我做緊一個關於喜茶嘅社會人類學研究

如果要杯葛喜茶，香港人不如諗下點解喜茶可以唔夠10年就冒起
香港呢10年就比689同777呢啲仆街折騰足咁耐

題外話，Gordon Matthews呢條友究極左膠黎，有次搵佢傾計佢話呢個世界唔應該有國界，世界人民應該有權周圍走，好大愛包容平等
但跟住上堂，佢又話因為佢係白人，佢個日本老婆先鐘意佢
咁到底佢係大愛包容平等定係潛在種族主義，真係難講

奶蓋本身係台灣珍珠奶茶鋪已經有
而且麥當勞宜家都有
樓主係第一頁講作為香港人只能以香港人角度出發去諗
呢方面有多少偏頗

將喜茶同中國兩個字換做台灣同珍珠奶茶
咁多年青人去台灣
咁算唔算係台灣對香港既文化侵略？

我想喺度講清楚少少關於我個研究方向，當然因為有research ethics我唔可以講得太詳盡。我嘅研究興趣係消費、流行文化、新媒體同身份認同之間嘅關係。而因為我係香港人，所以我想做返自己地方嘅研究，因此我只能夠從「主位」（emic）即一個insider嘅角度出發，但唔代表我會喺研究中有偏見。

其實呢一個小小關於喜茶嘅碩士論文只係研究「香港人嘅消費模式（consumption）對自身嘅文化身份認同（cultural identity）影響」嘅其中一小部分。有留言嘅巴打講得啱，呢一個框架套用喺其他現象度，我希望用呢個研究作為研究香港人身份認同嘅開端。對於消費者行為如何構成香港人身份認同可以先參考中文大學Gordon Mathews同呂大樂合輯嘅Consuming Hong Kong，而其後都有一定數量嘅學術研究研究香港人嘅消費模式對社會各方面嘅影響。

點解要揀喜茶作為研究主題？
當然要理解哂整個香港同香港人嘅文化唔係單單講喜茶呢一個爭論就可以知道。呢個社會所有人事物都有研究價值，我揀喜茶嘅原因係：
第一，喜茶呢個熱潮夠新同埋夠貼近現時香港嘅context，而以我所知學術界都未有有關bubble tea嘅研究（有錯請指正），我覺得有得做。同埋我希望可以用新鮮啲嘅角度研究貼近生活嘅事，拉近學術同大眾文化嘅斷層。
第二，作為一個insider我觀察到一個有趣嘅現象就係香港有咁多間茶飲店，點解只係得喜茶呢個品牌或者飲喜茶嘅人會被人批評，而其他消費者唔會呢？但同時間又繼續有好多人去排隊消費喜茶。我希望可以搵出呢一個飲品有咩特別可以製造咁大嘅noise。
第三，就係bubble tea呢類茶飲店嘅定位好特別，佢既唔可以同cafe直接比較，喺香港又可以用冰室茶餐廳作比較，所以先想借呢個機會再詳細探索。

份論文其實係點？
我major係人類學，所以整個research methodology係以參與觀察（participants observation）為主，即係參與特定人群嘅生活，透過較長時間嘅觀察同分析去找出結果。話明係特定人群嘅觀察，咁當然我嘅調查結果唔可以代表一整個文化，當然會有例外（即使quanti都係）。而我會根據搵到嘅結果去討論喜茶呢個流行文化有否或如何影響香港人身份認同嘅論述。我嘅研究現時都係進行中嘅階段，所以結論係仲未完全有，有問題有錯誤請大家見諒，亦歡迎大家討論。只不過因為保密問題我唔能夠完全公開住，但我會喺完成後搵一個平台公開，因為希望多啲人關心香港嘅事。

咁你個post做咩？係咪玩鳩連登仔？
如果我之前嘅發言令大家有誤會先同大家講聲唔好意思，而我絕對唔係要去證明邊一方正確或者錯誤，世界上應該除咗數學都無絕對正確存在。我出呢個post嘅原因係因為見到近日連登有好多關於喜茶同反送中嘅討論，而咁啱我又做緊相關題目，所以想借呢個機會分享目前為止研究嘅結果嘅分析，提出一個可能性令大家思考，或者嘗試用唔同角度思考。而我都想聽不同嘅聲音，除咗訪問喜茶消費者外，都想同連登巴絲討論吓點睇喜茶呢個文化。接收多方嘅聲音可以令我對呢個研究嘅理解更加全面。

最後，喺學術上我真係仲有不足，但我相信無嘢係絕對啱，所以歡迎大家繼續討論。我無諗到個post會一日咁大迴響，我會陸續睇哂大家嘅留言同回你哋。希望大家都為香港地出一分力

兩樣野冇咩衝突
反而覺得左膠先會一日提人地係minority/ check own privilege，以前讀postcolonialism d歐洲同學都成日有white guilt 好難頂

呢排先終於的起心肝睇番佢本ghetto at the center of the world，本野個acknowledgements話佢四年冇weekend番過屋企加好多時夜晚都出左去做research，多謝老婆毫無怨言
我諗都可能係真愛嘅

所以香港人中意食魚生就係比人文化入侵 就係政治

正如好多留言所講 我覺得樓主要講清楚喜茶比起其他例子嘅獨特之處

橫向嚟諗 如果係日本飲食文化（如拉麵寿司等）係香港盛行
又會唔會令香港有同樣嘅身份認同問題？

縱向嚟諗 論消費文化 其實淘寶支付寶we7嘅影响唔係仲大嗎？

另外就係要諗清楚 其實兩件事同時發生 但未必有必然關係
就如食麥記 同 認同美國文化 無必然關係 可能只係因為平
呢個命運個questioner 要設計得好仔細心

最後 樓主加油

再次重申因為真係仲係研究中關係所以資料不便公開，令到大家混淆好抱歉，我承諾會喺完成後公開畀大家閱讀同討論

咁你個例子係政府個政策要消滅廣東話啫
97回歸前個個都返大陸亂鳩咁講普通話架啦，又唔見落返黎變大陸人?
食中國菜好明顯係中國文化啦，食左幾十年咪又咁，而家仲全世界都有中菜啦，消滅左外國文化未?

