[講故仔][歷史] 名言與其背後故事

Op加油

NICE

終於睇到live
好好睇 加油

喺聽日出埋第三十章之後，連載將會停一排

喺呢個開咗個幾月嘅post、三十篇唔長唔短嘅文章可以得到五百幾個正評、三百幾個留言（雖然大部分都係我嘅 ），實在不勝感激
雖然三十篇文章話多唔多話少唔少，但其實都有近四萬字
當中近乎每一粒字都係我錙銖積累而成，可以話係我嘅心血結晶

之不過如果有巴打係讀開文史哲嘅話，你都會知道我分享嘅故仔其實都唔係啲咩冷門嘢，全部都係啲我稱之為「二線」嘅歷史故仔；太多人知、聽過嘅故事我都係盡量少講，我主力都係想分享啲大家略有耳聞、或者知其名不知其故嘅歷史人物／事件出嚟講吓
假若大家本身冇睇書習慣、或者好少睇文章，但係都睇哂我打嘅文字嘅話，其實呢到都幾乎係一本百幾頁嘅書仔

開呢個post除咗希望大家可以吸收到少少知識、有少少領悟之外，亦希望大家可以培養吓閱讀習慣
因為我認為文字嘅魔力係影像、圖片所不能比擬；細膩嘅文字可以令你幻想書中嘅情節、人物，從而培養想像力；而且我都曾經喺一篇文章（第十四章）入面講過，同一本書俾十個人睇可以得出十個結論，一本平平無奇嘅書，除時會成為你嘅人生啟蒙，乃至影響你一生

之不過，其實呢個post都有少少遺憾，就係樓上有巴打留言希望我寫嘅拉瑪皇朝同鄭愁予我都冇寫到，因為我冇咁多時間去了解、學習，乃至出一篇文係專講呢兩個題目。希望未來有機會 （如果我的起心肝嘅話）

最後，多謝大家支持呢個講故仔post；喺未來嘅時間，我可能會執一執啲文句、甚至改寫某幾篇文章，再開個新post同大家見面，然後繼續連載

有緣再見

Support

原來不知不覺都咁耐
第時得閒再寫啦，我都不知不覺寫左近四個月了，雖然過程會少少辛苦，但為興趣及分享，一切都值得既

原來不知不覺都咁耐
第時得閒再寫啦，我都不知不覺寫左近四個月了，雖然過程會少少辛苦，但為興趣及分享，一切都值得既

巴打寫戰國史

9. 「圍在城裏的想逃出去，城外的人想衝進去。對婚姻也罷，對職業也罷，人生的願望大都如此。」

呢句說話出自中國名作家楊絳，改編自其丈夫錢鍾書名作《圍城》中引用嘅一句法國諺語：「婚姻是一座圍城，沒有結婚的人，拚命想擠進去，結了婚的人卻拚命想向外爬。」《圍城》主角方鴻漸正正就係一個受圍城所困嘅人，學業、愛情、事業、家庭統統都一塌糊塗；渴望衝出圍城，卻又走入另一座圍城。我覺得方鴻漸就好似《紅樓夢》入面嘅賈寶玉，平生一事無成，只愛「溝女」；如同《圍城》書中人物趙辛楣對方鴻漸嘅評價：「你不討厭，可是全無用處。」－或者各位可能同我一樣對呢句說話有所共鳴。


．年青時侯嘅錢鍾書與楊絳。

我覺得《圍城》係一本令人發人深省嘅書，除咗情節引人入勝外（我最中意頭四章嘅愛恨交織）；錢鍾書幽默嘅筆風、創新嘅比喻、警世嘅金句亦令人睇得津津有味。

譬如「忠厚老實人的惡毒，像飯里的砂礫或魚片裡未淨的刺，給人一種不期待的傷痛」；「天下只有兩種人。比如一串葡萄到手，一種人挑最好的先吃，另一種人把最好的留到最後吃。照例第一種人應該樂觀，因為他每吃一顆都是吃剩的葡萄里最好的；第二種人應該悲觀，因為他每吃一顆都是吃剩的葡萄里最壞的。不過事實卻適得其反，緣故是第二種人還有希望，第一種人只有回憶」；「一個人的缺點正像猴子的尾巴，在地面的時候，尾巴是看不見的，直到他向樹上爬，就把後部供大眾瞻仰，可是這紅臀長尾巴本來就有，並非地位爬高了的新標識。」

好多原有諺語、成語所表達嘅道理，錢鍾書就用生動嘅文字去將其活靈活現，盡顯功架。


．老年時候嘅錢鍾書同楊絳。二人1935年共諧連理、白頭到老。二人喺文化大革命被下放期間，冒住被舉報、批鬥嘅情況下仍然經常偷偷會面。

可惜晚年失節舐共，哀哉

9. 「圍在城裏的想逃出去，城外的人想衝進去。對婚姻也罷，對職業也罷，人生的願望大都如此。」

呢句說話出自中國名作家楊絳，改編自其丈夫錢鍾書名作《圍城》中引用嘅一句法國諺語：「婚姻是一座圍城，沒有結婚的人，拚命想擠進去，結了婚的人卻拚命想向外爬。」《圍城》主角方鴻漸正正就係一個受圍城所困嘅人，學業、愛情、事業、家庭統統都一塌糊塗；渴望衝出圍城，卻又走入另一座圍城。我覺得方鴻漸就好似《紅樓夢》入面嘅賈寶玉，平生一事無成，只愛「溝女」；如同《圍城》書中人物趙辛楣對方鴻漸嘅評價：「你不討厭，可是全無用處。」－或者各位可能同我一樣對呢句說話有所共鳴。


．年青時侯嘅錢鍾書與楊絳。

我覺得《圍城》係一本令人發人深省嘅書，除咗情節引人入勝外（我最中意頭四章嘅愛恨交織）；錢鍾書幽默嘅筆風、創新嘅比喻、警世嘅金句亦令人睇得津津有味。

譬如「忠厚老實人的惡毒，像飯里的砂礫或魚片裡未淨的刺，給人一種不期待的傷痛」；「天下只有兩種人。比如一串葡萄到手，一種人挑最好的先吃，另一種人把最好的留到最後吃。照例第一種人應該樂觀，因為他每吃一顆都是吃剩的葡萄里最好的；第二種人應該悲觀，因為他每吃一顆都是吃剩的葡萄里最壞的。不過事實卻適得其反，緣故是第二種人還有希望，第一種人只有回憶」；「一個人的缺點正像猴子的尾巴，在地面的時候，尾巴是看不見的，直到他向樹上爬，就把後部供大眾瞻仰，可是這紅臀長尾巴本來就有，並非地位爬高了的新標識。」

好多原有諺語、成語所表達嘅道理，錢鍾書就用生動嘅文字去將其活靈活現，盡顯功架。


．老年時候嘅錢鍾書同楊絳。二人1935年共諧連理、白頭到老。二人喺文化大革命被下放期間，冒住被舉報、批鬥嘅情況下仍然經常偷偷會面。

可惜晚年失節舐共，哀哉

果陣時中國知識分子有邊個唔奶共
唔好奶到郭沫若、老舍咁難睇咪算

btw圍城真係好好睇