，都付笑談中。」
《沁園春．雪》民國．毛澤東
「北國風光，千里冰封，萬里雪飄。
望長城内外，惟餘莽莽；大河上下，頓失滔滔。
山舞銀蛇，原馳蠟象，欲與天公試比高。
須晴日，看紅妝素裹，分外妖嬈。
江山如此多嬌，引無數英雄競折腰。
惜秦皇漢武，略輸文采；
唐宗宋祖，稍遜風騷。
一代天驕成吉思汗，只識彎弓射大雕。
俱往矣，數風流人物，還看今朝。」
．毛澤東親筆寫嘅《沁園春．雪》；所謂「見字如見人」，從佢嘅書法可對其性格略窺一斑。
上面三首都係點評歷代皇帝、權臣嘅詩詞（頭兩首都喺中學課程之內，相信大家非耳熟能詳、都略有耳聞。），用詞不慍不火之餘又不失霸氣；筆者猶愛《念奴嬌．赤壁懷古》中一句「羽扇綸巾，談笑間、檣櫓灰飛煙滅。」，畫面仿如浮現於眼前－周瑜神色自若、談笑風生；一輕撥羽扇，敵人嘅戰船就統統沉淪大海。
．赤壁。
之不過，假若我哋細心留意，呢幾篇詩詞都有幾個共通點。首先，都係所謂「借景抒情」：蘇軾遊赤璧時有感而發，一時「發思古之幽情」；楊慎官場受挫，借景記歷史之興亡、抒身世之感慨；毛澤東西征延安，借點評歷代皇帝之不足，暗示其稱霸天下之狼子野心。其次，唔少詩人都愛酒如命（毛澤東不嗜酒但係老煙槍），借酒抒情、消愁。最後，每每詩詞嘅末段，通常會一副看透世事、看破功名嘅模樣，亦係唔少詩人寫詩嘅主旨。筆者就此即席揮毫寫篇《十六字令》，套用上述觀點、佯作詩情畫意，還望指教、請勿見笑。
據不同學者考究，縱觀中原歷史曾經出過大約四百位皇帝；當中有各據一方、有統領天下；有荒淫無道、有勤政愛民；有愚昧無知、有足智多謀；有讒信佞臣、有用人唯才。再數歷代權臣，更多不勝數；有人「鞠躬盡瘁死而後已」、亦有人「挾天子以令諸侯」；讀歷史其中一個好處，就係能夠從歷史人物嘅生平故事去悟出道理、汲取教訓。筆者今數三篇評論歷史人物嘅詩詞；除咗讀歷史有趣、讀歷史人物讀歷史亦別有一番趣味。
《念奴嬌．赤壁懷古》北宋．蘇軾
「大江東去，浪淘盡、千古風流人物。
故壘西邊，人道是、三國周郎赤壁。
亂石崩雲，驚濤裂岸，捲起千堆雪。
江山如畫，一時多少豪傑！
遙想公瑾當年，小喬初嫁了，雄姿英發。
羽扇綸巾，談笑間、檣櫓灰飛煙滅。
故國神遊，多情應笑我，早生華髮。
人間如夢，一尊還酹江月。」
《臨江仙》明．楊慎
「滾滾長江東逝水，浪花淘盡英雄。
是非成敗轉頭空。青山依舊在，幾度夕陽紅。
白髮漁樵江渚上，慣看秋月春風。
一壺濁酒喜相逢。古今多少事，都付笑談中。」
《沁園春．雪》民國．毛澤東
「北國風光，千里冰封，萬里雪飄。
望長城内外，惟餘莽莽；大河上下，頓失滔滔。
山舞銀蛇，原馳蠟象，欲與天公試比高。
須晴日，看紅妝素裹，分外妖嬈。
江山如此多嬌，引無數英雄競折腰。
惜秦皇漢武，略輸文采；
唐宗宋祖，稍遜風騷。
一代天驕成吉思汗，只識彎弓射大雕。
俱往矣，數風流人物，還看今朝。」
．毛澤東親筆寫嘅《沁園春．雪》；所謂「見字如見人」，從佢嘅書法可對其性格略窺一斑。
上面三首都係點評歷代皇帝、權臣嘅詩詞（頭兩首都喺中學課程之內，相信大家非耳熟能詳、都略有耳聞。），用詞不慍不火之餘又不失霸氣；筆者猶愛《念奴嬌．赤壁懷古》中一句「羽扇綸巾，談笑間、檣櫓灰飛煙滅。」，畫面仿如浮現於眼前－周瑜神色自若、談笑風生；一輕撥羽扇，敵人嘅戰船就統統沉淪大海。
