《香港傭兵》(40)

1001 回覆

11 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-02-10 18:59:23

呢張真係好正

飛揚 2020-02-10 18:59:47

錯字係會傳染

飛揚 2020-02-10 19:00:00

飛揚 2020-02-10 19:01:00

上回講到月月咁搵得，飛揚想佢幫補啲～
月月話係飛揚自己話要養佢嘅～況且月月有大計㗎喇～
又係開蝕錢嘅藝術咖啡店...
所以月月咪留咁多錢去蝕囉～更何況月月仲有大把作品～財源滾滾～
係唔係真係咁易吖...
月月唔知幫間咖啡店改咩名好～
飛揚就諗起Today Coffee～
月月都覺得唔錯～
飛揚話自己都可以幫手㗎喎～因為喺未來得閒都會喺咖啡店做PT～諗啲嘢咁啦～
仲唔覺意爆咗雨姐出嚟～
月月又諗啲衰嘢喇～
「嘩～而家係邊個唔正經？肯定係你平時返工就係睇埋晒呢啲嘢～所以發夢都係呢啲嘢～」阿月又古古惑惑咁打量住飛揚～
『痴線！返工好忙㗎！邊似得你咁吖？仲有吖！唔係發夢！係穿越！』要講幾多次吖？！
「又中二又妹控又御姐～真係一個好好嘅題材～將你個夢寫成故，一定吸引到唔少毒毒睇～」阿月又FF～
『都話唔係發夢咯！係穿越呀！』仲有！阿月啲讀者本來就全部都係毒毒嚟㗎啦！
「不過...」阿月好認真咁諗，「有一點值得注意...」
有一點...值得注意？
跟住既劇情發展又會係點呢？

準備出文

飛揚 2020-02-10 19:02:04

[Day 21－現在過去] PART 05

“吼...”巴士開始駛上山...鑽石山...

「嗯...」阿月諗一諗，點點頭，「就係戰鬥場面太少...」

『吓？』咩戰鬥場面吖？

「由於受精神液同精神化嘅限制...戰鬥嘅場面唔可能接二連三...」阿月又諗一諗...

『喂大姐吖...非必要都唔想戰鬥啦！你估講玩㗎？會死人㗎！我已經見過有好多個行者喺執行委託期間化成無數嘅紅色粒子！喺氣空中散晒！消失！』你冇親身感受過就梗係講得輕鬆啦！

飛揚 2020-02-10 19:03:27

「寫故就唔係咁講㗎啦～梗係由頭打到落尾先精彩～精彩先吸引到人繼續追落去㗎嘛～唔通由頭講經講到尾咩～」阿月冷眼望住我～

『咁...咁事實就係咁！事實唔同故仔吖！』阿月係唔係寫故寫上腦，已經分唔到咩叫現實？

「設定嘅平衡係做得好好...之但係同時局限咗戰鬥嘅空間...」阿月又好認真咁諗諗...

『喂...喂...醒啦喂...唔好掛住FF喇...』阿月唔係真係想將我嘅經歷寫成故吖化？認真咩？！

「而最重要....最重要一點...」阿月又皺晒眉頭咁諗...

『嗯？』最重要一點？

絕影 2020-02-10 19:03:47

嘩屌...呢啲就ok

飛揚 2020-02-10 19:04:36

「你咁鬼弱～就算唔死吖，啲戰鬥畫面都唔慌會精彩啦～」阿月又恥笑我～

『嘩...你真係講得輕鬆...我係一個普通嘅香港人嚟㗎咋...即係咩吖？唔使服兵役...由細到大都冇訓練過...唔好話打啦...睇都唔睇得啦...再唔係你去未來做一日行者俾我睇吖～』吹水你就叻～

「係我嘅話實手起刀落一刀一件！嗡！嗡！嗡嗡嗡！」阿月手舞足蹈咁扮晒雙手持刀揮動。

『算罷啦你...』雞手鴨腳咁...

「所以話如果要寫一條廢柴去到廿年後嘅香港做行者...就一定要賦予主角光環...」阿月又認真咁諗一諗...

『主角光環？』基魔嗰啲吖？

飛揚 2020-02-10 19:05:26

「嗯嗯...好似爆Seed咁！突然變得好勁！一個打一百個都冇問題！仲要唔受精神液同精神化嘅限制！」阿月好認真咁點點頭！

『哦～』咪即係基魔嗰種囉～

我都估到㗎喇～

主角光環來來去去都係咁㗎啦～

明明係條廢柴！但只要作者神筆加護！立即變神！

「嗯...應該定咩條件好呢？」阿月繼續諗...