幫香港人做份研究出黎為咩?
有咩得著?
晒心機涯眼訓打咁多字出黎不如接下JOB做返份正正常常既研究好撚過啦屌

人地咪話做論文囉 死弱智仔
幫你老母執骨啦

但白人有privilege呢個係鐵一般事實，white trash黎度香港都有得撈有女溝做expat，我地去到歐美就俾人當次一等既immigrant，俾人逼住要融入當地
一般既白人最有趣係，佢地通常都否認自己係有privilege，想像一個colour blind既世界，想俾人當係individuals
但係心底裡其實佢地好了解自己作為白人既身分同地位，例如佢地黎到香港會同其他白人一齊自成一閣，知道自己作為白人在香港會有特殊待遇之類
又離題

香港有咩本土文化啊 喜茶又消滅左咩文化
請大師講解下

巴打邊到讀Master?

用Saussure嘅structuralism嘅講法，喜茶嘅本質只係一杯普通嘅即沖茶，但加上人嘅吹奏、香港人鐘意試新野而令呢個牌子變成「高質茶飲」嘅符號。而當中嘅背景包括「大陸製造」、「返大陸消遣係一種平常普遍嘅做法」係被一般人所忽略之外，門口裝修令到人覺得好高檔，high class feel。就好似8至10年前Starbucks開始流行，啲人都覺得返學返工開會拎杯Starbucks coffee係高grade過雀巢咖啡。講到尾，啲人吹奏到喜茶天上有地下無，只係吹奏個片面的符號；實在而言佢只係茶杯而人係無知地消費符號價值多於實用價值。由於符碼嘅signifier同signified個關係係任意而唔固定，所以喜茶個名係可以隨時被redefine做其他意思嘅符碼例如「低質」、「無知嘅選擇」， 至於幾時會轉咁就要視乎社會幾時會aware到「自己被鼓勵去消費符號」嘅tricky point

喜茶係得90後00後先會飲
要講都講譚仔啦
樓主on9

理性討論，留言話我係三毛既話，大可以慳返。

點解喜茶擺脫唔到「中國」呢個形象同埋連結果段，
首先你講你唔係話食物本身既形象同連結，
例如食壽司就被日本文化入侵、食漢堡包薯條就親美。
因為其他產品有做在地化，喜茶無。
就正如你文中所講「喜茶個老闆就話要做到係中國嘅starbucks」，
我地都知壽司就係日本，漢堡包薯條就美國，
而你覺得上兩者都唔係文化入侵因為佢地做左本地化。
到底有咩地方係starbucks同麥當勞佢地做左本地化而喜茶無，故令到喜茶變成文化入侵而壽司、漢堡包薯條就唔係？

然後你講：「奶蓋茶」文化氣味太強，即芝士+水果+茶呢個食物組合喺市場上係一個非常創新而反傳統嘅飲品，導致消費者對佢嘅印象就係一個中國嘅流行飲食文化嘅產物。

首先奶蓋如果我無記錯，應該係由台灣開始既野來？
如果你係講緊芝士+水果+茶呢個食物組合先等於中國嘅流行飲食文化嘅產物的話，咁就更加奇怪啦。
因為你下面反觀既starbucks，麥當勞，爭鮮，你話佢地賣既野平凡+本地化，所以唔算文化入侵。
平凡，首先拆返開每件食物既元件，無一樣係我地日常中少接觸。
喜茶既芝士+水果+茶，日日都見；
漢堡包既包+肉+菜，日日都見；
壽司係醋+飯+生魚片，生魚片反而仲比較特別，算係具濃厚日本色彩既野來。
本地化方面上面提左，無見到文中有任何說明過喜茶同其他國既食品飲品於本地化上決定性既差別既篇幅存在。
而你就話喜茶以外既產品都平凡，而喜茶唔平凡。
但明明喜茶用料上比壽司仲普通喎，咁壽司點會唔係日本既文化入侵而喜茶係中國既文化入侵？

你下面補充話，「平凡」都係因為有好多唔同既品牌賣同一類型既產品，
咁係唔係如果有其他地方賣奶蓋水果茶，咁喜茶就唔算文化入侵？
你文中無說明，但我覺得你會回答既答案不言而喻。


總括一下上面既篇幅想表達既野：
唔係話做研究唔好，但係從行文舉例之中都可以看出，
你舉既例子同喜茶係無任何決定性既分別(至少文中無提及)，
以致你舉出既所有例子同論調基本上係無辦法證明到任何事情
(我將喜茶代入任何一樣來自外國既食物/飲品，
例如文中講既壽司漢堡包都完全係通順就可以睇得出來)。
基本邏輯上就係等同龍門任擺一樣，都好偏頻下。
同埋有好多term實在係無必要用哂中英文又拋書包咁，
因為果d term其實你無任何加以運用/描述到同你既內文掛勾，
感覺似係為用而用。
(雖然連登係好受落呢套，見到terms中英文就濕撚哂比撚哂正評，
呢個都係連登最垃圾既風氣之一)

利申：連喜茶都無飲過，以事論事。

你話佢左膠都好，白人有自覺點都好過colorblind
理想可以係無國界，但現實就係白人大把著數
除左死口唔認，好多白人其實都真心igornant
以為所有人種都可以好似佢地咁，生活得咁容易
大學可能仲會多少少白人有自覺，離開學院就好難啦