《香港傭兵》(40)

1001 回覆

11 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-02-19 19:00:07

上回講到飛揚總係有種...被人監視嘅感覺...
唔知喺邊個方位...方向...監視住自己...
或者係錯覺啦～做咗行者太耐...屌咩～要敏感時唔敏感～而家返到嚟天下太平先嚟敏感～
到月月拎咗兩碟甜品返嚟，飛揚一食件士多啤梨蛋糕，就勾起返羅羅嘅口水甜味！
嘩屌！仲差啲俾月月察覺到唔對路！
唔得唔得！唔可以俾月月知有羅羅呢個十四歲小妹妹...唔係又FF到去重甜！
月月同飛揚開心share對方啲口水之後...然後...月月望住一個著黑色長袍嘅女仔...
大熱天時著長袍？不過又好似好輕身～應該又唔會好熱～
而呢個女仔個妝...完全睇唔出佢幾多歲...
只可以話眼前呢個黑色長袍女仔，個妝係成熟得嚟帶點清新～驚艷得嚟帶點內斂～
好矛盾複雜吖呵？
係吖係吖～就係咁矛盾複雜～
老老柒柒，佢而家個妝唔係好似戴咗面具咁咁奇怪，但相信佢落咗妝嘅話，你一定認唔出佢！
呢啲係唔係就係傳說中嘅喬裝？！
飛揚同阿月就一路望實個黑色長袍女仔...行...一直行...行埋去遠處...靠近落地大玻璃窗嘅一張空檯...坐低...
呢張檯...呢個位...咪就係頭先阿月所講嘅...
「占卜師吖！」
跟住既劇情發展又會係點呢？

準備出文

飛揚 2020-02-19 19:00:40

冇錯喇！個黑色長袍女仔坐咗喺...占卜師...

冇錯喇...個黑色長袍女仔就係...占卜師！

只見占卜師喺檯上鋪上一塊...深藍色嘅絨布...

占卜師坐好之後...喺絨布上放咗疊...塔羅牌...

真係...真係一個塔羅牌占卜師...

「喂喂！我哋過去占返個卜咯！」阿月就急不可待咁拉住我隻手！

『喂...喂...』又使唔使咁心急吖？

飛揚 2020-02-19 19:01:37

阿月滿心期待咁拉住我行到嚟占卜師面前：「唔該～可唔可以幫我哋占個卜呢？」

行到咁近再睇清楚啲...占卜師個妝真係好靚...

唔係單單話佢化到好靚女...係個妝同佢塊面融為一體...

已經唔係單單喬裝咁簡單...直頭係易容術！

占卜師帶住微笑：「既然有緣...當然可能...兩位請坐...」

既然有緣...又真係估唔到會...

飛揚 2020-02-19 19:02:38

阿月就好興奮咁拉住我一齊坐喺占卜師面前：「有勞有勞～」

「想問啲咩？」占卜師放疊塔羅牌喺我同阿月面前。

「我想問問...」阿月諗咗一諗...就帶住微笑指住我～「我同呢個傻佬嘅命運～」

咩...咩呢個傻佬吖？

「哦？係命運吖？哈...好～洗洗牌先～」占卜師向我同阿月示意洗洗面前疊塔羅牌，「既然你哋係想問有關你哋兩個...你哋兩個就同時用心諗住你哋想問嘅問題...」

『哦...好好...』我同阿月就開始用左手...洗牌...

我同阿月嘅...命運...

飛揚 2020-02-19 19:03:55

掃吖掃...

我同阿月...我哋兩個嘅...命運...

洗吖洗...

洗到差唔多...洗到我同阿月嘅內心之中...都覺得係時候...

「好...」占卜師疊好塔羅牌，放喺我哋嘅右邊...掃！

好順咁就掃咗把工整嘅扇出嚟！

「繼續諗住你哋想問嘅嘢...然後抽一張...」

飛揚 2020-02-19 19:04:38

我同阿月都好似心有靈犀咁...由扇中同一時間抽出同一張...

「再抽一張...」

再同一時間抽出同一張...

「再抽一張...」

又再同一時間抽出同一張...

抽完三張塔羅牌後，占卜師放好其他牌，再將我哋頭先抽出嗰三張牌...左至右放正喺我哋面前...