我就冇理佢咁多喇...

飛揚 2020-02-10 19:05:56

「咩情況之下先可以發動呢？」

明明就係真人真事...

「通常都係自己唔知情嘅情況之下發動...」

但就改編成故事...

「咁都要有原因㗎...」

咁傷腦嘅嘢我就唔參與喇...

飛揚 2020-02-10 19:06:28

「個原因應該係...」

難得俾我返到嚟...仲諗咁多做乜吖？

咪就係囉...你估真係講故咩？

冇主角光環嘅我可以平安返到嚟...諗返起都驚驚...

係好似阿月呢種未死過嘅人先唔知驚㗎姐...

飛揚 2020-02-10 19:07:35

“吼...依...”巴士埋站後...

「終於都返到嚟喇～」阿月就拖住我落車～

『嗯～真係坐咗好耐車呢...』坐巴士過嚟土瓜灣真係勁耐，『你幾時買返架車吖？』

「唔係你買俾我咩？」阿月就拖住我過馬路～

『嘩...你個小富婆自己唔買...仲要我呢啲窮鬼打工仔買俾你？』唔怪得貧富懸殊咁勁啦...

「唔係Aston Martin我唔揸㗎喎～」阿月帶住堅定嘅眼神點點頭～

『嘩...使唔使咁有要求吖？』Aston Martin好貴姐...

飛揚 2020-02-10 19:08:16

「許～你夠係啦～開口埋口講林寶～」阿月又對我莞爾一笑～

『咁我都冇叫你買俾我吖～』

「買俾你都揸唔到啦～你都冇車牌～」

『係唔係我考到你送架林寶俾我先？』

「你考到先講啦～棍波喎～」

『嘩...睇少我吖？我揸過㗎真係！』

「無牌駕駛唔計～」

飛揚 2020-02-10 19:09:15

拖實阿月行入土瓜灣...喺一個又一個十字路口嘅燈位前企定定...

“吼！吼～”望住一架又一架車喺面前駛過...有私家車...有的士...有小巴...仲有巴士...

『呢度都真係...冇乜點變...』拖住阿月橫過馬路...

「都係㗎～條街都仲係咁舊～都仲係有咁多舊舖～」阿月又望望四周～

『嗯...就算係廿年後...都係冇乜點變...』都係差唔多...都係冇乜點翻新過...

「嗯？廿年後你都有嚟過吖？」阿月又眼仔碌碌咁望住我～

『嗯...嚟過...』拖住阿月...向住紅磚牆方向行過去...

飛揚 2020-02-10 19:09:48

越嚟越近...好快就嚟到...牛棚...

沿住牛棚嘅外牆行...行去入口...

當我踏入入口第一步...我全身不禁震起嚟...

仲要腳軟軟...

「嗯？做咩吖？」阿月扶一扶我，打量住我。

『好恐怖...』我又諗起...諗起啲恐怖嘢...

飛揚 2020-02-10 19:10:56

「嗯？嘿嘿嘿...係唔係好驚啲牛牛雙手拎住斧頭～MO MO MO咁追住你嚟砍呢～」阿月扮晒雙手拎斧，追住我嚟砍～

『唔止...未來呢度...唔止有牛牛嘅靈魂被困...』我拖返住阿月隻手仔...

拖住阿月行...望一望以紅磚建成嘅建築物...

『未來嘅呢度...仲有唔少...人嘅靈魂...』望住不遠處嘅建築物行過去...

「人嘅靈魂？！」阿月碌大對大眼仔～

『嗯...未來嘅呢度...變成愛港愛國辦事處...』我拖住阿月，行入以紅磚建成嘅建築物裡...

「愛港...愛國？！」阿月一面困惑咁打量住我！

飛揚 2020-02-10 19:11:44

今晚出完

三句預告

『嗯...未來呢度...再唔係展示藝術品嘅地方...』我拖實阿月隻手仔，一步一步行，『喺愛港愛國嘅辦事處...』

「咁係咩組織先得㗎？」阿月聽到有啲唔耐煩咁...想我快啲講落去...

『呃...係國安局嘅爪牙...』我拖到阿月實一實...喺幾件藝術品之間行過，『算係幫國安局做事嘅民間組織...』

飛揚 2020-02-10 19:12:15

因為係合理要求