上緊連登嘅警察同我入哂嚟

端涼 · 2019-09-12T20:33:47+08:00

講真啊，force 一開始就政策錯誤，死唔認錯永遠都係政府部門嘅死症，永遠都求解釋，事實係有啲野做錯左咪認囉，垃圾。講真，你一開始比人見到你真係公平嘅，警隊洗咩淪落到政府所有部門同你割蓆？民意都唔撚同啦，點解依家淪落到變過街老鼠？（唔認同嘅，走上街大叫我係警察，我想睇你會有咩收穫）最撚大問題係你地從來都唔去分自己同示威者有乜撚嘢分別，最大分別係：“警隊係一個整體，個人行為影響全隊形象。” 你老味啲智障伙記係fb/ig 話咩“要殺晒啲曱甴”，大佬啊，你自己科技罪案先查撚緊啲殺警言論，你轉頭又話要殺人，但你又無事，咪比其他人見到：係啵，你警察選擇性執法，查示威者就極速，自己人呢就：我地唔能夠網上有人講乜就查乜。其實香港最多係淺黃/藍，但你地已經推哂呢批人去哂深黃個邊，因為幾件重大事件你地完全做撚錯哂。最簡單，721 元朗事件，當時tier 3 已解散，Unit 人手唔計出tier 2 應該都夠數，當時人手係咪少到剩係出到兩個伙記去睇單fighting in pp ? 咪玩啦，一架Mp car 都至少一拖二啦。出得兩個伙記都算，我唔知你地見到點既形勢去判斷離場呢個行動，但你有常理，見有人聚集、唔知咩事、疑似打人，你唔夠做，你都識叫支援，之後遠處觀察下化？但你直接走？你叫啲市民點睇你地？你話示威者應有此報，ok fine, 但仲有批無辜市民係架西鐵度，你真係估成車都係示威者？如果係既你都要反省下點解逼到成車示威者出黎咁撚把炮，兩位伙記，記唔記得學堂教你幾時可以拔槍啊？「保護任何人，包括自己，以免生命受到威脅或身體受到嚴重傷害」或者你當刻覺得未夠嚴重？但你肯企耐啲，我相信你會觀察到係好嚴重。但點都好，你地兩位英勇係警隊歷史上增添左一筆關於選擇性執法既新定義。仲有成日叫人地廢青曱甴，我都真係覺得好笑，你活係封閉既世界真係阻你唔到，你知唔知呢場運動有幾多大學生出左嚟？機師都拉左個啦，你地咁話人，但你地自己唔好忘記你地大部分人咩出身，最終咪俾人笑返毅進仔，自己攞嚟柒。人地示威者話緊你地形容曱甴係去人性化，你地仲叫多兩錢重.... 好喇，當你承認有大量學生同職業人士走出黎，你就話人黃媒洗腦、讀屎片，有冇諗過你自己係因為讀唔成書先碌左入黎？然後受警隊洗腦教育？睇下書你就會知成個training 都係一個再社教化既過程，其實你地先係被洗腦既一群，你亦有冇諗過其實讀得書多，個人的確係聰明啲？如果唔係，統治世界既人就係你班中學學歷既人，而唔係班大學專才啦，一班聰明嘅人都選擇去信你口中既毒果、黃媒，你仲堅持自己係啱？我唔係叫你支持示威者，但我至少想你批判思考下究竟自己同事做既野係咪岩晒，唔岩既，咪搵Jpoa 個啲出下聲話個別例子，會調查囉。你望下而家，成堆智障同事拖哂你成個部門落水，班智障同事仲要騎劫埋無做錯過既同事：你唔撐我地就係黃、就係25。你問心啊，你係咪真心同意私刑/打犯，如果係既，我都建議你盡快搵過第二份工，遲早hi ，被人boot 走咪怪force 唔攬，因為唔值得攬。唔好講咩前線大壓力，你一開始做得啱，壓力就自然低，變相受社會原諒，你就由“過街老鼠”變“身不由己要維持法治既英雄”，因為依家唔係講緊你清場趕人唔啱，而係你既手段做得唔好。再者壓力大就犯錯？你學堂啲高壓訓練去哂邊？犯左錯唔識講：sorry sir? 由開波第一日，你警隊有冇外界認過錯？無。到左而家禍及妻兒啦終於，你地已經冇得簡，逼撚住唔啱都要死撐，分分鐘自己都做埋一份子，well done. 上級諗嘢有時係離地，但有時其實啱/幫到你地，只係太遲出，最近先叫前線唔好叫示威者做曱甴同有禮貌仲有戴帽，一睇group 個個伙記屌哂鬼，好似覺得上級唔體諒前線，但我覺得屌你你呢啲基本嘢都唔做，你真係等人地文宣打到你殘。不過當然，嚟到呢步先咁做，冇撚用啦，你早番兩個月出，都勉強透過nco 們控制到下啲智障同事，而家先嚟玩先禮後兵？輸哂啦，個朵一早被你地自己玩臭哂。你地講到警察有幾委屈，我睇一切都有前因後果。因為你一開始講到自己執法公平，但被人捉到你選擇性執法/私刑。因為你善用文字去修飾報道，你而家所講既野都0 信服力。因為你一時情緒激動，講埋啲嘢影響你警隊形象，你依家收生都有問題，淺黃藍都唔洗諗，絕對唔加入，得番批智障深藍入黎鬥智障，望下醫院打人個兩位師兄，三年兵都未有就夠撚膽打人，絕對係啲價值觀有問題，你force既178 推行都算失敗中嘅失敗，再睇下你幾多人離職？ smart 既有位走既都走晒，留番批毒血繼續支持警隊：撐警好嘢！我地打曱甴！如果以上所講嘅都無發生過，就算你燒煙趕人走都好合理，做錯就道歉搵原因，我相信而家情況會好唔同，大部分人都會原諒警隊做咗磨心，就算示威者運動升溫，最多都係破壞下果幾塊好重要嘅玻璃，一定唔會追撚住你哋嚟打。政治你可以簡真係中立，你唔反對/支持反送中，都無問題，但唔該公平執法，唔好將你嘅個人政見帶入份工入邊。同埋，你今時今日警隊講野已經無人信，就好心你地反省下，究竟點解去到呢個地步？或者你地可以繼續圍爐話出邊黃媒洗腦等等去掩蓋你地係被社會上大部分人所討厭嘅一群，認清事實啦，同事。已經發展到伙記被人斬，你地究竟明白呢個社會有幾憎你地未？受傷冇人同情，民意不會逆轉。仲堅持成個部門冇錯？啲上級要保護伙記，唔該做番啲野出黎消除民憤，唔係派啲防狼器，咇咇兩聲就夠，用你地既力量逐層施壓上去，前線伙記亦唔該你地自己諗下，對示威者既態度，你想人死，人想你死，個啲速龍真係，你蒙面打就過癮，結果要全警隊為你承受惡果，就係咁簡單。（甚至有人懷疑伙記受傷係自編自導，醒下啦）另外，831 我唔知有冇死人，我剩係知有7 個人好早就去左瑪嘉烈留醫，我都好希望有現場同事唔好埋沒良心，講番個事實出黎，有死人定冇死人。講真，還所有人公道。支持成立獨立調查委員會，放哂警隊啲毒血，話返俾全世界人知犯錯嘅人始終會受罰。非為警隊洗白，只想有罪之人受到適當嘅審判。

