《香港傭兵》(40)

1001 回覆

11 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-01-30 16:14:55

我只對u15有性趣

飛揚 2020-01-30 16:15:15

金令早

飛揚 2020-01-30 16:15:37

強調係u15嘅小妹妹

風鈴 2020-01-30 18:56:25

文

幸運小灰鳩 2020-01-30 18:57:30

文

飛揚 2020-01-30 19:00:19

上回講到飛揚夢見自己喺一個藍色嘅世界裡...
喺高樓之中...殘殘舊舊...但長滿蔓藤...
而喺飛揚身邊...有兩個著住輕皮甲裝嘅人...
唔止佢兩個...就連飛揚自己都係著住輕皮甲裝...
而喺佢哋面前...有一個著住白色皮草嘅男人...
飛揚用SPIRIT嘅匕首刺入白色皮草男人嘅胸口...
喺個男人就快死之前...飛揚仲噏咗句：『去死啦...天上人...』
飛揚醒咗覺得好奇怪...點解會發埋啲咁嘅夢？
點會...飛揚點會噏得出...天上人？
喺未來玩咗生存遊戲成兩個幾禮拜，都未接觸過呢個Terms...點會又冇啦啦...
唉～都係唔好諗咁多啦～發夢嘅嘢就係咁奇奇怪怪㗎啦～
都係阿月講得啱～唔好發咁多夢～
飛揚落一落床...行返出廳...望一望窗外...
隻窗...呢隻半開嘅...大窗...
就喺飛揚正想行近窗邊之時...
「瞓醒喇？懶瞓豬～」係阿月把甜美聲線～
『醒喇～』飛揚回頭一望...
飛揚望住著住白色大Tee...喺開放式廚房...拎住兩碟早餐嘅阿月...
冇錯...飛揚已經返翻嚟...有阿月嘅時空...唔需要再諗咁多～
跟住既劇情發展又會係點呢？

準備出文

飛揚 2020-01-30 19:00:56

「有得食喇～」阿月將兩碟早餐都放喺餐檯上～

『好似好正咁喎～』我都行近餐檯，一邊坐低～一邊欣賞住餐檯上，阿月親手煮嘅西式早餐～

「梗係正啦～阿月出品～必屬精品～」阿月再拎埋包牛奶放喺餐檯上～對住我嚟坐～

『哈哈～或者係...太耐冇食過你親手煮嘅嘢...』或者...太耐冇食過人食嘅嘢...

「你咁講即係咩意思吖？」阿月對我莞爾一笑，「即係想話我平時少煮嘢食啦？」

『唔係唔係～』我立即向阿月揮晒手～擰晒頭～『我嘅說話之中，邊會有意思喺裡面吖～你唔好咁敏感啦～』

飛揚 2020-01-30 19:01:54

「哈～係咩係咩？」阿月冇我咁好氣～拎起刀叉準備開餐～

我都拎起刀叉...但又唔捨得落手...一直只係痴痴迷咁欣賞住餐檯上...煎雙蛋...腸仔...火腿...

好似一個笑面咁...

真係好...真係太好...

「點吖你～煮個早餐你食姐～使唔使咁感動吖？」阿月含住條腸仔，對我莞爾一笑～

『有你真係好...只有你喺我身邊嘅日子...先係最幸福嘅人生...如果沒有你...日子好難過...』我含著淚水...望實對我莞爾一笑嘅阿月...

飛揚 2020-01-30 19:02:45

「嘩～口甜舌滑都唔止～仲要雙眼水汪汪咁～溝死晒啲𡃁妹仔啦～」阿月又古古惑惑咁莞爾一笑～

『邊...邊有姐...』我總係覺得阿月心中充滿住陰謀...

好似又唔知想恥笑我啲乜咁...

「嘿嘿...仲話冇仲話冇～睇你個尷尬樣～嘿嘿...」阿月仲係古古惑惑咁對我莞爾一笑～

『冇吖冇吖冇吖...食嘢食嘢食嘢...』唔好再俾阿月咁樣望住...明明冇做過虧心事...但都真係俾佢望到心都虛埋...

「冇囉冇囉冇囉～食嘢囉～」阿月又莞爾一笑咁繼續食腸仔～

我都一邊品嚐住阿月嘅廚藝...一邊欣賞住阿月嘅美麗...

