[講故仔][歷史] 名言與其背後故事
Mighty_Tummy
421 回覆
665 Like
4 Dislike
lm
唔洗自己推po咁辛苦
等我幫你
等我幫你
十卜十卜
呢排懶出少咗文
過幾日多d時間
希望仲有人睇
過幾日多d時間
希望仲有人睇
支持樓主
想睇多啲同文學有關嘅
想睇多啲同文學有關嘅lm
23. “In war: Resolution. In Defeat: Defiance. In Victory: Magnanimity. In peace: Good Will.”
「戰爭時：堅毅不屈、失敗時：在艱彌厲、勝利時：寬宏大量、和平時：親善友好。」
此句出自英國第六十與六十二任首相邱吉爾（Winston Churchill）於1948年嘅著作《第二次世界大戰回憶錄》第一冊；邱吉爾更憑此系列書籍於1953年獲頒諾貝爾文學獎。2002年，英國廣播公司（BBC）進行咗一個名為「最偉大嘅一百名英國人」（100 Greatest Britons）嘅調查，結果邱吉爾榮膺第一位。
邱吉爾生於1874年，系出名門望族；少年時期就讀於名校哈羅公學，成績相當優異，而且英文與歷史科尤其突出；1894年畢業於桑德赫斯特皇家軍事學院後冇投考大學，反而選擇投身社會，曾先後參軍、參選國會、做記者；1899年更試過喺南非採訪戰爭期間被俘，後來自行逃脫。而呢段經歷令佢喺英國聲名大噪，1900年，廿六歲嘅邱吉爾以保守黨身分乘勢參選國會，結果順利當選、晉身下議院，喺政壇嶄露頭角。
．廿六歲嘅邱吉爾。
然而，由於與保守黨內政策產生分歧，邱吉爾於1904年轉投在野黨嘅自由黨；直至翌年自由黨執政後，邱吉爾先後任職多個政府高層如殖民地次官、內政大臣。第一次世界大戰期間，身任海軍大臣嘅邱吉爾指揮軍隊登陸達達尼爾海峽，向鄂圖曼帝國進攻，結果戰略失敗，大批軍人陣亡，邱吉爾備受抨擊，只好引咎辭職；後來，邱吉爾以團長身分到法國指揮戰事，結果又因指揮失當導致傷亡慘重。經歷屢次戰爭失利嘅邱吉爾唯有退出戰場，重返議會。但係，由於1917年俄國發生十月革命、蘇聯成立，整個世界捲入社會主義洪流；同時奉行社會民主主義嘅左翼政黨工黨喺英國崛起，令整個自由黨進退失據。1922年，自由黨大敗，淪為在野黨，唔少自由黨成員，包括邱吉爾在內都丟失咗議席。眼見保守黨執政、工黨氣勢如虹，邱吉爾決定脫離自由黨，以獨立身分參選國會；但因其「反共」立場，邱吉爾屢屢未能當選。1924年，邱吉爾重返昔日視為寇讎嘅保守黨，以保守黨身分參選國會，結果終於當選。對於佢重新加入保守黨，邱吉爾講出一句名言：「任何人都可以轉黨，但要轉兩次黨就需要一點聰明才智。」（"Anyone can rat, but it takes a certain ingenuity to re-rat."）
1938年，納粹德國蠢蠢欲動；保守黨黨魁、時任英國首相張伯倫面對國內反戰呼聲，決定施以「綏靖政策」，與納粹德國簽定《慕尼黑協定》，將捷克斯洛伐克嘅蘇台德地區拱手相讓，以換取一時之和平；邱吉爾對此表示強烈反對，認為綏靖政策只會令納粹德國逐步壯大，一時妥協始終無法避免戰爭：「英法兩國喺戰爭同恥辱之間選擇咗恥辱，然而佢哋終將面對戰爭。」（Britain and France had to choose between war and dishonour. They chose dishonour. They will have war.）果然，邱吉爾一語成讖；納粹德國破壞協定，於1939年入侵波蘭，掀起第二次世界大戰嘅序幕。
．長達六年嘅第二次世界大戰，喺邱吉爾眼中實為「不必要嘅戰爭」（The Unnecessary War），戰爭會爆發皆因英法兩國姑息養奸。
「戰爭時：堅毅不屈、失敗時：在艱彌厲、勝利時：寬宏大量、和平時：親善友好。」
