想同大家講聲對唔住

首先要同咁多位有出黎嘅手足講聲，多謝你地，辛苦你地了。

我亦都想係到同大家講聲對唔住 。
我係之前推91入機場嘅樓主。

我個時冇諗過黨鐵會同黑警勾結，停晒機鐵同成條東涌線，令到手足被困孤島，係我考慮不周，冇同大家提前討論應對方案，好對唔住。希望仲行緊公路嘅所有手足都可以平安返屋企⋯

91機場行動大家都有好多唔同定論，唔知道大家未來仲願唔願意繼續冒險揸春袋。個人黎講，我係希望可以繼續揸嘅，所以想分享少少諗法去檢討行動。


1）機場行動除左排隊搭巴士外，最好乜都唔好做

其實之前都講過，91嘅目的係用巨大嘅人數黎癱瘓機場交通，唔係主動佔路同set roadblock。

我地需要做嘅只係排隊搭車入黎，企一陣，等下一轉手足到場，再排隊搭車出去，務求令到所有陸路交通都塞晒。

我地唔好叫口號，唔好set roadblock。因為set左roadblock嘅話，狗就有籍口清場，有籍口停機場巴士，未入到機場嘅手足就入唔到黎支援我地，我地都出唔到去。唔叫口號嘅話，啲狗就冇得話我地係示威。

2 ) 機場行動放棄black bloc，見到狗唔好跑走，繼續排隊

今日大家都見到，有份去嘅手足有一半係black bloc，一半係遊客裝。

我係1點幾嘅時候到機場巴士站，個時大約8成人係遊客裝。但係到大約2點幾至3點個時，有消息指防暴落緊黎，大量遊客裝嘅手足就跳左上巴士走，淨返係場嘅8成都係著黑衫嘅和理非。

防暴推進個時，大家開始恐慌性撤退。好多人都跑走，但其實著住遊客裝堅持繼續係巴士站排隊嘅人係一啲事都冇。防暴都只係係佢地身邊行過，冇對佢地做任何野。

所以，我想提議下次有機場活動，大家見到狗個時唔好跑走，繼續排隊等巴士，千其唔好嗌口號，忍下口，等巴士有犯法咩？如果佢咁都拉得人，咁全香港出街嘅佢都拉得。

仲有，每次機場行動都會有大量press影住，比你揀，你想係機場比全球關注咁被捕定係東涌被捕？當然係機場。

而且，今日已經見到，旅客真係我地嘅保命符。即使有禁制令分隔左遊客同遊覽嘅市民，啲狗都係唔敢係巴士站放tg同拉人。因為真係會有遊客去等巴士。

3) 好重要，有狗黎個時真係唔好全部一次過跑走。[/red][/size=5]

經歷左今日，大家都知道，狗係會係機場以外嘅任何地方做大圍捕。你跑去東涌都要半個鐘，如果下次狗係公路到捉人，身邊又冇press，真係可能會被失蹤。

最重要嘅係！有旅客嘅機場比其他附近地區安全得多。今日機場a車係五點幾已經慢慢慢慢地回復服務，因為佢地點都要比遊客走。我地要等，我地原地等，等到係機場上到車為止。下次千其唔好去東涌比佢圍。


最後最後，我提議下次和你測可以係星期六搞，咁大家就唔洗驚第二日趕唔切返工返學。

我講嘅未必係啱，歡迎一齊討論，我地一齊進步。

支持香港警察以暴制亂 港九戒嚴 全面宵禁！

推

其實今日係狗成功,玩9我地,行到腳斷,係站口,碼頭等大家,而家酒店仲報埋警,有手足被困,地理完全輸哂,大家唔好自我感覺良好

推

辛苦了

已過5700+正評，急需巴絲打整新文宣！
《連 登 公 投》 最 後 覺 醒 機 會
- 分享自 LIHKG 討論區
https://lih.kg/agbkmNU

推

今日差佬佈防地區&人數明顯同以往不同，同時黨鐵又合作無間，大家預料唔到

推

機場行動真係唔洗黑衫
好多手足完全唔明幾時要黑衫幾時要街坊LOOK

第1點其實你控制唔到
有啲人係唔甘心咁就完咗
覺得一定要"做啲嘢"先肯心息

推

AGREE
琴日我都唔明
明明黨鐵已經配合警犬執法
啲人重走去玩轉場?
非常之危險

推

我明白
但都想同大家一齊討論春袋究竟應該點樣揸先最好
大家都摸索中

Push

記住一直個活動係叫stuck with you

推

push

我係覺得機場可以交比勇敢嘅和理非
黨鐵可以交比勇武