上回講到飛揚提起廿年後...呢度會變成愛港愛國嘅辦事處。
愛港愛國...係國安局嘅爪牙...係幫支共辦事...
主要係搵啲黑社會幫手...又捉啲異見人士返嚟...嚴刑拷問...
飛揚已經見過唔少...絕望之中...帶住一絲絲希望嘅眼神...
雖然話捉嘅人又未去到革命軍嘅級數...之但係黃傘都唔碎料~
而且逆行者都同黃傘有啲關係...(飛揚仲俾逆行者陰咗鑊~)
月月都覺得好正常~喺唔同層面吸納唔同力量,係反抗嘅必要手段~
飛揚就真係唔知逆行者想點...
月月就好有興趣咁~話寫故就係要了解晒各方勢力~
傻㗎真係...飛揚大難不死...難得返到嚟就真係唔想諗咁多...
不過既然去過未來...體驗過地獄...而家又返到嚟...又可唔可以...改變呢?
以飛揚呢粒...細小嘅齒輪...
飛揚同阿月繼續睇展覽~
有一幅幅嘅畫~又有一件件大大小小嘅展品~
有啲睇得明~有啲睇咗介紹都唔明~
飛揚真係冇乜藝術感㗎~
然後...
「咦咦喂喂喂~呢幅畫~呢幅畫~~~」阿月拉住飛揚走去一大幅畫面前~
飛揚望住呢幅...夜幕之下...黃金海岸...明月倒照...油畫?!
跟住既劇情發展又會係點呢?
準備出文
今晚出完
「吓?」女職員一面驚訝,之後帶點尷尬,「呃...展品屬非賣品...只供展覽...」
係咯係咯...嚟過牛棚咁多次睇藝術展,次次都係非賣㗎啦~阿月唔會唔知㗎~
「我知我知~」阿月點點頭,又睜大對大眼仔望住個女職員,「但我真係好欣賞呢幅藝術品!仲同佢好有緣呢~」
「呃...」女職員面有難色,「之但係所有藝術品都係非賣品...真係唔賣得俾你呢...」
「我唔係要立即拎走~」阿月窮追不捨,「我只係想喺展覽完咗先帶佢返屋企姐~」
「呃...」女職員嘅面色越嚟越尷尬,「之但係呢...」
阿月冇等個女職員講完:「不如你幫我打俾個畫家,等我同佢傾吖~」