[古典文學入門(二)]估吓邊個文人成日叫雞？

我都想讀文學
可惜學校冇開

我讀理科既其中一個理由，就係唔想因爲成績功課而厭惡左文學

其實巴打嘅諗法無錯
讀文學讀中文真係驗證自己係咪咁熱愛
好多人都會失去左初衷

李白 把酒問月
青天有月來幾時？我今停杯一問之。
人攀明月不可得，月行卻與人相隨。
皎如飛鏡臨丹闕，綠煙滅盡清輝發。
但見宵從海上來，寧知曉向雲間沒？
白兔搗藥秋復春，嫦娥孤棲與誰鄰？
今人不見古時月，今月曾經照古人。
古人今人若流水，共看明月皆如此。
唯願當歌對酒時，月光長照金樽里。

入面句嫦娥都出名
不過嫦娥係入面只係配菜

因為李白啲style係自大到仆街

咁李白係充滿浮能嘅
唔同我地得潛能

之後會開始講
李商隱對歷史嘅意識
佢係一個成日用典故嘅人
相對陶淵明黎講更加需要導讀

好鐘意佢既詩，佢既詩真係旁徵博引，但都因為咁睇多好多，識多好多
雖然都好花時間

係呀！
魯迅講：
「玉谿生清詞麗句，何敢比肩，而用典太多，則為我所不滿。」
其實用典係反映左一個詩人嘅歷史意識
我下篇會開始慢慢講

錦瑟，句句都有

我本身諗住跳過好多典故嘅詩
但李商隱其中一個特色就係典故
所以要大家挑戰吓讀呢種詩啦

就係鐘意佢多用典故 覺得學到更多野 但係而家啲填詞人好似用典多少少就會俾人話流於堆砌

係現代人唔慣
我地已經同果個世代斷開左

好鍾意李商隱

我都好鍾意佢
希望會比絲打認識到更全面嘅佢

我都想讀文學
可惜學校冇開

我讀理科既其中一個理由，就係唔想因爲成績功課而厭惡左文學

其實巴打嘅諗法無錯
讀文學讀中文真係驗證自己係咪咁熱愛
好多人都會失去左初衷

我讀phy chem pure math

我都想讀文學
可惜學校冇開

我讀理科既其中一個理由，就係唔想因爲成績功課而厭惡左文學

其實巴打嘅諗法無錯
讀文學讀中文真係驗證自己係咪咁熱愛
好多人都會失去左初衷

我讀phy chem pure math

巴打比好多文科仔仲熱愛文學

神話是眾人的夢，夢是私人的神話
讀李商隱常娥詩

神話係中國文學一個重要嘅泉源
係遠古先民對世界嘅幻想
係一種口耳相傳嘅集體創作
代表左人類最原始最具活力嘅想像

正正因為咁樣
神話一百個人睇可以有一百個解讀
我地曾經講過陶淵明點睇神話
陶睇得出夸父追日動人嘅地方
今次就到我地黎睇吓
李商隱係點樣睇嫦娥呢位神話人物



首先要講嘅係點解首詩題目係「常娥」
而唔係「嫦娥」，唔通李商隱寫錯字？
原來一開始佢個名唔係咁嘅
《淮南子.覽冥篇》：
「姮娥，羿妻。羿請不死之藥於西王母，未及服之，姮娥盜食之得仙，奔入月中為月精也。」
最初係叫「姮娥」，但後黎同漢文帝劉恆撞名
咁皇帝大哂架啦，唯有改名做「常娥」
之後慢慢就演變做兩個字似樣嘅「嫦娥」啦

張衡《靈憲》記載：
嫦娥，羿妻也，竊西王母不死藥服之，奔月。將往，枚占於有黃。有黃占之曰：「吉，翩翩歸妹，獨將西行，逢天晦芒，毋驚毋恐，後且大昌」。嫦娥遂托身於月。是為蟾蜍。
呢個版本嘅嫦娥故仔流傳好廣
嫦娥係后羿嘅老婆，后羿就係射左九個太陽落黎嘅英雄
咁后羿做左英雄，就問西王母要左不死藥
嫦娥一聽就心諗正呀喂
個心十五十六，決定問神棍有黃占卜吓未來運程
神棍緊係話：你骨格精奇，必定係人中之鳳，去啦
點知呢，嫦娥食左藥就變左做蟾蜍升天



