[古典文學入門(二)]估吓邊個文人成日叫雞？

題外話問一問樓主有無睇大陸個啲詩詞比賽節目？
（例如中國詩詞大會同中華好詩詞）

無追開但有睇過

有集台灣版幾正

係咪有才女才子個集？
我都覺得中華好詩詞水準好好多，貌似b站有全集

btw我同幾個朋友開左個飛花令接龍群
玩法比好詩詞既限定一字來得簡單 只要接到上一個人句詩其中一個字就可以
譬如我出「未妨惆悵是清狂」，下家只要對到一個字，譬如我朋友就接左「老夫聊發少年狂，左牽黃，右擎蒼」（對我既狂字）

想問樓主有無興趣一齊搞個tg grp版本？
當推廣下古詩詞咁

話說 巴打你係自學呢d定點
上到大學 淨靠lecture真係學得唔多...

lecture好睇教授識唔識教書
同埋講真lecture一兩個學期一星期兩三節
真係教到嘅嘢真係唔多
我比較好彩係跟到個大師級人馬學嘢
同埋關係比較close，算係門人之一咁

好羨慕
我完全係靠自學+以前係北京上過幾個月國學私塾

其實自學有時先係最緊要
我反而覺得書香世家嘅人先屈機
由細到大已經培育緊，呢種功力真係好難比得上

題外話問一問樓主有無睇大陸個啲詩詞比賽節目？
（例如中國詩詞大會同中華好詩詞）

無追開但有睇過

有集台灣版幾正

係咪有才女才子個集？
我都覺得中華好詩詞水準好好多，貌似b站有全集

btw我同幾個朋友開左個飛花令接龍群
玩法比好詩詞既限定一字來得簡單 只要接到上一個人句詩其中一個字就可以
譬如我出「未妨惆悵是清狂」，下家只要對到一個字，譬如我朋友就接左「老夫聊發少年狂，左牽黃，右擎蒼」（對我既狂字）

想問樓主有無興趣一齊搞個tg grp版本？
當推廣下古詩詞咁

中華好詩詞班大學士好正

tg grp版本即係點？
推廣吓係好事呀

文學JJ留個靚名
btw，好似冇乜詩係講我

呂布

陳維崧 送薑西溟入都

去矣休回顧。儘疏狂、長安市上，飛揚跋扈。誰道天涯知己少，半世人中呂布。仗彩筆、憑陵今古。伏櫪悲歌平生恨，肯車中閉置加窮袴。君莫信，文章誤。

揚花細糝京江渡。恰盈盈、租船吹笛，柁樓撾鼓。屈指帝城秋更好，寄語冰輪玉兔。為我照望諸君暮。相約當年荊高輩，喚明駝載琵琶女。葡萄酒，色如乳。

送比巴打

半世人中呂布
好霸氣!

陳維崧係明末清初第一詞人
寫嘅詞都寫得唔錯架

擁抱與直視情關之詩
讀李商隱銀河吹笙ep.14

從我地讀過咁多首詩
可以睇得出李商隱係深受愛情悲劇之苦
佢曾經寫過《贈華陽宋真人兼寄清都劉先生》
《月夜重寄宋華陽姊妹》等詩中
可以睇得出佢曾經學道，希望超越男女愛情嘅苦惱

今次我地讀呢一首詩，係李商隱特別作品
既用左好多道教典故，又以愛情為主題，矛盾掙扎
可以話總結左佢成世人嘅愛情觀
多段愛情無疾而終，終於同佢老婆「目成心許」
一見鍾情，又相處得好好
可惜嘅係，愛侶先於自己逝世
李商隱係愛情黎講，真係一個好可憐嘅人


銀河吹笙
悵望銀河吹玉笙，樓寒院冷接平明。

睇題目就知，呢首又係「類無題」
基本上只係將首詩第一句放做題目
並唔能夠幫助我地更了解首詩

「銀河」係中國係有牛郎織女嘅愛情典故
呢個典故係中國文化愛情悲劇典型
牛郎織女代表農業社會男女性角色
牛郎織女相愛結婚，但又要分開係因為「男廢耕，女廢織」
日日只係掛住談情說愛，不務正業
天帝震怒，限制佢地一年只能見一次
銀河就係分隔佢地嘅楚河漢界啦
因此，李商隱用七夕典故
並唔係單純咁用，而係好有共鳴
係佢成世對愛情嘅「悵望」

