好多巴都有唔同意見
想整合一個黎討論
分享少少自己經歷先，
我都係學業有d停滯不前
之後好唔開心，開始同人比較
又慢慢接觸社會，發現好多黑暗同不公
我就開始諗"點解"
呢個"點解"可以不斷咁問
問到我好厭，又唔知點解決
我開始睇哲學書
開頭係西方哲學，著重邏輯
之後發覺西方野太激進
佛學我無乜研究
不過我成日覺得好多問題同哲理
嗡一大輪，一大餐之後
都會被佛偈一句就概括左。好似因果循環呢句咁
問"點解"，其實都係搵原因既過程
西方哲學有樣野叫"決定論"，根本係佢講曬
決定論都係講所有野都有原因
即是所有野由第一因出現既一刻，就已經決定好
例如因爲有a所以會發生b，因為b又會發生c，因為c會發生d，所以當a出現既時候，d係注定會發生。
(當時風氣興討論"自由"或"自由意志"，所以決定論係果陣時對我黎講就係自由既敵人，佢否定人既自由，咁之後既討論同思考都變成決定論同自由)
當時對我就衝擊真係好大
我愈諗愈唔想自由意志會輸
亦都愈諗愈逃唔出決定論。
之後，我開始認命
發現東方哲學，早就有所涉擸
道家講既"道"，佛家講既因緣，就係描述緊呢樣野。
其他post有講到一個例子，
我坐巴士，睇風景涼冷氣好正
到站比人趕落車唔開心，就話上巴士做乜
呢程巴士無意義。
我覺得好好，好貼切(如果用流水會有詩意d
)呢到提到幾樣野，代表唔同概念
巴士(生命)，落車(死亡)，
巴士既車程就好似時間既流動，令生命不斷流逝
我們到站都會落車，如人都會死一樣。
生命有美好風景我地去欣賞
搭巴士既意義就係送我地去目的地？欣賞風景？
唔知道，睇下你係車上既心情係點
可能你係無咩做，遊下車河，純粹上車輕鬆下
又可能你係趕緊返工，或者約左親戚，就黎遲到，想快d落車。
不過，你唔係司機，你係乘客
你睇到d咩風景、遇到咩人、有幾多個站
甚至幾時到你要落車既站，都唔係你話事
司機，就係"道"，"因緣"，"決定論(邏輯)"，或者有神論者會話係"上帝"
科學都有對呢啲野做研究，不過係誤打誤撞
同佛學有相似地方
我覺得成件事真係好奇妙，好玄。
我係"時間"個post都有提過。
上面巴士個例子，有一個好大既前題
就係架巴士係會向前行的
佢要向前行，有一個好重要既條件
係時間。
因果關係、決定論、道、緣
都要係有時間既地方先可以運作得到
而相對論已經證實左時間只係客觀既一個量度工具
佢會隨著觀測者既運動速度、重力場而改變。
而且，係宇宙大爆炸之前，時間係無定義，係唔存在
甚至乎宜家既宇宙邊緣以外，時間都無定義，咁因果論又點會存在呢？
量子力學其中一個"膜理論"
M-theoryhttps://zh.m.wikipedia.org/zh-hk/M理论提出，
每個宇宙既生成，(宇宙大爆炸)都係由兩塊巨型既能量膜碰撞而成，成為左多個平衡宇宙，每個宇宙既特性都唔同，
例如，我地身處既呢個宇宙
自由常數 e=2.71
圓周率π=3.14
水既密度、光速、絕對零度
https://www.google.com.hk/amp/www.popularmechanics.com/flight/gmp163/13-most-important-numbers-in-the-universe/?client=safari
(link入面都有光速，不過其他就無我舉既例子，但宇宙中既所有基本常數都會改變)。
(我覺得)就好似佛教提到既三千世界
有巴打搵左d例子話佛教提既三千世界唔係咁既樣
是佛教說明世界組織的情形。 每一小世界，其形式皆同，中央有須彌山，透過大海，矗立在地輪上，地輪之下為金輪，再下為火輪，再下為風輪，風輪之外便是虛空。 須彌山上下皆大，中央獨小，日月即在山腰，四王天居山腰四面，忉利天在山頂，在忉利天的上空有六欲天，再上則為色界十八天，及無色界四天。 在須彌山的山根有七重金山，七重香水海，環繞之，每一重海，間一重山，在第七重金山外有鹹海，鹹海之外有大鐵圍山。 在鹹海四方有四大洲，即東勝神洲，南贍部洲，西牛賀洲，北俱盧洲，叫做四天下，每洲旁各有兩中洲，數百小洲而為眷屬。 如是九山、八海、一日月、四洲、六欲天、上覆以初禪三天，為一小世界。 集一千小世界，上覆以二禪三天，為一小千世界。 集一千小千世界，上覆以三禪三天，為一中千世界。 集一千中千世界，上覆以四禪九天，及四空天，為一大千世界。 因為這中間有三個千的倍數，所以大千世界，又名為三千大千世界。(維基)
我覺得好玄既係現代人用既係數據
用科學去計算出世界樣貌;
古代既佛教徒，究竟係用咩方法呢？
利申，我無宗教信仰，不過好鐘意研究宗教同物理
我係遇到生活上既不幸，所以走向宗教同思考哲學問題
而且都係無正正式式咁去信一個教，搵師父去理解
到最後用左自己既方法去演繹
所以我都係用科學邏輯去分析佛教。
始終生命意義問題係我最在意既地方，我都係欣賞下巴士風景最好，司機車我去邊就邊。
但未有勇氣死
