[古典文學入門(二)]估吓邊個文人成日叫雞？

大家慢慢睇
因為下篇講李商最出名嘅神作
會拖到星期日先出

期待

大結局！

明日出完慢慢煲

大家慢慢睇
因為下篇講李商最出名嘅神作
會拖到星期日先出

期待

大結局！

明日出完慢慢煲

此情可待成追憶 只是當時已惘然
呢句手機打字打三個字自動出埋

一即是全，全即是一
讀李商隱錦瑟Ep.18

如果講起唐代詩人
李白、杜甫一定係熱門必讀
相對黎講李商隱嘅作品無咁易入口
雖然其文學成就極高，但大眾對佢認識好少
閱讀有時應該要有「難度」
因為困難，代表我地跳出自己熟稔嘅視野
亦都意味我地透過閱讀
開拓緊一個陌生而豐富嘅世界

今日我地讀李商隱嘅錦瑟
係不論何時何地，只要講起李商隱
都一定會提及嘅詩，公認係集其文學大成之作
最特別嘅地方係，李商隱晚年自編《玉溪生詩集》
將錦瑟一詩，放做第一首嘅「開卷」之作
可以話係代表詩人嘅一生，遠比其他詩作重要

正因為咁，李商隱錦瑟嘅閱讀
必須對佢嘅詩作大體有基礎嘅理解
愈讀得多佢嘅文句，愈能品味錦瑟美妙動人嘅地方
以下從我地之前咁多篇嘅閱讀，區分以下三個切入角度：

1.李商隱嘅人生不幸及沈淪下僚之飄泊
流鶯、賈生、暮秋獨遊曲江、野菊、宿晉昌亭聞驚禽、春雨
2.李商隱嘅歷史意識及其典故之運用
常娥、賈生、籌筆驛、青陵臺、無題(來是空言去絕蹤)、銀河吹笙
3.李商隱嘅愛情悲劇及其欲求超脫情困之掙扎
無題(鳳尾香羅薄幾重)、無題(重幃深下莫愁堂)、無題(相見難時別亦難)、
無題(昨夜星辰昨夜風)、無題(來是空言去絕蹤)、銀河吹笙


錦瑟
錦瑟無端五十弦，一弦一柱思華年。

錦瑟：花紋好靚嘅樂器
弦：弦線
柱：樂器嘅音柱
華年：美好嘅歲月

1.李商隱嘅人生不幸及沈淪下僚之飄泊

「錦瑟」係極美嘅樂器
李商隱由呢樣物件中思考、追憶自己嘅一生
人生是否有如音樂？
曲終係咪必定人散？
「無端」意指突然，不可預測
瑟本來只係得二十五條弦線
但線「無端」斷開了，變成「五十弦」
曲終人散，人生只有一次奏樂的演出

悵臥新春白袷衣，白門寥落意多違。

失羣掛木知何限，遠隔天涯共此心。

細路獨來當此夕，清尊相伴省他年。

人生走到尾聲，到最後或者得返回憶
「一弦一柱」，都係可以令人想到過去嘅歲月
因為過去，因為變成回憶
就算係再悲慘嘅現實，都透出一種時光嘅美
就算係無法預測嘅「無端」結束
依然都係淒美嘅「華年」


莊生曉夢迷蝴蝶，望帝春心托杜鵑。

莊生曉夢：莊子夢見自己成為蝴蝶，醒返係到諗，到底而家係我夢見自己係蝴蝶，定係蝴蝶先係我，夢見自己做緊莊子？
《莊子·齊物論》：「莊周夢為蝴蝶，栩栩然蝴蝶也。自喻適志歟，不知周也。偶然覺，則蘧蘧然周也。不知周之夢為蝴蝶歟？蝴蝶之夢為周歟？」
望帝：古代蜀王，死左之後變成杜鵑，其聲悲苦