常娥
雲母屏風燭影深，長河漸落曉星沈。

雲母：嵌左雲母石嘅屏風
長河：天上嘅星河

其實到左李商隱呢一代嘅詩人
先開始將嫦娥變做美女
而且對嫦娥多左一分憐惜之情
直到明代小說講「必得嫦娥，天下女子不足道也」
形成左我地今時今日對嫦娥嘅形象

亦都係咁，當李商隱睇完嫦娥嘅故仔
佢就開始係到FF，仙女住係月宮
仙女訓唔著，好孤獨好寂寞咁望住屏風上
搖曳不止嘅燭光所投射嘅影子
轉頭望向銀河，望到銀河都漸漸消失
所有星星都一粒一粒咁沈沒
「深」、「落」、「沈」
都係連繫係一個「漸」字
空間嘅轉變，正正係代表左日月星移嘅時間流逝



嫦娥應悔偷靈藥，碧海青天夜夜心。

有人估呢首詩係李商隱寫比某個女道士
又有人話呢首詩係講緊詩人自己
更有人吹呢首詩係同時局有關係
其實種種講法，都無事實根據
強求實解，勉強套入某一件事只會失去詩意
用廣義嘅情去解讀，往往更加恰當，更有解讀空間

李啇隱對嫦娥神話嘅價值判斷
並唔係罵佢點解咁衰偷嘢
「應悔」兩字，而家你應該後悔啦
其實係詩人對嫦娥一種同情憐惜
因為李啇隱感知到嫦娥「碧海青天夜夜心」嘅孤寂
呢種心之孤寂係最得人驚嘅
試想像吓
即使你去到世界最高最超脫嘅位置
但全世界得返你一個，無人同你分享一切
時間不斷流逝，銀河隕歿
你曾經識嘅人關心嘅事全部離你而去
而你依然長生不老
活著，變成毛骨悚然
活著，只不過係行屍走肉
又點唔會後悔呢？

最後再讀一次：
常娥
雲母屏風燭影深，長河漸落曉星沈。
嫦娥應悔偷靈藥，碧海青天夜夜心。

呢首幾易入口,
巴打最後講果句講得好好,
即刻FEEL到呀!

呢首勁出名
每次講嫦娥都會諗起

明日到出呢邊

簡介基本古典文學概念：用典
兼讀李商隱賈生詩

我地閱讀古典文學果陣
不論中西方，都會發現成日有典故
掉返轉頭去諗，現代嘢好似好少會咁
點解會咁樣呢？

我地講過，中國古代係「不學詩，無以言」嘅世代
上層知識分子之間嘅交流，詩係一種好重要嘅工具
亦都因為咁，詩嘅世界本身就形成左詩文化、詩語言
用典故，就好似inside joke咁，並唔係一件難事
當詩人嘅對象都係詩文化嘅讀者，自然會講詩語言
同今時今日講潮文個情況係相似嘅

中國古詩，點解可以咁精緻，咁簡短嘅情況
呈現出中國古典文學嘅最高峰？
我地必須了解：
詩唔止係單純嘅藝術品，而係一種龐大、豐富嘅詩文化
詩文化代表左，詩人只要運用短短一兩句文字
可以召出歷代的古魂，可以喚起神話的怪誕，可以昇華植物的精神
歷史人事、神話傳說、哲理思想、民間風俗等等
每一種都係詩文化入面累積，每一種都潛藏著厚實的泉源
每一種典故運用得好，都係呈現左詩文化嘅美



賈生
宣室求賢訪逐臣，賈生才調更無倫。

宣室：帝王住嘅正室
賈生：賈誼，西漢文人

李商隱呢首詩以人作題，係一首「詠史」之作
所以要理解呢首詩，必須先知道賈誼一生
根據史記講：
「賈生名誼，雒陽人也。年十八，以能誦詩屬書聞於郡中。吳廷尉為河南守，聞其秀才，召置門下，甚幸愛。……廷尉乃言賈生年少，頗通諸子百家之書。文帝召以為博士。」
賈生係一個充滿才華嘅年輕人
漢文帝好欣賞佢，就比佢做左史上最年輕嘅高級教書人
好可惜嘅係，後來佢建議新禮制果陣
比埋老屎忽反對，皇帝唯有外放佢去第二到做官

