上回講到月月拖住飛揚衝上巴士~
好彩跑得快~唔係又送車尾~
月月就話所以先叫飛揚行快啲~
乜月月有睇過App咩?唔覺嘅?
梗係飛揚掛住𥄫街上有冇小妹妹啦~
邊係呢...
巴士駛過泳池...駛過屯門標誌...駛過時光隧道...
飛揚講返自己喺未來有嚟過...仲返過去舊屋睇睇...
兩老就唔見喇...仲要俾個死道友霸咗間屋...
月月話等兩老去完旅行返嚟之後,約佢哋一齊去飲茶喎~
其實飛揚都有咁嘅打算~真係同月月心有靈犀~
然後巴士就駛經黃金海岸...望到舊路有紅Van...
飛揚講返主要路段都被革命軍切斷...就只有紅Van可以進出...
「哦~咁就啱喇啱喇...連鐵路都斷埋...海路唔使講啦...實俾革命軍控制住...嗯嗯...啱喇啱喇...又唔係喎...唔係話會整條屯門至赤鱲角連接路段㗎咩?你話發夢...」飛揚未等到阿月講完...
『係穿越!穿越!』飛揚立即更正阿月嘅說法!
「係係係~穿~越~」阿月勉強附和,「廿年後嘅香港...應該整好啦!」
屯門至赤鱲角連接路段?
講起上嚟...又好似...冇聽綽姿提起過...
就算執行“破壞能源”嘅委託...去到龍鼓灘一帶...都唔覺眼有...通往赤鱲角嘅路段...
點解會咁㗎呢?
跟住既劇情發展又會係點呢?
準備出文
今晚出完