端涼

1001 回覆

9355 Like 151 Dislike

便利店售貨員 2019-09-12 23:15:30

塞尚先生 2019-09-12 23:15:46

係你咁on9先信有狗會爆野咪一早爆左
以為自己有良知嘅黑警唔出聲咪又係助紂為虐
出聲屌下等自己好過d咋
呃自己唔係黑警最撚垃圾
黑警冇一個無辜

老豆變鬼佬 2019-09-12 23:15:54

POE RN 19010984
組織 : 無任何組織參與
日期 : 2019 年 9 月 14 日 (星期六 )
時間 : 正午 12 時正開始至下午 10 時正結束
地點 : 中環愛丁堡廣場大會堂低座對出空地
活動性質 : 公眾集會
活動目的 : 中學生集會

維尼條女 2019-09-12 23:16:20

辭職啦唔係到時一次過清算警隊就走唔到嫁啦

林奠 2019-09-12 23:16:34

黑警既暴行係香港人抗爭既動力
冇真普選有獨立調查都冇撚用

香港要加油 2019-09-12 23:16:39

btw 又洗白

請善用不推文回覆

何熊伸懶腰 2019-09-12 23:16:40

血債血償完

石川先生 2019-09-12 23:17:10

你唔離職﹐你都係死仆街。
呢件事無中間﹐係你幫緊既仆街政府唔俾你企中間。

狗咬狗骨 2019-09-12 23:17:18

留喺警隊洗下其他人腦都好，又可以二五下

馬志強 2019-09-12 23:17:24

建議直接開庭審，唔覺得一個所謂獨立調查委員會有用。如果係白警嘅唔該辭左職先，日後重組警隊可以有識別

精子ATM 2019-09-12 23:17:53

咁阿sir你即係遞咗信未

子傻 2019-09-12 23:18:17

你講既全部都係我依家勁撚憎popo既原因

打人嗰個放走比人打嗰個拉
爆眼甩曬門牙對頭射對眼射適當武力嚴格指引

深水埗前面幾百米無人tg放題

中信大廈 tg大途殺

重未計其他亂用武力無數次亂拉人亂查身份證係記招狡辯警察濫權暴試圖合理法

我係一個壞左既人 2019-09-12 23:18:32

聽講d防暴因為病曬同發燒先咁撚燥同暴力
係真唔係

你的身份像精 2019-09-12 23:18:42

最尾個句已經係最鬼咩
你咪洗白緊自己囉

大左膠加大愛撚 2019-09-12 23:18:50

MorningGroot 2019-09-12 23:18:52

入到嚟唔係尻蛇

開畢了口 2019-09-12 23:19:05

拉開你既垃圾職業黎睇其實篇文真係屌得幾應棍重點係你都知自己係黑警
有OT錢好搵快啲而家不斷拉低質素黎講好明顯HKPF想換血搵公安做

shinglokmyas 2019-09-12 23:20:36

樓主，我地唔係真係要你去死，大家都好撚火對班黑警；但你想清楚，大家都睇撚住。做白警比好料黎，或可上法庭從寬；做黑警玩野，我地要你「好自為之，後果自負」！明唔明？

解放軍部隊尤其武警部隊，知唔知滲透咗幾多人在警隊？一般佢地邊度待命？

有冇新屋嶺料？8月5日至15日，一般咩人駐守？

自己冇料比就內部找尋下！

睇你點回復大家！否則免談！

塞尚先生 2019-09-12 23:20:40

鬼到仆街連登真係好影帶風向

如果活著能坦白 2019-09-12 23:21:17

推
竟然有生之年聽到仲有警察講句人話

燊森林火林森燊 2019-09-12 23:21:35

真心唔覺得呢位巴打係想洗白白
分析得好好，知道點解popo會變曬過街老鼠
但睇你地d高層最近既舉動，佢地好似仲未知發生緊咩事，又可能係開壞左個頭，而家進退失據

最後，都要講返句…黑警死全家

在世煩囂 2019-09-12 23:21:59

推

豬剛鬣(肛裂) 2019-09-12 23:22:21

辭職未