影影早
記得戴口罩
上回講到月月都話飛揚好弱㗎~
然後就講開,原來月月有寫開故~而且仲已經出書~出版社仲想月月去書展簽書添~
原來月月咁勁㗎?
唔止!原來月月已經搵到七位數字~
咁搵得㗎咩?!
不過月月冇打算去簽書喎~因為月月係以男性身份寫甜故~咁樣一出嚟咪穿晒囉~
咁唔係仲有話題咩?
月月話呢張皇牌係要留到最後先出喎~
幾時先係最後?
「仲有仲有~已經有電影公司搵我傾喇~」阿月點點頭~
『嘩!仲要拍成電影添吖?!』邊間邊間?係唔係古天樂嗰間?!
「嗯嗯~其實都傾得七七八八㗎喇~等到書展開始,就會宣布埋電影開始拍攝~」阿月又點點頭~
『哦!到電影開拍嘅時候先公開身份!』飛揚冇估錯喇掛?
「梗係唔係啦~」阿月帶住微笑擰擰頭,「我係會參與拍攝~喺套戲裡面拍幾個鏡頭~」
『哦哦!到上畫先話俾人聽嗰個就係你本人!』今次冇估錯喇掛?!
「梗係唔係啦~呢套都只係其中一套~到打後嗰啲故都拍成電影,我又會拍幾個鏡頭~」阿月又點點頭~
『呃...』咁即係...
「每套戲都拍幾個鏡頭...好似路人甲乙丙丁咁...就睇有冇人留意到呢個彩蛋...」阿月對住飛揚莞爾一笑~
呃...阿月個腦...究竟係乜構造...
跟住既劇情發展又會係點呢?
準備出文
今晚出完