「吹玉笙」，又係另一個愛情典故
《列仙傳》：
「王子喬者，周靈王太子晉也。好吹笙，作鳳鳴。游伊洛之間，道人浮丘公接以上嵩高山。三十餘年後，求之於山上，見桓良曰：告我家，七月七日待我於緱氏山頭。至時，果乘白鶴駐山頭，望之不得到，舉手謝時人，數日而去。」
簡單黎講，就係王子喬修道成仙，又好鍾意吹笙
我地並列兩個典故意象
前者講愛情悲劇，後者說修道成仙
似乎係一種矛盾，但正係咁樣
先表達到詩人複雜嘅情緒，矛盾衝突

「寒」、「冷」既是寫實
又係呈現緊詩人面對呢種衝突嘅心境
長夜不眠，淒冷寂寞
漫長之折磨，未嘗唔係詩人之寫照


重衾幽夢他年斷，別樹羈雌昨夜驚。

重衾：回憶
羈雌：漂泊不定的雌鳥

昔日嘅愛情，昔日嘅愛侶
過去種種纏綿恩愛嘅美夢都一一逝去
愛情已「斷」，再無接續之可能

「羈雌」同詩人係好相似嘅：
1.同樣羈旅在外，漂泊不定
2.沒有情人，形單隻影
3.因晚上不安而鳴叫（作詩）
棲息在陌生樹木嘅雌鳥
又一次係晚上受驚，飛去別的地方

前一句係描述詩人嘅回憶
後一句係以意象講緊詩人嘅故事
不斷去尋找愛情嘅安頓
但同時間亦係無盡嘅失去愛情
每一次都係受「驚」，每一棵樹都無法棲身


月榭故香因雨發，風簾殘燭隔霜清。

月榭：月光籠罩嘅高臺
故香：花

花之能於高臺「香」
係因為「雨」水嘅滋潤先會開花
詩人借此追憶過去嘅情愛
「雨露之恩」，係愛情嘅開花結果

但係如今詩人無眠直至天亮
簾幕被「風」吹得動盪不安
蠟燭都係「殘」
心中嘅熱情只係得返微弱嘅火光
外在嘅環境係「霜清」
過去與現在
愛情之火與現實之冷
整首詩一層一層好似洋蔥咁剝開
細味當中詩人嘅人生衝突


不須浪作緱山意，湘瑟秦簫自有情。

湘瑟：湘妃所彈之瑟，指樂器
秦簫：簫史弄玉嘅典故，指樂器

李商隱最後點樣回答自己嘅愛情？
「緱山」係王子喬典故入面，代表修道成仙
詩人係到下左一個判斷語：
何必仲要多諗點樣修道成仙呢？
呢句可以上連返第一句「吹玉笙」
由追求至否定，扣連成首詩黎睇，更有味道

《列女傳》：
「帝堯之二女，長曰娥皇，次曰女英，堯以妻舜於媯汭。舜既為天子，娥皇為後，女英為妃。舜死於蒼梧，二妃死於江湘之間，俗謂之湘君。」
湘妃為愛而死，雖然係悲劇，但卻成為愛情偉大嘅典範
《列仙傳》：
「蕭史善吹簫，作鳳鳴。秦穆公以女弄玉妻之，作鳳樓，教弄玉吹簫，感鳳來集，弄玉乘鳳、蕭史乘龍，夫婦同仙去。」
蕭史同弄玉結為夫妻，吹簫引來鳳、龍，成仙而去
愛情完滿嘅象徵

詩人經過內心曲折嘅幽微之處
用左大量嘅神仙典故，反而到最後係肯定男女情愛
李商隱一生愛情雖苦，曾經欲求超脫
但曾過發生嘅喜悅，曾經相聚過嘅日子
始終係佢人生中最大嘅寶物
回到俗世，萬物「自有情」
無情不如有情，何必追求仙夢呢