．赤壁。
之不過，假若我哋細心留意，呢幾篇詩詞都有幾個共通點。首先，都係所謂「借景抒情」：蘇軾遊赤璧時有感而發，一時「發思古之幽情」；楊慎官場受挫，借景記歷史之興亡、抒身世之感慨；毛澤東西征延安，借點評歷代皇帝之不足，暗示其稱霸天下之狼子野心。其次，唔少詩人都愛酒如命（毛澤東不嗜酒但係老煙槍），借酒抒情、消愁。最後，每每詩詞嘅末段，通常會一副看透世事、看破功名嘅模樣，亦係唔少詩人寫詩嘅主旨。筆者就此即席揮毫寫篇《十六字令》，套用上述觀點、佯作詩情畫意，還望指教、請勿見笑。
「舟。嗜酒書生山水遊。無追首，歷盡世間愁。」
留名學嘢
好高質！留名學嘢！
留名
16. 「世事洞明皆學問，人情練達即文章」
假若要數最代表所謂中華文化嘅書籍，有啲人可能會講《論語》、有啲人可能會講《詩經》、又有啲人可能會講《資治通鑑》；就我而言，必定係曹雪芹嘅《紅樓夢》。《紅樓夢》除咗係一本小說之外，入面有大量詩詞、對聯、金句，文學價值極高；而且，情節有人間嘅勾心鬥角、爾虞我詐、情愛故事；又，官場、家族等中國封建文化；更涉獵到前世今生、人生百態等宗教與哲學範疇，堪稱一本中華文化百科全書。文學大師白先勇曾云：「最偉大的五本書裡應該有《紅樓夢》，這是一本可以看一輩子的天書。」
所謂文學經典，就係喺人生唔同時間睇，會有唔同嘅得著。本人數幾句《紅樓夢》經典金句；即使未拜讀過此書，希望當中豐富細膩嘅名言能使各位彷似醍醐灌頂、有所得著。（註：以下有劇透成分，未睇過、或睇緊《紅樓夢》嘅巴打可能唔明白或者唔想明白）
「世事洞明皆學問，人情練達即文章」
此句出自第五回；當時年紀尚小嘅男主角賈寶玉睇到呢句對聯時相當不悅，未能理解當中嘅蘊含嘅大道理。呢句對聯意指：「要明瞭世間大小事物、樣樣都睇得仔細通透，當中有淵博嘅學問；要處理好人情世故，做到通情達理、八面玲瓏又係大有文章。」希望無論仲讀緊書嘅學生定啱啱投身社會嘅青年都能夠理解呢句說話－世事萬物都有佢嘅學問，唯有不恥下問、開卷有益；但係，與人交往、待人接物就讀再多書都唔能夠領略當中真諦，只有累積經驗方能老成練達。
．「世事洞明皆學問，人情練達即文章」書法。
「身後有餘忘縮手，眼前無路想回頭。」
此句出自第二回；當官嘅賈雨村因貪酷被革職，一日遊經智通寺見到門旁呢句對聯，不禁嘆喟：「文雖淺近，其意則深。」呢句對聯意指：「做人貪得無厭、欲壑難填，到走投無路就想回頭悔改，殊不知已經係恨錯難返、覆水難收。」「貪」，欲物也，佛教三毒、天主教七宗罪皆以「貪」為誡；若諸位相信佛家「因果報應」，要相信，「貪」後必然要「還」。
．「身後有餘忘縮手，眼前無路想回頭。」書法。
「任憑弱水三千，我只取一瓢飲。」
此句出自第九十一回；賈寶玉、林黛玉雖彼此相戀，但由於家族認為寶玉應娶薛寶釵，導致三人為感情互相拉扯、角力。一日，林黛玉為驗證賈寶玉對佢嘅愛意，便以今日嘅「港女」式口吻試探寶玉。
原文：
