《香港傭兵》(40)

「咪就係講咗去你度囉～仲有呢～仲有呢～」阿月又好心急咁想繼續聽我自爆～

『仲有吖...話唔定會識到個超級有錢女囉...唔知點解會俾佢睇中咗囉...然後仲喺埋一齊囉...有林寶揸囉...』都係搵啲冇乜可能發生嘅嚟鳩吹先...

「你吖？花哈哈哈～」阿月忍唔住大笑起嚟～「咁個超級有錢女唔係盲就係心智未成熟嘅𡃁妹仔啦～」

『你又咩意思呢？』我又冷眼打量住阿月...

「咪就係話唔會有超級有錢女咁冇眼光囉～咪FF咁多啦～」阿月又半帶恥笑咁望住我～

『車...又係你話如果嘅...如果唔FF又點如果...』俾啲FF空間好唔好...

「係要意料之外～但都要喺情理之內㗎嘛～有錢女都算啦...仲要係超級...姓李㗎？花哈哈～」阿月又忍唔住大笑起嚟～

『係吖係吖...』情理之內...『不過...有一點...係真...』

「嗯？」阿月一頭問號咁望住我，等我繼續講埋落去。

『就算我同邊個一齊...過咗十年...又過十年...我一定會...一定會對你耿耿於懷...念念不忘...』我眼定定咁望實阿月...

阿月又眼定定咁望實我...

我哋兩個...一直凝望住對方...

過咗一段時間...然後...

“若果你 未覺荒謬”

音樂響起...

“被傳聞談論的瘋子挽著手”

歌聲並不算太大...但清楚...

“很感激 喜歡我十年仍不休”

柔和嘅歌聲傳遍整間樓上古著貓貓咖啡店...

“近日舊同學說我已 耿耿於你心六百週”

我同阿月就一直對望...

“很可惜 這一世未能長廝守”

情深深咁望住對方...

“但事實如若告訴你或更內疚”

眼裡總係有千言萬語...

“我愛過哈囉吉蒂嗎似乎沒有”

盡在不言中...

“狄更斯是漫畫嗎 仍然少女誤會了嗎”

盡在深心處...

“迷戀蔽眼才給美化 但其實真懂得我嗎”

同阿月一邊聽歌...一邊用眼神交流...

都好似好耐...好耐都冇試過...

已經相隔咗兩個幾禮拜...成廿日咁耐...

唔知有冇機會見得返...縱使害怕冇機會再相見...但兩心仍然近...

總係會想起...總係好似喺身邊咁...從來都冇離開過...

“個個也探問愛戀不老的秘方”

就算離開有幾遠...唔同嘅時空...感覺一樣咁近...

“難道抱著殘像 可百世流芳”

就好似而家...阿月確確實實喺我面前...咫尺之間...

“你未忘 我未忘 猶勝伴在旁”

繼續一邊食嘢，一邊同阿月享受片刻平靜...

平靜？我有冇用錯字呢？

唔知呢～總係覺得心境好平靜～

只要有阿月喺身邊...只要同阿月一齊過每一分...每一秒...

“願如期團聚於 福島某地方”

「喂喂～食唔食甜品吖？」阿月對眼發晒光咁望實我～

『好吖好吖～』嚟咖啡店又點可以唔食甜品～

「咁你想食咩吖？」阿月已經急不可待咁企咗起身～

『我冇所謂吖～睇你想食乜啦～我哋Share～』我就知你一款甜品係唔夠嘅～要兩款你鍾意食嘅開心Share就最好喇～

「咁好啦～咁好啦～等等我啦～」阿月就彈彈跳跳咁走去櫃檯～

我望住阿月嘅背影...然後又望望四周...

點解...又有種感覺...

我再快速咁望一眼周圍...遠處幾張檯...幾個歎緊咖啡...睇緊電話嘅男男女女...

點解...總係覺得...

再望一望一對揀緊衫嘅情侶...

點解...總係...總係...

再望望踎喺地上...兩個同幾隻貓貓玩緊嘅少女...

點解...總係有種...有種...

我再望出落地大玻璃窗外...望望街道上...

點解...總係有種...被人監視嘅感覺？！

今晚出完

三句預告

[Day 21－現在過去] PART 08

又係呢種...被人盯住嘅...感覺...

究竟喺邊度呢？

就好似陳日想實現死海古卷嘅內容咁

又呃字數

已經將[Day 21－現在過去] PART 07 Upload上Facebook同紙言

果然係高才鳩
而陳日再努力實現 其實都只係其中一環 而自己卻不知道

我專登寫多啲去Cover返啲歌詞

可恥

我有補返字數㗎 香港最佛心講故佬

咁大段歌詞

有寫多咗字去補返歌詞嘅字數㗎

又的確係比平日長嘅

BTW飲espresso真係會上腦
好似啪聖水咁

吊！又拖戲

其實而家主角係咪比人打左懵仔針，發緊夢，開始意識到有奇怪？

其實而家主角係咪比人打左懵仔針，發緊夢，開始意識到有奇怪？

飛揚本身都係懵仔