梵好似係印度教，
架構好似有多少分別。
丫係多謝提點
道既一係人同自然既天人合一？
印度係斷輪迴後，六道世界外梵我合一？
巴打 我同你一樣，不斷係呢堆資料度兜圈，走入左資訊迷宮，你唔好被呢d 資訊所迷
你提到道家， 咁道家既"一"就是道。"名可名，非常名"。呢d 名稱既野其實都係用唔同角度去描述同一樣野。道教叫瑤池王母。耶教叫上帝。
佛教既野我都有研究，但資料太多所以會我都混淆左。梵以我所知佛教同印度教入面既意思都唔同，我淨係識梵天，係一個印度教既神。但我朋友話梵係佛教意義亦可解作我講既"一"。
但最重要既係，你知道呢樣野係存在，而唔同既資料有唔同既講法，但指既都係同一樣野，就係宇宙萬物既本源
我地每一個靈魂都係由果度出黎，所以我地都係黎自"一"
至於邊d 資料先係真，每個講法都會有扭曲，有真有假，所以我地先要係自己內在尋找，而唔係向外尋找
認識自己，接受自己既好與壞，面對自己既問題，學習咩係愛。呢個就係我剛剛學習到既方法
宇宙最大訊息係愛，一齊努力啦巴打
你無深入了解左一個宗教，就話佢地係講緊同一樣野
不如深入少少睇左先
都係研習到呢個地步就覺得佢地似姐
可能再了解落去又唔同，啱既
巴打有咩高見？
耶教，同道教都有上帝
佛教都有佛菩薩
但佢地追求既野根本就唔同
耶教信靠神去令自身得救
依照自身力量係唔能夠得救
佢地只係需要信就可以
佛道兩教信並唔係最終既道路
除左信之外，仲需要實修，證悟
耶教可以話做神既工人就可以
佛道追求自身既去到無我
而佛道對個本性其實都有d唔同
其實唔同宗教既修法同追求既野都有所不同
我唔認為佢地講緊既係同一樣野
你話佢地唔係講緊同一樣野，無錯丫，因為佢地係用幾個角度去講出答案
蘋果係固體，蘋果係紅色的，蘋果係甜的。描述既都係蘋果。
佛教一，耶教愛，道教真
我地是一體的，宇宙最高訊息是愛，而宇宙定律係循環不息。描述既都係宇宙既真相。
當你不斷深入了解一個宗教，去到一個程度，你會發現佢有不足，然後你會跳去另一個宗教。但你終究不會找到答案，只會由一個資訊迷宮跳去另一個資訊迷宮。
深入了解宗教無錯，但答案還是應該向內而不是向外尋找。一切有為法，皆如夢幻泡影，如露亦如電，應作如是觀。
首先，你要證明左「宇宙最高訊息是愛」
呢個係岩先，否則成段已經唔洗睇
假如你係一個小人，你又點知唔同書上講解既蘋果係同一個？
你個比喻係首先假設左真係講緊同一樣野
其實無意思
你會發現到一個宗教有不足
咁因爲你唔係跟隨呢個宗教既道路
而因為你只係信自己
我覺得世界係愛
所以我就搵不同宗教既方法達致你希望要既野
我只係講一樣好簡單既野
耶教對上帝既愛必然係有貪執既愛
係佛教角度已經係證悟既阻礙
方法唔同，目的地都唔同
秒左
乜都唔講得