黛玉乘此機會，說道：「我便問你一句話，你如何回答？」寶玉盤著腿，合著手，閉著眼，噓著嘴，道：「講來。」黛玉道：「寶姐姐和你好，你怎麼樣？寶姐姐不和你好，你怎麼樣？寶姐姐前兒和你好，如今不和你好，你怎麼樣？今兒和你好，後來不和你好，你怎麼樣？你和她好，她偏不和你好，你怎麼樣？你不和她好，她偏要和你好，你怎麼樣？」寶玉呆了半晌，忽然大笑道：「任憑弱水三千，我只取一瓢飲。」黛玉道：「瓢之漂水奈何？」寶玉道：「非瓢漂水，水自流，瓢自漂耳！」黛玉道：「水止珠沉，奈何？」寶玉道：「禪心已作沾泥絮，莫向春風舞鷓鴣。」黛玉道：「禪門第一戒是不打誑語的。」寶玉道：「有如三寶。」
以下為粵語俗譯：
寶玉大笑道：「任憑弱水三千，我只取一瓢飲。」
字面即：「任憑河水滔滔，我只拎一勺飲。」
意指：「儘管天下間有萬千美女，我只揀你一個。」；
黛玉道：「瓢之漂水奈何？」
字面即：「勺隨水漂流，怎算？」
意指：「你把持不住、隨波逐流，點算？」；
寶玉道：「非瓢漂水，水自流，瓢自漂耳！」
字面即：「非勺隨水漂流；水自流動、勺自漂流而已！」
意指：「我已下定決心，無人能夠左右我！」；
黛玉又道：「水止珠沉，奈何？」
字面即：「河水涸、寶珠沉，怎算？」
意指：「假如我過咗身，點算？」；
寶玉道：「禪心已作沾泥絮，莫向春風舞鷓鴣。」
字面即：「我的寡欲清心仿如柳沾了泥、再飄不起；亦不似鷓鴣隨風飄忽、思情想鄉。」
意指：「我就出家做和尚，脫離俗世。」；
黛玉道：「禪門第一戒是不打誑語的。」
字面即：「佛家不准人誇下海口。」
意指：「你唔准講大話。」；
寶玉道：「有如三寶。」
字面即：「佛寶、法寶和僧寶乃佛家至高無上之信仰。」
意指：「我對你嘅承諾皆千真萬確，有如佛家真理。」
希望現代男女打情罵俏時能夠學習寶玉、黛玉，詩情畫意得嚟更添情趣。之不過今時今日假如女方問你：「你愛唔愛我呀？」時你答：「任憑弱水三千，我只取一瓢飲。」」；相信女方呆了半晌，只會帶你去卡拉OK合唱一曲「弱水三千」，聊表心意。
https://www.youtube.com/watch?v=AdXq8Kq7GnY
麥浚龍 -《弱水三千》
假若要數最代表所謂中華文化嘅書籍，有啲人可能會講《論語》、有啲人可能會講《詩經》、又有啲人可能會講《資治通鑑》；就我而言，必定係曹雪芹嘅《紅樓夢》。《紅樓夢》除咗係一本小說之外，入面有大量詩詞、對聯、金句，文學價值極高；而且，情節有人間嘅勾心鬥角、爾虞我詐、情愛故事；又，官場、家族等中國封建文化；更涉獵到前世今生、人生百態等宗教與哲學範疇，堪稱一本中華文化百科全書。文學大師白先勇曾云：「最偉大的五本書裡應該有《紅樓夢》，這是一本可以看一輩子的天書。」
所謂文學經典，就係喺人生唔同時間睇，會有唔同嘅得著。本人數幾句《紅樓夢》經典金句；即使未拜讀過此書，希望當中豐富細膩嘅名言能使各位彷似醍醐灌頂、有所得著。（註：以下有劇透成分，未睇過、或睇緊《紅樓夢》嘅巴打可能唔明白或者唔想明白
）「世事洞明皆學問，人情練達即文章」
此句出自第五回；當時年紀尚小嘅男主角賈寶玉睇到呢句對聯時相當不悅，未能理解當中嘅蘊含嘅大道理。呢句對聯意指：「要明瞭世間大小事物、樣樣都睇得仔細通透，當中有淵博嘅學問；要處理好人情世故，做到通情達理、八面玲瓏又係大有文章。」希望無論仲讀緊書嘅學生定啱啱投身社會嘅青年都能夠理解呢句說話－世事萬物都有佢嘅學問，唯有不恥下問、開卷有益；但係，與人交往、待人接物就讀再多書都唔能夠領略當中真諦，只有累積經驗方能老成練達。