呢一首絕對係了解李商隱愛情嘅經典之作
大家一齊再細細品味一次：

銀河吹笙
悵望銀河吹玉笙，樓寒院冷接平明。
重衾幽夢他年斷，別樹羈雌昨夜驚。
月榭故香因雨發，風簾殘燭隔霜清。
不須浪作緱山意，湘瑟秦簫自有情。

步入最後四篇階段

步入最後四篇階段

只是近黃昏

步入最後四篇階段

只是近黃昏

巴打識貨
呢句出自李商隱詩
不過比較淺白，唔特別講

登樂遊原
向晚意不適，驅車登古原。
夕陽無限好，只是近黃昏。

步入最後四篇階段

只是近黃昏

巴打識貨
呢句出自李商隱詩
不過比較淺白，唔特別講

登樂遊原
向晚意不適，驅車登古原。
夕陽無限好，只是近黃昏。

https://www.youtube.com/watch?v=iiHLmHnVmYw

講多d得唔得 我有追架

講多d得唔得 我有追架

已經多過陶淵明架啦
睇睇大家反應
睇吓需唔需要加班

講多d得唔得 我有追架

已經多過陶淵明架啦
睇睇大家反應
睇吓需唔需要加班

講多幾首啦

想睇邊種
歷史
愛情
身世

講多d得唔得 我有追架

已經多過陶淵明架啦
睇睇大家反應
睇吓需唔需要加班

講多幾首啦

想睇邊種
歷史
愛情
身世

樣樣都得
睇樓主啦

今日出呢邊

lm

lm

就快打完

野菊傲，寒窗苦，物我合
讀李商隱野菊詩ep.15

有時候睇得文學多，都難免會問：
到底係咪悲慘嘅命運，先會迫出好嘅文學呢？
李商隱正正係傳統中國士人嘅典型悲劇
我地之前已經講左好多首愛情悲劇嘅詩作
而家就開始進入李商隱仕途嘅悲哀

曾經講過士人思想，以儒家為主
係主張知識分子以出仕救濟萬民為人生理想
李商隱做為一個知識分子，當然都唔例外
但好可惜嘅係，佢係考左三次科舉
經過左好多年先算做到進士
個情況好似考左三次dse先入到大學咁


野菊
苦竹園南椒塢邊，微香冉冉淚涓涓。

冉冉：飄散
淚涓涓：菊花沾上露水

必須留意題目「野」之一字
生在荒野之菊，天性特別能夠忍受苦寒
而且既是野外，無安身立命嘅家
以物為題，係一首詠物詩

詩人強調「苦竹」、「南椒」
竹係苦，椒係辣，正所謂五味人生
都係野菊生長的環境入面
呢種環境，亦都係詩人寒窗苦讀嘅情況

但野菊依然係不屈咁生長，散發香氣
但係詩人眼中，野菊沾上嘅露水
竟然好似「淚」咁樣
呢種淚未嘗係詩人嘅自悲


已悲節物同寒雁，忍委芳心與暮蟬。

節物：秋季嘅景物

第三句嘅理解係語意可以讀：
秋季萬物凋零之景
雁係天空飛過，詩人心諗秋季咁凍嘅天氣
漂泊在外嘅雁，應該都會覺得寒冷
詩人身處其中又點會唔凍呢

「芳心」乃野菊孤傲之心
菊殘猶有傲霜枝
詩人正係到問上天點解忍心
將菊花呢樣咁美好嘅嘢
委託比「暮蟬」委託比呢個殘酷嘅外在環境


細路獨來當此夕，清尊相伴省他年。

如果話上面側筆描繪詩人心境
呢邊就正式轉入寫自己
詩人詠物最高境界，係物我合一
每一句既寫物，亦係寫自己

詩人沿著細小曲折嘅道路
「獨來」賞菊
野菊本來就不比名花
自然係只有李商隱黎睇啦

李商隱並唔係空手而黎
而係當野菊係一位好朋友一樣
帶埋酒與野菊相伴
回想科舉挫敗嘅心情
以酒消愁


紫雲新苑移花處，不取霜栽近御筵。

紫雲新苑：中書省別稱

睇詩要辨虛實之意
實：皇宮入面要移植新花啦
但又點會要呢種受過風霜嘅野菊呢
虛：皇宮又要一班新血啦
科舉嘅考官，「不取霜栽」
點會睇得上我呢

呢一首詩，好充分表達左李商隱早年失意之情
我地再自己讀一次：

野菊
苦竹園南椒塢邊，微香冉冉淚涓涓。
已悲節物同寒雁，忍委芳心與暮蟬。
細路獨來當此夕，清尊相伴省他年。
紫雲新苑移花處，不取霜栽近御筵。

野菊傲，寒窗苦，物我合
讀李商隱野菊詩ep.15

有時候睇得文學多，都難免會問：
到底係咪悲慘嘅命運，先會迫出好嘅文學呢？
李商隱正正係傳統中國士人嘅典型悲劇
我地之前已經講左好多首愛情悲劇嘅詩作
而家就開始進入李商隱仕途嘅悲哀

