《香港傭兵》(40)

1001 回覆

11 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

power_off 2020-02-03 14:33:38

Windows Cortana 留名系統啟動，
請勿負評干擾運作。

飛揚 2020-02-03 14:36:25

power_off

風鈴 2020-02-03 18:26:26

文

絕影 2020-02-03 18:38:07

等緊文

飛揚 2020-02-03 18:43:24

最後校對中

飛揚 2020-02-03 18:43:51

好努力校對緊

飛揚 2020-02-03 19:00:04

上回講到飛揚總係覺得啱啱所發生嘅...似曾相識...
月月話飛揚一定係發夢發得太深喇～
都話咗唔係發夢囉...
月月就進入自我封關mode～諗諗係唔係寫得成故～
月月就係咁㗎喇～一有靈感就與外界隔絕～
飛揚就只好靜靜咁欣賞住月月嘅諗樣～食早餐～
到月月諗完，自然會同呢個世界connect返㗎喇～
到食完早餐，飛揚洗碗～
呢種兩公婆分工合作嘅生活...真係好耐都冇試過...
分工合作...飛揚又諗返起綽姿...
諗乜鬼吖～綽姿都未出世～
月月突然從後攬住飛揚～話想去牛棚喎～
又會咁突然嘅～
月月話都好耐冇去過～想去行吓喎～
都好嘅～
咁飛揚就梳洗加換衫啦～
出到嚟月月都已經ready好～
飛揚話要吹埋個頭先喎～
月月幫飛揚求鳩其咁吹～
「搞掂喇～」
『好似...好似仲有啲濕濕地...未乾晒喎...』
「啱㗎喇～唔好乾晒吖～八成啱㗎喇～」
『又唔係瞓覺...』
「瞓覺先係要乾晒吖～唔係會有頭風㗎～頭痛死你吖～你有冇腦㗎？」
『許...成個婆仔咁...』
「係吖係吖～我係婆仔吖～點吖你？好掛住你個小妹妹吖？」
『我...我我...邊係吖？你又講咗去邊吖？！』
「講咗去你心裡面嗰句囉～」
跟住既劇情發展又會係點呢？

準備出文

飛揚 2020-02-03 19:00:41

拎齊晒鎖匙銀包電話...

唔使著行者長袍...唔使綁匕首落大髀...唔使插把精神刀柄喺腰間...唔使戴精神液喺身...

總係有啲...唔自在...

真係好奇怪...要嗰陣總係要努力咁記住，仲要Check多次...唔好俾自己唔覺意漏咗...

到唔再需要嘅時候，就覺得唔自在...

總係喺對嘅時候做錯嘅事...又喺錯嘅時候做對嘅事...

係吖...人就係咁奇怪...奇怪在點解會有人存在...

人類...呢種生物...充滿矛盾同...缺陷...

飛揚 2020-02-03 19:01:32

扶住阿月著埋對布鞋仔...佢就左手握實拳頭！舉起隻手：「出發出發！」

拖住阿月隻手仔，落到樓下...

阿月總係跳跳紮紮咁～充滿活力咁～

尤其喺陽光照射住之下～

總係散發住陣陣光芒～有如天使一樣～

阿月就係咁～係一個無限能源嘅天使～

風鈴 2020-02-03 19:01:33

飛揚 2020-02-03 19:02:59

「行快兩步啦～」阿月拉住我行前兩步～

『行咁快做乜姐～放緊假㗎嘛～』我就想拉停阿月～

「行快啲啦～盞燈眨喇～」阿月拉住我，橫過條眨緊燈嘅馬路～

『我都唔唔明你嘅...大熱天時有商場唔行...要行室外...仲要過咁多條馬路...』我同阿月及時衝過對面馬路～

「商場多人吖嘛～你都識講啦～今日星期六吖～」阿月繼續拖實我，行快兩步～

都係...星期六嘅商場...真係多人都爆...

飛揚 2020-02-03 19:04:16

其實都唔止商場...就喺而家行緊嘅行人路...都有唔少人...

一個二個大陸客拖住一箱二箱旅行箱喺身邊走嚟走去...

係吖...終於都返咗嚟正正常常嘅屯門...每日都好多...六日就特別多大陸人嘅屯門...

真係正常咩？

再望望身邊嘅屯門市鎮公園...