2.李商隱嘅歷史意識及其典故之運用

又或者，與其話人生似曲
不如話人生似夢，真真假假又點樣分得清呢？
莊子呢位哲人都尚且「迷蝴蝶」
詩人又係咪迷商隱而不自知？
往事如夢，人生如夢，似乎一切都握唔緊
現實世界嘅成敗得失，係咪都係一樣呢？

可憐夜半虛前席，不問蒼生問鬼神！

管樂有才真不忝，關張無命欲何如？

「望帝」死後依然留戀人間
將佢嘅「春心」，熱烈嘅生命之火
化為杜鵑，生命係可以傳遞，可以生生不息
李商隱死去千年，但如今我地仲係到讀緊佢嘅詩作
詩人「托」詩歌之美，文學之永恆
仍然係歷史長河中講述自己嘅淒美情思
甚至化為詩文化中嘅歷史典範

滄海月明珠有淚，藍田日暖玉生煙。

滄海月明珠有淚：傳說南海有人魚，流嘅眼淚會化成珍珠
藍田：著名產玉嘅地方，傳說玉伏於地，陽光猛烈果陣會係地下冒煙

3.李商隱嘅愛情悲劇及其欲求超脫情困之掙扎

人生嘅痛苦，人生嘅喜樂
已成過去，曾經流過嘅眼淚化成珍珠
每一粒嘅珍珠，都映照一個動人嘅故事
曾經流過嘅眼淚，所有發生嘅悲劇，都有佢嘅意義

春蠶到死絲方盡，蠟炬成灰淚始乾。

來是空言去絕蹤，月斜樓上五更鐘。

直道相思了無益，未妨惆悵是清狂。

當時，其實唔會知道呢種意義架
只係覺得人生係一個悲劇，好似咁愛情令人絕望
但所有發生嘅故事，都會深藏成為地下嘅玉
只要等時機黎到，陽光溫暖嘅日子來臨
煙嵐似水，迷離間化成人生最美嘅風景


此情可待成追憶，只是當時已惘然。

文學最高之境界：至情無文
當人類嘅感情去到極致，極其嚴肅面對自己最重要嘅情感
所能做嘅，就係用最簡單嘅字眼濃縮成最具分量嘅句子
往往都唔係咩華麗，多加修飾嘅詞彙
此一名句，流傳千古
樸素有力，動人心緒

此處有兩個解讀：
「可待」字，有豈待或等待之義
1.豈待(直述句)
呢種迷霧般嘅情感，唔止係今日先開始追憶
係當下發生果陣，已經令人感到惘然

此情可待成追憶？只是當時已惘然。
2.等待(疑問句)
呢種迷霧般嘅情感，係咪只能等待佢變成回憶，無法改變？
的確係咁，因為過去已成過去
曾經只是曾經
身在局中，惘然不知可以點樣做得更好

不論上面邊種解法都好
最重要係表達左李商隱對人生種種嘅「追憶」
而呢一種「追憶」，正正係因為當下嘅「惘然」
詩人追憶往事之惘然，惘然於往事之記憶
呢一首詩，亦都係全部嘅詩
李商隱呢一句嘅人生經驗，何嘗唔係我地嘅人生經驗？


錦瑟
錦瑟無端五十弦，一弦一柱思華年。
莊生曉夢迷蝴蝶，望帝春心托杜鵑。
滄海月明珠有淚，藍田日暖玉生煙。
此情可待成追憶，只是當時已惘然。

李商隱嘅錦瑟，係詩人最出名嘅作品
千百年來，係無數人口中誦讀過，係無數人心中憶記過
仕途不順，愛情失意，求仙失敗，種種人生嘅悲哀
李商隱不可改變嘅「惘然」，成就詩歌極為傑出嘅作品
一即是全，全即是一
錦瑟所包含李商隱嘅整全，不愧為詩集之首
詩歌所呈現李商隱嘅個體經驗，同時係我地嘅普遍感受
錦瑟之作，盡見李商隱文學之大成