曾經講過士人思想，以儒家為主
係主張知識分子以出仕救濟萬民為人生理想
李商隱做為一個知識分子，當然都唔例外
但好可惜嘅係，佢係考左三次科舉
經過左好多年先算做到進士
個情況好似考左三次dse先入到大學咁


野菊
苦竹園南椒塢邊，微香冉冉淚涓涓。

冉冉：飄散
淚涓涓：菊花沾上露水

必須留意題目「野」之一字
生在荒野之菊，天性特別能夠忍受苦寒
而且既是野外，無安身立命嘅家
以物為題，係一首詠物詩

詩人強調「苦竹」、「南椒」
竹係苦，椒係辣，正所謂五味人生
都係野菊生長的環境入面
呢種環境，亦都係詩人寒窗苦讀嘅情況

但野菊依然係不屈咁生長，散發香氣
但係詩人眼中，野菊沾上嘅露水
竟然好似「淚」咁樣
呢種淚未嘗係詩人嘅自悲


已悲節物同寒雁，忍委芳心與暮蟬。

節物：秋季嘅景物

第三句嘅理解係語意可以讀：
秋季萬物凋零之景
雁係天空飛過，詩人心諗秋季咁凍嘅天氣
漂泊在外嘅雁，應該都會覺得寒冷
詩人身處其中又點會唔凍呢

「芳心」乃野菊孤傲之心
菊殘猶有傲霜枝
詩人正係到問上天點解忍心
將菊花呢樣咁美好嘅嘢
委託比「暮蟬」委託比呢個殘酷嘅外在環境


細路獨來當此夕，清尊相伴省他年。

如果話上面側筆描繪詩人心境
呢邊就正式轉入寫自己
詩人詠物最高境界，係物我合一
每一句既寫物，亦係寫自己

詩人沿著細小曲折嘅道路
「獨來」賞菊
野菊本來就不比名花
自然係只有李商隱黎睇啦

李商隱並唔係空手而黎
而係當野菊係一位好朋友一樣
帶埋酒與野菊相伴
回想科舉挫敗嘅心情
以酒消愁


紫雲新苑移花處，不取霜栽近御筵。

紫雲新苑：中書省別稱

睇詩要辨虛實之意
實：皇宮入面要移植新花啦
但又點會要呢種受過風霜嘅野菊呢
虛：皇宮又要一班新血啦
科舉嘅考官，「不取霜栽」
點會睇得上我呢

呢一首詩，好充分表達左李商隱早年失意之情
我地再自己讀一次：

野菊
苦竹園南椒塢邊，微香冉冉淚涓涓。
已悲節物同寒雁，忍委芳心與暮蟬。
細路獨來當此夕，清尊相伴省他年。
紫雲新苑移花處，不取霜栽近御筵。

陶淵明愛菊.
李商隱又愛菊,
係咪古代個個人都鍾意菊架?

屈原《離騷》：
朝飲木蘭之墜露兮，夕餐秋菊之落英。
最早嘅文學象徵，菊花代表高尚
梅蘭竹菊，君子四友
除非唔想做君子啦
如果唔係實會話自己鍾意呢四樣嘢
不過係咪真心就唔知啦

http://deliver90.blogspot.tw/2017/02/blog-post_36.html

講到植物又要Post返呢篇
入面有埋之前同幾位巴打精彩嘅討論

可嘆是李生中進士都唔係全靠實力，主要係有令狐父子拍主考官膊頭

留名留名 文學買少見少 多謝巴打用心研究同分享

可嘆是李生中進士都唔係全靠實力，主要係有令狐父子拍主考官膊頭

唔係親生仔
令狐綯第一次就上
李商隱見住佢上
仲要考多兩次先得
完全反映識人好過識字