阿月拖住我，停喺紅公仔前：「嗯？」

『哦？冇...冇...諗返起...廿年後嘅屯門公園...』喺過裡面...集合...

飛揚 2020-02-03 19:05:21

「哦？」阿月又眼仔碌碌咁，「係點㗎？」

『唔...可以話係...荒廢咗...』連個湖都...

「哦～你講到屯門咁亂...一個冇價值嘅公園又點會有人去理～過馬路～過馬路～」阿月又拖住我橫過馬路～

都...係嘅...

拖實阿月隻手仔跟住幾個人身後行...又同唔少人擦身而過...

我總係有...種感覺...

飛揚 2020-02-03 19:06:39

我偷偷望望左...望望右...企喺紅公仔前又擰轉頭！望望後面！

「唔？你又做咩吖？」阿月又疑惑咁打量住我～

『我...我總係好似...覺得...有人跟住我哋...』點解會咁...一直都...

「吓？有人跟住我哋？」阿月又八八卦卦咁擰住身望～蹬起對腳仔再望遠啲～

『嗯...喂你唔好咁揚啦！真係有人跟住我哋嘅話，都俾佢發現啦！』呢個阿月有冇咁蠢吖？！

「前設係要真係有人跟住我哋～」阿月對我莞爾一笑～

『吓？』噏緊乜吖...

飛揚 2020-02-03 19:07:33

「都冇人跟住我哋～又點會俾人發現吖？」阿月又恥笑我～

『呃...唔係呢...真係好似...一直俾人望住咁...』喺邊呢？邊個方向呢？

唔知...唔知喺邊個方向...邊個位置...只係感覺到...好似一直都俾人望住...監視住...

「唔好咁痴線啦～你當你自己係邊個吖？大明星吖？係跟都跟住我啦～我咁靚女～」阿月又得得戚戚咁～

『係吖係吖...一定係啲變態跟蹤狂一直跟住你！等機會捉你埋後巷女女女吖！』得戚得你吖～

「嘩嘩嘩～咁我係唔係要好驚驚吖～」阿月又扮晒驚驚樣～

飛揚 2020-02-03 19:08:21

『嗱！咁得戚吖～到真係有個變態跟蹤狂一手捉住你嘅時候，唔好諗住要我救你吖～』

「諗都唔會諗啦～你咁弱～」阿月又對我莞爾一笑～

『話我弱？我不知幾勁吖～』我緊握拳頭！就好似第一次...使用精神液！

「係吖係吖？過到半個鐘就話你勁喇～」

『半個鐘？AV男優咩？』

「AV男優係可以持續成個鐘仲要唔使抖都可以接住嚟㗎囉～」

飛揚 2020-02-03 19:09:37

『假㗎...人哋分鏡嘅時候係會抖㗎...會回氣㗎...唔係連續不停狂抽猛插㗎...條仔唔斷吖，條女都損啦...唔好睇咁多AV啦...』

「唔睇AV點寫甜故吖？」

『寫甜故睇我就得啦～』

「好啦好啦～睇你啦咁～十分鐘都唔夠就忍唔住...嘿嘿嘿...」

『哎呀呀！咁得戚？係唔係想試吓咩叫反皮吖？』

「收...皮...啦...陳...飛...揚...」

飛揚 2020-02-03 19:10:36

好奇怪...真係好奇怪...

唔係講笑...真係...真係總有一種...俾人喺遠處偷偷望住嘅感覺...

喺人群當中？

喺商場嘅落地大玻璃窗邊？

係真？定係...

係唔係真係錯覺？因為兩個幾禮拜嘅行者生活所產生嘅...錯覺？

喺一個無時無刻...每分每秒...只要一有差池就命都冇嘅香港地獄...

飛揚 2020-02-03 19:11:30

睇嚟...真係...真係太耐...

不知不覺之間...產生出本能...

對身邊四周...就算係熟悉嘅環境都會提高警覺...準備好突如其來嘅致命危機...

「行喇行喇～」阿月拖實我隻手，橫過剛剛轉綠公仔嘅馬路～

呼～放鬆～放鬆～

冇必要咁緊張喇～已經冇必要喇～

而家我...身邊有阿月吖嘛～

飛揚 2020-02-03 19:12:00

今晚出完