上回講到飛揚總係有種...被人監視嘅感覺...
唔知喺邊個方位...方向...監視住自己...
或者係錯覺啦~做咗行者太耐...屌咩~要敏感時唔敏感~而家返到嚟天下太平先嚟敏感~
到月月拎咗兩碟甜品返嚟,飛揚一食件士多啤梨蛋糕,就勾起返羅羅嘅口水甜味!
嘩屌!仲差啲俾月月察覺到唔對路!
唔得唔得!唔可以俾月月知有羅羅呢個十四歲小妹妹...唔係又FF到去重甜!
月月同飛揚開心share對方啲口水之後...然後...月月望住一個著黑色長袍嘅女仔...
大熱天時著長袍?不過又好似好輕身~應該又唔會好熱~
而呢個女仔個妝...完全睇唔出佢幾多歲...
只可以話眼前呢個黑色長袍女仔,個妝係成熟得嚟帶點清新~驚艷得嚟帶點內斂~
好矛盾複雜吖呵?
係吖係吖~就係咁矛盾複雜~
老老柒柒,佢而家個妝唔係好似戴咗面具咁咁奇怪,但相信佢落咗妝嘅話,你一定認唔出佢!
呢啲係唔係就係傳說中嘅喬裝?!
飛揚同阿月就一路望實個黑色長袍女仔...行...一直行...行埋去遠處...靠近落地大玻璃窗嘅一張空檯...坐低...
呢張檯...呢個位...咪就係頭先阿月所講嘅...
「占卜師吖!」
跟住既劇情發展又會係點呢?
準備出文