文
文
一篇thx
仲有五分鐘
記得like同share
上回講到月月話可能有人會想跟人卜土個劇本行...
但又未必真係可以跟得足...
只要有些微嘅改變...可能都會有好大影響...
月月問起假如冇同飛揚一樣,飛揚又會點呢?
飛揚鳩噏會同條港女一齊囉~又話唔定俾個超級有錢女睇中囉~
月月恥笑飛揚FF太多喇~超級有錢女點會咁冇眼光睇中飛揚吖~
不過飛揚有一樣可以肯定...就算同邊個一齊...過咗十年...再過十年...飛揚都會對月月耿耿於懷...念念不忘...
然後...咖啡店響起羅生門...
月月同飛揚就聽住歌...情深深咁眼神交流...
當享受過四五分鐘嘅甜蜜時光後,月月想食甜品~就去買啦~
「咁好啦~咁好啦~等等我啦~」阿月就彈彈跳跳咁走去櫃檯~
飛揚望住阿月嘅背影...然後又望望四周...
點解...又有種感覺...
飛揚再快速咁望一眼周圍...遠處幾張檯...幾個歎緊咖啡...睇緊電話嘅男男女女...
點解...總係覺得...
再望一望一對揀緊衫嘅情侶...
點解...總係...總係...
再望望踎喺地上...兩個同幾隻貓貓玩緊嘅少女...
點解...總係有種...有種...
飛揚再望出落地大玻璃窗外...望望街道上...
點解...總係有種...被人監視嘅感覺?!
跟住既劇情發展又會係點呢?
準備出文
今晚出完