邊個鍾意比堆老屎忽玩，賈生緊係勁唔開心
期間仲寫左好出名嘅《弔屈原賦》
後黎雖然返左去，做左太子個老師
「居數年，梁王騎，墮馬而死，無後。賈生自傷為傅無狀，哭泣歲餘，亦死。賈生之死時年三十三矣。」
點知過左無耐太子死左
賈生覺得係自己責任，其實關鬼佢事咩
結果傷心到死左，果陣先得三十三歲咋陰公

呢兩句正正係講緊，賈生被人反對流放外地
有一日漢文帝無啦啦諗到條千古難題
希望搵到賢士黎解答
而果陣最醒目嘅就係賈生
頭兩句都係好強調漢文帝嘅覺醒
賈生終於可以一展平生之學啦



可憐夜半虛前席，不問蒼生問鬼神！

史記講：
後歲餘，賈生徵見。孝文帝方受釐，坐宣室。上因感鬼神事，而問鬼神之本。賈生因具道所以然之狀。至夜半，文帝前席。既罷，曰：「吾久不見賈生，自以為過之，今不及也。」

賈生作為一個咁醒嘅文人
作為一個中國古代知識分子嘅一流人物
但被皇帝流放左去長沙，再突然叫佢返黎
試幻想吓，果刻賈生係幾咁期待
自己治國平天下為萬民著想嘅大志終於可以用得著啦！
點知……
原來皇帝只係想問佢鬼神嘅迷信嘢

「可憐」呢個字，當然係李商隱嘅睇法啦
同時間，佢作為一個「沈淪下僚」嘅人
都係表達緊自己嘅自傷自憐之情
兩個同樣咁出色嘅文人，同樣都係懷才不遇
「虛前席」係形容緊皇帝同賈生坐係地下
「不自知膝之前於席」，聽到入哂神虛心受教咁
但一切都係空虛不實，一切都係妄為嘅

「不問」和「問」之間係一大對比
同時間都係最大嘅諷刺
個情況好似係高官去車公廟為香港祈福咁
李商隱寫呢一句果陣，係好深刻感受到果一刻嘅荒謬
似乎係充滿左憤怒咁揮筆書寫

李本身因為一生都不受重用，同樣係早死
詩人以生命去讀歷史，讀歷史嘅共鳴寫下詩句
呢一個典故，除左係詩文化傳統之美
亦係李之生平入面互相呼應，成為左佢一生嘅註腳



最後我地再讀一次：
賈生
宣室求賢訪逐臣，賈生才調更無倫。
可憐夜半虛前席，不問蒼生問鬼神！

我都成日叫雞
所以我好有才華

人地無論買春果個定賣身果個都詩詞歌賦樣樣掂
雖然本質上依然係call g

我都成日叫雞
所以我好有才華

叫得愈多愈有才華
但無得仆
比錢談心

我都成日叫雞
所以我好有才華

叫得愈多愈有才華
但無得仆
比錢談心

扑

我都成日叫雞
所以我好有才華

人地無論買春果個定賣身果個都詩詞歌賦樣樣掂
雖然本質上依然係call g

好似叫明星雞咁
做之前叫佢唱返幾首歌先
而家邊到有得叫呀

大家得閒正皮吓
呢個文學post
唔可以比思想同藝術post追返轉頭

大家得閒正皮吓
呢個文學post
唔可以比思想同藝術post追返轉頭

皮正左好耐，文

大家得閒正皮吓
呢個文學post
唔可以比思想同藝術post追返轉頭

皮正左好耐，文

今日出左啦
而家暫時諗住每日出一篇
即係一日一文輪住黎

皮已正
追到live覺得本科是垃圾

留名

皮已正
追到live覺得本科是垃圾

多謝巴打
咩本科係垃圾？
巴打讀咩架

留名

巴打個名令我諗起
人生若只如初見，何事秋風悲畫扇

追哂POST
真係寫得D傷愁淋漓盡致
含蓄但意像強烈
多謝巴打講解得咁好，連我呢個理科人都識欣賞
但結合左佢個人經歷
唔知佢係咪真係去嫖咁多啦
但我發現將佢D詩放返係佢自己身上都適用
生係唐未，受家族背景影響要閒置，辛苦考進士都碌碌無為
同D妓女窮美好青春都等唔到良緣，係悲身世悲所生時代咁樣
成日睇睇下係寫妓女，但又好似寫緊自己
境界好高