上面引用嘅其他詩作之詩句
大家要重溫可直接至：
http://deliver90.blogspot.tw/search/label/%E6%9D%8E%E5%95%86%E9%9A%B1
唔需要一頁一頁咁搵返咁麻煩

未睇先推

thanks

其實我好耐之前未睇解釋係覺得最尾個句係：呢段情／自己既才華點可以白白成為自己／他人既回憶！但當局者迷，只能事後以旁觀者角度感嘆後悔








好似係

其實我好耐之前未睇解釋係覺得最尾個句係：呢段情／自己既才華點可以白白成為自己／他人既回憶！但當局者迷，只能事後以旁觀者角度感嘆後悔








好似係

神作中嘅神句
人生百事，莫不如此
我地係歷史洪流入面可能都未免唔到追憶
追他人，追自己
一追再追

呢到嘅「寥落」唔止愛情
係連同李商隱身世仕途嘅雙重墜落
幻想愈熾熱，現實愈冷酷
追憶愈張狂，當下愈寥落

呢段解釋好正，好到肉好一針見血

其實李商隱有無一D樂觀，開心既作品??

其實李商隱有無一D樂觀，開心既作品??

李商隱係果種見到喜事都會諗到好傷心嘅人
舉例而言
夕陽無限好，卻已是黃昏
見到夕陽嘅美景，李商隱會諗埋：美好嘅時光一定會消失
仲有一句
世界微塵裏，吾寧愛與憎
我地講過，李商隱唔再求仙，到最後係肯定情欲
李商隱係情感非常強烈嘅人
愛、憎，好似佛家咁講，難免都會令人悲傷

呢到嘅「寥落」唔止愛情
係連同李商隱身世仕途嘅雙重墜落
幻想愈熾熱，現實愈冷酷
追憶愈張狂，當下愈寥落

呢段解釋好正，好到肉好一針見血

呢首我都好鍾意,
最後呢兩首好正

呢兩首都係我好鍾意嘅作品
李商隱詩唔易讀，但一讀得通，就會好鬼正

已經大結局啦
照例後記會慢慢出
同埋準備好出東坡

已經大結局啦
照例後記會慢慢出
同埋準備好出東坡

慢慢啦

已經大結局啦
照例後記會慢慢出
同埋準備好出東坡

慢慢啦

歡迎大家睇完吹返幾句
好想知大家鍾唔鍾意李商隱
睇前同睇後嘅感想

其實我好耐之前未睇解釋係覺得最尾個句係：呢段情／自己既才華點可以白白成為自己／他人既回憶！但當局者迷，只能事後以旁觀者角度感嘆後悔








好似係

神作中嘅神句
人生百事，莫不如此
我地係歷史洪流入面可能都未免唔到追憶
追他人，追自己
一追再追

年紀愈大,
讀呢句愈有感覺,
因為多左好多回憶

文學就係咁
經歷愈多，愈有味道

年紀愈大,
讀呢句愈有感覺,
因為多左好多回憶

絕對係
回憶累積得愈黎愈多
而家間中回想返, 真係有淡淡的哀傷...
錦瑟 係唔同年紀睇 個感受都唔同

年紀愈大,
讀呢句愈有感覺,
因為多左好多回憶

絕對係
回憶累積得愈黎愈多
而家間中回想返, 真係有淡淡的哀傷...
錦瑟 係唔同年紀睇 個感受都唔同

道出人生之惘然
再理性嘅人，或者都逃唔過呢個結局
始終人係有情眾生，有喜有悲，或哭或笑
李商隱詩歌之美，亦都係呢到

年紀愈大,
讀呢句愈有感覺,
因為多左好多回憶

絕對係
回憶累積得愈黎愈多
而家間中回想返, 真係有淡淡的哀傷...
錦瑟 係唔同年紀睇 個感受都唔同

李商隱真係好勁,
好難想像佢寫呢句果陣個感受,
真係除左佢,無人寫得出呢句!

用成世經歷換返黎
真係抵佢寫得出咁好嘅作品