我的妹很少
2019-08-09 00:42:17
話說係咁既
共產黨嗰時將中國傳統文化盡情破壞,換晒做西方野,以為用刀叉食人肉就叫文明(同而家相反),
除左走去打爆晒啲廟,燒舊書等癲野,連農曆都想消消滅埋,唔俾人用農歷,當然亦唔俾人過「農曆新年」。
但文化呢樣野唔係話鏟就鏟,即使係癲如共產黨……尤其過年呢樣野,任何文化慶祝過年呢件事都係入晒血。所以民間依然係會過「農曆新年」,禁都禁唔到。於是共產黨唯有屈服俾人慶祝,但就好蠱惑咁改左個名,屈左「農曆新年」做「春節」。
所以而家啲小學教材又或者電視節目,臨到新年之前講中國文化,話「春節」喺中國有好悠久既歷史……完全係鳩up既。
有好耐歷史嗰個係「農曆新年」,而「春節」其實只有幾十年歷史。即使呢兩樣野係發生喺同一日,人民既慶祝行為係一樣,但佢地其實係兩件唔同既事。