．「世事洞明皆學問，人情練達即文章」書法。
「身後有餘忘縮手，眼前無路想回頭。」
此句出自第二回；當官嘅賈雨村因貪酷被革職，一日遊經智通寺見到門旁呢句對聯，不禁嘆喟：「文雖淺近，其意則深。」呢句對聯意指：「做人貪得無厭、欲壑難填，到走投無路就想回頭悔改，殊不知已經係恨錯難返、覆水難收。」「貪」，欲物也，佛教三毒、天主教七宗罪皆以「貪」為誡；若諸位相信佛家「因果報應」，要相信，「貪」後必然要「還」。
．「身後有餘忘縮手，眼前無路想回頭。」書法。
「任憑弱水三千，我只取一瓢飲。」
此句出自第九十一回；賈寶玉、林黛玉雖彼此相戀，但由於家族認為寶玉應娶薛寶釵，導致三人為感情互相拉扯、角力。一日，林黛玉為驗證賈寶玉對佢嘅愛意，便以今日嘅「港女」式口吻試探寶玉。
原文：
黛玉乘此機會，說道：「我便問你一句話，你如何回答？」寶玉盤著腿，合著手，閉著眼，噓著嘴，道：「講來。」黛玉道：「寶姐姐和你好，你怎麼樣？寶姐姐不和你好，你怎麼樣？寶姐姐前兒和你好，如今不和你好，你怎麼樣？今兒和你好，後來不和你好，你怎麼樣？你和她好，她偏不和你好，你怎麼樣？你不和她好，她偏要和你好，你怎麼樣？」寶玉呆了半晌，忽然大笑道：「任憑弱水三千，我只取一瓢飲。」黛玉道：「瓢之漂水奈何？」寶玉道：「非瓢漂水，水自流，瓢自漂耳！」黛玉道：「水止珠沉，奈何？」寶玉道：「禪心已作沾泥絮，莫向春風舞鷓鴣。」黛玉道：「禪門第一戒是不打誑語的。」寶玉道：「有如三寶。」
以下為粵語俗譯：
寶玉大笑道：「任憑弱水三千，我只取一瓢飲。」
字面即：「任憑河水滔滔，我只拎一勺飲。」
意指：「儘管天下間有萬千美女，我只揀你一個。」；
黛玉道：「瓢之漂水奈何？」
字面即：「勺隨水漂流，怎算？」
意指：「你把持不住、隨波逐流，點算？」；
寶玉道：「非瓢漂水，水自流，瓢自漂耳！」
字面即：「非勺隨水漂流；水自流動、勺自漂流而已！」
意指：「我已下定決心，無人能夠左右我！」；
黛玉又道：「水止珠沉，奈何？」
字面即：「河水涸、寶珠沉，怎算？」
意指：「假如我過咗身，點算？」；
寶玉道：「禪心已作沾泥絮，莫向春風舞鷓鴣。」
字面即：「我的寡欲清心仿如柳沾了泥、再飄不起；亦不似鷓鴣隨風飄忽、思情想鄉。」
意指：「我就出家做和尚，脫離俗世。」；
黛玉道：「禪門第一戒是不打誑語的。」
字面即：「佛家不准人誇下海口。」
意指：「你唔准講大話。」；
寶玉道：「有如三寶。」
字面即：「佛寶、法寶和僧寶乃佛家至高無上之信仰。」
意指：「我對你嘅承諾皆千真萬確，有如佛家真理。」
希望現代男女打情罵俏時能夠學習寶玉、黛玉，詩情畫意得嚟更添情趣。之不過今時今日假如女方問你：「你愛唔愛我呀？」時你答：「任憑弱水三千，我只取一瓢飲。」」；相信女方呆了半晌，只會帶你去卡拉OK合唱一曲「弱水三千」，聊表心意。
https://www.youtube.com/watch?v=AdXq8Kq7GnY
麥浚龍 -《弱水三千》
留名追故
up