此句出自英國第六十與六十二任首相邱吉爾（Winston Churchill）於1948年嘅著作《第二次世界大戰回憶錄》第一冊；邱吉爾更憑此系列書籍於1953年獲頒諾貝爾文學獎。2002年，英國廣播公司（BBC）進行咗一個名為「最偉大嘅一百名英國人」（100 Greatest Britons）嘅調查，結果邱吉爾榮膺第一位。
邱吉爾生於1874年，系出名門望族；少年時期就讀於名校哈羅公學，成績相當優異，而且英文與歷史科尤其突出；1894年畢業於桑德赫斯特皇家軍事學院後冇投考大學，反而選擇投身社會，曾先後參軍、參選國會、做記者；1899年更試過喺南非採訪戰爭期間被俘，後來自行逃脫。而呢段經歷令佢喺英國聲名大噪，1900年，廿六歲嘅邱吉爾以保守黨身分乘勢參選國會，結果順利當選、晉身下議院，喺政壇嶄露頭角。
．廿六歲嘅邱吉爾。
然而，由於與保守黨內政策產生分歧，邱吉爾於1904年轉投在野黨嘅自由黨；直至翌年自由黨執政後，邱吉爾先後任職多個政府高層如殖民地次官、內政大臣。第一次世界大戰期間，身任海軍大臣嘅邱吉爾指揮軍隊登陸達達尼爾海峽，向鄂圖曼帝國進攻，結果戰略失敗，大批軍人陣亡，邱吉爾備受抨擊，只好引咎辭職；後來，邱吉爾以團長身分到法國指揮戰事，結果又因指揮失當導致傷亡慘重。經歷屢次戰爭失利嘅邱吉爾唯有退出戰場，重返議會。但係，由於1917年俄國發生十月革命、蘇聯成立，整個世界捲入社會主義洪流；同時奉行社會民主主義嘅左翼政黨工黨喺英國崛起，令整個自由黨進退失據。1922年，自由黨大敗，淪為在野黨，唔少自由黨成員，包括邱吉爾在內都丟失咗議席。眼見保守黨執政、工黨氣勢如虹，邱吉爾決定脫離自由黨，以獨立身分參選國會；但因其「反共」立場，邱吉爾屢屢未能當選。1924年，邱吉爾重返昔日視為寇讎嘅保守黨，以保守黨身分參選國會，結果終於當選。對於佢重新加入保守黨，邱吉爾講出一句名言：「任何人都可以轉黨，但要轉兩次黨就需要一點聰明才智。」（"Anyone can rat, but it takes a certain ingenuity to re-rat."）
1938年，納粹德國蠢蠢欲動；保守黨黨魁、時任英國首相張伯倫面對國內反戰呼聲，決定施以「綏靖政策」，與納粹德國簽定《慕尼黑協定》，將捷克斯洛伐克嘅蘇台德地區拱手相讓，以換取一時之和平；邱吉爾對此表示強烈反對，認為綏靖政策只會令納粹德國逐步壯大，一時妥協始終無法避免戰爭：「英法兩國喺戰爭同恥辱之間選擇咗恥辱，然而佢哋終將面對戰爭。」（Britain and France had to choose between war and dishonour. They chose dishonour. They will have war.）果然，邱吉爾一語成讖；納粹德國破壞協定，於1939年入侵波蘭，掀起第二次世界大戰嘅序幕。
．長達六年嘅第二次世界大戰，喺邱吉爾眼中實為「不必要嘅戰爭」（The Unnecessary War），戰爭會爆發皆因英法兩國姑息養奸。
戰事始終爆發，意味綏靖政策失敗；張伯倫只好邀請邱吉爾加入其內閣，並重新任命其為海軍大臣。直至1940年5月，英軍於戰爭中不甚順利，張伯倫只好引咎辭職；並由邱吉爾接任首相，邱吉爾首次入主位於唐寧街十號嘅首相官邸。同年6月，納粹德國攻陷法國，劍指英國，英德兩國戰事一觸即發。不久，不列顛戰役（Battle of Britain）爆發，納粹德國大肆空襲英國；喺邱吉爾親身指揮下，英軍「堅毅不屈」，死命抵抗德軍入侵，使其不敢越雷池半步；終於，希特拉眼見英國久攻不下，決定放棄進攻英國；英國成功抵禦德軍、阻止納粹德國繼續壯大。
後來，納粹德國進攻蘇聯、加上日本偷襲珍珠港；蘇聯、美國接連參戰並加入盟軍對抗軸心國，成為戰爭轉機。得到強力盟友後，邱吉爾以英國首相身分接連出席魁北克會議、開羅會議，與各個同盟國國家領導人如美國總統羅斯福、中華民國國民政府軍事委員會委員長蔣中正會晤，商討對付軸心國戰略；同時，邱吉爾調兵遣將，派出英軍參與重要戰役諾曼第戰役，成為盟軍中嘅重要戰力、亦為勝利奠定基礎。終於，1945年，軸心國家接連投降；盟軍凱旋而歸。
