[古典文學入門(二)]估吓邊個文人成日叫雞？

巴打係咪係某大做緊助教
覺得你既語氣好熟悉

身世與愛情的雙重墜落
讀李商隱春雨詩ep.17

係一開始我地已經講過
李商隱同陶淵明係兩個好唔同嘅詩人
如果話陶淵明係由廟堂出走田園嘅代表
咁李商隱就係廟堂中鬱鬱不得志嘅典型
陶淵明尚有佢嘅救贖
而李商隱則係極端敏感咁自我折磨
永遠都在尋覓，永遠都在追憶
由始至終，李商隱嘅心靈都係飄泊不定
而呢種苦難，成就佢奇麗隱約嘅詩歌


春雨
悵臥新春白袷衣，白門寥落意多違。

白袷衣：唐人以白衫為閒居便服，袷即係兩層嘅衫
白門：簡陋嘅居所

題為：春雨，係類無題
呢個題目雖然唔係解詩嘅依據
但好能夠表達到成首詩迷離嘅感覺

「悵臥」、「新春」、「白袷衣」
詩人將單一嘅意象整合成複合嘅意象
「新春」本來係開心嘅日子
但詩人偏偏「悵臥」，唔想起身
似乎係處於人生失意之時，係一對比

「白袷衣」、「白門」同樣強調「白」之一字
呢個「白」亦都係表達古代社會階級
相對而言，有錢人家係「朱門」
李商隱家道中落，一介寒酸書生
自然係社會上處處都係「寥落」
做咩嘢都係「意多違」，人生不如意事十常八九

呢到嘅「寥落」唔止愛情
係連同李商隱身世仕途嘅雙重墜落
幻想愈熾熱，現實愈冷酷
追憶愈張狂，當下愈寥落


紅樓隔雨相望冷，珠箔飄燈獨自歸。

珠箔：珠簾

由「白門」至「紅樓」，有強烈嘅張力
李商隱望緊嘅，到底係邊個呢？
係咪佢嘅愛人，所以先要苦苦咁守候？
「隔雨」，雨成為左兩人之間嘅阻隔
但呢個阻隔係迷濛嘅雨，似乎只要願意
詩人係可以望見自己朝思暮想嘅人
「相望」也許只係一種想像
雨濛濛邊個又睇得清一切呢？
再美，都係淒美，都係令人生「冷」

「冷」到受不了，只好「獨自歸」
詩人身後嘅背影係咁鬼浪漫
「春雨」飄落，籠罩現實同心靈嘅世界
「紅樓」作為大背景
而「紅樓」嘅窗簾「珠箔」閃出陣陣刺人嘅光芒
「珠箔」、「飄燈」都因風而搖晃
人生係飄搖，愛情係迷亂
李商隱一切嘅故事，都係呢個舞台演出……


遠路應悲春晼晚，殘宵猶得夢依稀。

春晼晚：春天即將逝去

李商隱寫過一句，連陳奕迅都唱過：
「夕陽無限好，只是近黃昏」
暮春近了，遠方嘅你
應該都會同我一樣咁悲哀
最美好嘅時光即逝去
但我地咩都做唔到，咩都改變唔到

我曾經夢見過你，夢見過一切嘅美好
但夢醒時分，偏偏令人最是悲哀
留下只有「依稀」嘅回憶
係最難追憶，最係空想嘅「夢」


玉璫緘札何由達？萬里雲羅一雁飛。

玉璫：女子飾物
緘札：書信
雲羅：好長嘅雲，比喻前路坎坷

古人成日交換定情信物
「玉璫」應該係李商隱收到情人嘅信物
詩人嘅書信，點樣先可以傳遞出去呢？
我地必須留意，呢到係一問一答
「何由達」之問，生出「萬里雲羅一雁飛」

李商隱真係令人「我見猶憐」
點解係咁灰咁悲慘咁不幸嘅人生中
佢依然可以充滿希望咁講：
就算前路再坎坷，就算有幾遠幾多阻隔
都可以傳到我嘅心意，我嘅夢總有一日會成真

係一陣迷濛嘅春雨間
我地難免會問，真係做到咩？
「一雁」係咪真係足夠？
但係，「意多違」嘅人生卻……
我真係好想比個擁抱李商隱呀！

春雨
悵臥新春白袷衣，白門寥落意多違。
紅樓隔雨相望冷，珠箔飄燈獨自歸。
遠路應悲春晼晚，殘宵猶得夢依稀。
玉璫緘札何由達？萬里雲羅一雁飛。

呢首絕對係我最愛李商隱頭三之作
寫得好到不得了

巴打係咪係某大做緊助教
覺得你既語氣好熟悉

我嘅身分同李商隱詩風係一樣

頭先我講錯
原來下一篇李商隱就講哂啦

頭先我講錯
原來下一篇李商隱就講哂啦

咁快完!!!

多過陶淵明架啦

多謝分享 學識好多嘢

希望下次可以分享一啲好熱血勵志嘅作品

真係好需要啲動力

多謝分享 學識好多嘢

希望下次可以分享一啲好熱血勵志嘅作品

真係好需要啲動力

預定左下次講東坡
佢係一位好樂天嘅文學家
一定比到動力你

呢個星期接近埋尾啦

仲有幾篇?

唔加就仲有三篇
今日會出多篇

期待

呢排要出國取材
可能全部都會慢少少

巴打去邊?

去中國取材？

法國

唔加就仲有三篇
今日會出多篇

期待

呢排要出國取材
可能全部都會慢少少

巴打去邊?

去中國取材？

法國

希望有得著啦

唔加就仲有三篇
今日會出多篇

期待

呢排要出國取材
可能全部都會慢少少

巴打去邊?

去中國取材？

法國

希望有得著啦

Parlez-vous français?

我都好想去！

工程學生留名學野
巴打遲下會否講下宋詞？ 個人幾鍾意 蘇軾 賀鑄 辛棄疾

工程學生留名學野
巴打遲下會否講下宋詞？ 個人幾鍾意 蘇軾 賀鑄 辛棄疾

下個開始入宋詞
因為已經講左兩個大詩人
詞會講東坡先
巴打到時記得留意

大家慢慢睇
因為下篇講李商最出名嘅神作
會拖到星期日先出

大家慢慢睇
因為下篇講李商最出名嘅神作
會拖到星期日先出

法國抖抖

大家慢慢睇
因為下篇講李商最出名嘅神作
會拖到星期日先出

法國抖抖

多謝巴打

大家慢慢睇
因為下篇講李商最出名嘅神作
會拖到星期日先出

真係唔寫多幾篇先完?

睇大家反應

大家慢慢睇
因為下篇講李商最出名嘅神作
會拖到星期日先出

期待

大家慢慢睇
因為下篇講李商最出名嘅神作
會拖到星期日先出

期待

大結局！