同樓主一樣 我都係中中讀生物,物理
英文不嬲都係半桶水
英文啱啱好好彩3 (模擬試成績次次都唔合格)
但中文生物真係讀得好好,有5
物理都有5 , 但自己鍾意生物多d , 所以最後都報咗生物系,邊間U唔自爆啦。
入到大學第一年真係唔習慣嘅,同你一樣九成學生都係英中上嚟,幾乎得我仲有一個同學中中上嚟。
d專有名詞... 全部唔識要背過。但其實理論大部份多多少少都識,所以都係背過d字就ok。
最緊要係你識生物學有無概念,睇多d課外書。我覺得有幫助,用中文讀仲易明易理解,只係上堂 考試 論文個d要求英文,我覺得明唔明 理唔理解先係最重要。
所以你英文唔好嘅話,建議都係用中文自己讀一次先,之後背字。
中文生物書 可以返大陸書城買 , 好多選擇。
不過就殘體字
um... 總之英文唔叻 唔代表唔可以喺大學學好科學學系。
加油!
光復香港 時代革命