．1945年，盟軍勝利前夕；雅爾達會議中三大巨頭：邱吉爾、羅斯福、史太林。
大戰過後嘅1945年，以邱吉爾為首嘅保守黨參選國會；帶領英國走向勝利嘅邱吉爾，其政黨理應大勝；然而，戰後英國百廢待舉，工黨參選嘅福利政綱令人民趨之若鶩，結果工黨大勝保守黨，成為執政黨。雖然邱吉爾當選議員，但卻無緣連任首相。傳聞，保守黨大選落敗之後，史太林曾調侃邱吉爾，稱英國人民「忘恩負義」，對領導英國人民戰勝法西斯嘅英雄棄如敝屣；邱吉爾聞後引用希臘史學家普魯塔克（Plutarch）嘅名言回答：「對建立過豐功偉績嘅政客無情，係偉大民族敢於進步嘅象徵。」（Ingratitude towards great men is the mark of a strong people.）雖然戰爭大勝，但大選落敗；邱吉爾卻依然不失風度、「在艱彌厲」。1948年，邱吉爾著手撰寫《第二次世界大戰回憶錄》，總共出版六冊，成為記錄第二次世界大戰嘅重要史料，邱吉爾更因此作品於1953年獲得諾貝爾文學獎，可謂文武雙全。
1951年，保守黨於大選中擊敗工黨，重新執政，邱吉爾再度出任首相。期間，一生反共嘅邱吉爾致力於制衡喺戰後躋身超級強國嘅蘇聯；同時亦為統一歐洲不遺餘力，為歐盟嘅成立作出先導作用。1955年，八十歲嘅邱吉爾以年事以高、精神體力不堪負荷為由辭任首相，結束其逾半世紀嘅政治生涯；1965年，邱吉爾以九十高齡與世長辭，結束其波瀾壯闊嘅一生。
．邱吉爾嘅標誌動作－「V字手勢」，至今仍為人所津津樂道。
後來，納粹德國進攻蘇聯、加上日本偷襲珍珠港；蘇聯、美國接連參戰並加入盟軍對抗軸心國，成為戰爭轉機。得到強力盟友後，邱吉爾以英國首相身分接連出席魁北克會議、開羅會議，與各個同盟國國家領導人如美國總統羅斯福、中華民國國民政府軍事委員會委員長蔣中正會晤，商討對付軸心國戰略；同時，邱吉爾調兵遣將，派出英軍參與重要戰役諾曼第戰役，成為盟軍中嘅重要戰力、亦為勝利奠定基礎。終於，1945年，軸心國家接連投降；盟軍凱旋而歸。
．1945年，盟軍勝利前夕；雅爾達會議中三大巨頭：邱吉爾、羅斯福、史太林。
大戰過後嘅1945年，以邱吉爾為首嘅保守黨參選國會；帶領英國走向勝利嘅邱吉爾，其政黨理應大勝；然而，戰後英國百廢待舉，工黨參選嘅福利政綱令人民趨之若鶩，結果工黨大勝保守黨，成為執政黨。雖然邱吉爾當選議員，但卻無緣連任首相。傳聞，保守黨大選落敗之後，史太林曾調侃邱吉爾，稱英國人民「忘恩負義」，對領導英國人民戰勝法西斯嘅英雄棄如敝屣；邱吉爾聞後引用希臘史學家普魯塔克（Plutarch）嘅名言回答：「對建立過豐功偉績嘅政客無情，係偉大民族敢於進步嘅象徵。」（Ingratitude towards great men is the mark of a strong people.）雖然戰爭大勝，但大選落敗；邱吉爾卻依然不失風度、「在艱彌厲」。1948年，邱吉爾著手撰寫《第二次世界大戰回憶錄》，總共出版六冊，成為記錄第二次世界大戰嘅重要史料，邱吉爾更因此作品於1953年獲得諾貝爾文學獎，可謂文武雙全。
1951年，保守黨於大選中擊敗工黨，重新執政，邱吉爾再度出任首相。期間，一生反共嘅邱吉爾致力於制衡喺戰後躋身超級強國嘅蘇聯；同時亦為統一歐洲不遺餘力，為歐盟嘅成立作出先導作用。1955年，八十歲嘅邱吉爾以年事以高、精神體力不堪負荷為由辭任首相，結束其逾半世紀嘅政治生涯；1965年，邱吉爾以九十高齡與世長辭，結束其波瀾壯闊嘅一生。
．邱吉爾嘅標誌動作－「V字手勢」，至今仍為人所津津樂道。
訓前一推
晚晚追
瞓醒一推
少有高質post
十卜樓豬繼續出文
長知識了