飛揚 2020-01-30 19:03:45

「喂點吖你～又話食嘢～又眼都唔眨咁望住人～」阿月又莞爾一笑咁打量住我～

『望住你同食嘢係冇衝突㗎喎～對眼望住你同時個口食嘢係Work㗎喎～』我一邊咬條腸仔～一邊望到阿月實一實咁～

「嘩～一心二用喎～勁喎～」阿月一邊含住條腸仔嚟咬～一邊俾個叻叻我～

『梗係～今時唔同往日吖～』我又扮晒叻叻豬咁～

「係喇係喇係喇～難得今日有假放...想去邊吖？」阿月又冇我咁好氣咁～轉移個話題～

『想去邊吖...梗係你話事啦～你想去邊，我就陪你去邊～』難得今日放假～難得又可以陪阿月...

飛揚 2020-01-30 19:04:11

「我想...」就喺阿月含住隻叉，眼仔碌碌咁諗諗之時...

“And you don't seem to understand”

電話響...

我望望身後張茶几...望到自己部電話響緊...

“A shame you seemed an honest man”

咁早邊鬼個...

我就行去茶几拎起部電話一睇...

飛揚 2020-01-30 19:04:52

“And all the fears you hold so dear”

『係肥豬...』我立即滑動解鎖接聽，『老細？』

「喂飛揚你而家得唔得閒？」肥豬腦細急住咁問。

『我而家？得嘅...』又做乜鳩？

「得就啱啦吖葉總話今日得閒傾你去搵佢啦。」肥豬腦細一輪嘴咁。

『今日？唔得喎...』傾乜春吖搵佢老母咩...

飛揚 2020-01-30 19:05:44

「你又話得閒？」肥豬腦細反問返我。

『放假吖嘛...梗係得閒㗎...』屌你我都開咗成個月星期六OT啦...難得有得放返假...你又要我去見客？！

「但葉總話今日得喎...」肥豬腦細仲要扭。

『佢今日得係佢嘅事啦...我今日放假嘅...』我就打死都唔撚妥協！

「咁...咁...」我冇等肥豬腦細繼續咁落去...

『再唔係你自己見囉...啲文件喺我檯面咋嘛...』屌你間公司係你嘅...我就打工㗎姐...同你賣命吖？

飛揚 2020-01-30 19:07:11

「唉咁算啦...你遲幾日先再同佢傾啦...」肥豬腦細冇我辦法...

『嗯...冇嘢喇嘛？』冇嘢就唔好阻鳩住我放假...

老老柒柒我肯聽你電話都係咁...

「仲有仲有...你星期一準時返公司開門喎！有人送電腦嚟...」肥豬腦細冇嘢搵嘢嚟提...

『送電腦嚟...』送咩電腦嚟？

「係吖...俾我個世姪女用㗎...你記唔記得我尋日同你講過佢星期一會嚟返工喇吖？」肥豬腦細再提一提我...

『記得...記得...』其實我已經唔撚記得...

好似係...喺我忙到成隻狗咁嗰時...肥豬腦細臨走同我講咩下星期有個世侄女嚟返工...跟我嘅...人地喺咩咩大大老闆最錫嘅孫女...咩掌上明珠諸如此類咁啦...

飛揚 2020-01-30 19:07:56

「部電腦嚟到你就搞掂佢先啦～到我個世姪女上到嚟再介紹～」肥豬腦細再講多兩句...

『嗯...得喇...』冇嘢喇嘛？冇嘢就收皮啦...

「好啦...係咁啦...」

『嗯...拜...』

Cut鳩肥豬腦細電話後，就放返部電話，坐返喺阿月面前...

「你唔同咗喎～」阿月含住隻叉～古古惑惑咁打量住我～

『吓？』有咩唔同咗吖？

飛揚 2020-01-30 19:08:37

「你一向唔識得Say No㗎～」

我之前...唔識得Say No？

「你一向...老細打嚟要你做乜就做乜㗎喎～」

腦細打嚟要我做乜就做乜...

『哈...呃...或者真係...真係唔同咗喇...』真係...真係有啲唔同...

「哦？」阿月一頭問號咁...

『或...者...喺廿年後嘅香港地獄玩生存遊戲得耐...改變咗...』點解好似...似曾相識？！

飛揚 2020-01-30 19:09:27

今晚出完