飛揚 2020-02-19 19:05:36

占卜師揭開第一張：「戀人...正位...」

第一張竟然就係戀人...仲要係正位？！

就咁睇都知係好嘢嚟啦～

占卜師眼定定望實張牌：「唔...睇嚟你哋係...命中注定喎...」

『係吖係吖～我哋真係命中注定㗎～』我同阿月成日都係咁講嘅～

「你哋之前...應該都遇過唔少事情...」占卜師望實張牌再諗諗，「走過唔少崎嶇嘅路...總算一齊行到嚟呢度...」

飛揚 2020-02-19 19:06:33

「係吖係吖～」阿月都點點頭～「我同呢個傻佬都真係走過唔少崎嶇嘅路～」

嗯...都真係...唔少...

又校草...又升唔到上大學...要阿月陪我呢個廢柴一齊讀I大...然後就遇到班仆街同學...仲有嗰個借閨蜜為名，實際係想撬我牆腳嘅Jen Jen...

「難得嘅一對...」占卜師點點頭。

難得嘅...一對...

「然後...跟住落嚟...」占卜師揭開中間嗰張，「命運之輪...逆位...」

命運之輪...我記得好似係...

飛揚 2020-02-19 19:07:30

「命運之輪...不可預測...本來喺上面幸福嘅人，有可能轉到落下面不幸...只要命運之輪一轉動...改變是無法避免...」占卜師擰擰頭...

係呀！我記得命運之輪係一張好特別嘅牌！！！

原本好運會變衰運...而原本衰運則會變好運...所有事情都有機會逆轉...

我而家同阿月好地地...即係話...

「如今仲要係逆位...」占卜師諗咗一諗，「除咗無法接受嘅改變之外...仲會帶嚟失敗...失去...」

仲會帶嚟失敗...失去...

飛揚 2020-02-19 19:08:13

「睇嚟...你哋將要面對分開...而且仲無法避免...」占卜師擰擰頭。

『咁...咁點算吖？』我...我唔想同阿月再分開吖！

冇阿月嘅日子...比地獄更可怕...

我唔可以再失去阿月！

「你又唔使擔心咁多...」占卜師點點頭，「仲有最後一張牌吖嘛～」

仲有最後一張牌...

飛揚 2020-02-19 19:09:34

占卜師揭開埋最後一張...

當最後一張牌正要被揭開之時...我就已經睇到...一個...黃色嘅...

『月亮？！』我見到...我見到係月亮！！！

「月亮...逆位...」占卜師皺一皺眉。

『即...即係點吖？』你唔好皺眉先啦...令我好不安吖...

「月亮...不安...迷惑與恐懼...最讓人感到恐懼嘅時刻...就係面對未知之時...而非敵人已經出現之後...讓人感到精神最緊繃嘅時刻...」占卜師諗一諗...

點解點聽都唔似係好嘢？

飛揚 2020-02-19 19:10:59

「面對未來嘅迷惘...面對陌生情況嘅不安...隱藏嘅秘密...危險...敵人...你哋嘅未來...正等著你哋...」占卜師凝視住我同阿月...

我哋嘅未來...我同阿月嘅未來...隱藏嘅秘密...危險...敵人...

「不過唔需要太過困惑...由於係逆位嘅關係...隱藏嘅事物將逐漸浮現...無論係暗藏嘅敵人...危險...秘密...都將一一浮現...而變得較不具危險性...因為當佢哋都浮出檯面之時...自然知道該如何應對...」占卜師望住“月亮”，點點頭。

咁即係...好定壞吖？

飛揚 2020-02-19 19:11:33

今晚出完

三句預告

[Day 21－現在過去] PART 09

我仲係未清楚塔羅牌俾我嘅啟示...

占卜師眼定定咁望實三張牌：「三張牌得嚟嘅啟示係...你哋係命中注定...喺命運之輪之中轉動...暗藏嘅敵人...危險...秘密...好快都會一一浮現...但唔需要擔心...因為當所有所有都浮出檯面之時...應對嘅方法亦隨之出現～」

飛揚 2020-02-19 19:16:58

已經將[Day 21－現在過去] PART 08 Upload上Facebook同紙言

單吊西3喇 2020-02-19 20:02:32

-1