我做緊一個關於喜茶嘅社會人類學研究

巴打加油啊

感謝巴打付出
原來我仲諗住做research 添

Lm聽日睇

因為成長環境同接受既教育問題，香港人一路以黎都係以利益為先，以個人為重，思考方式亦比較理性，相對地本土民族意識其實好薄弱
諗下十年前邊有人講咩本土文化，見大陸仔反美反日擺買人地d野會笑人憤青，因為大家過去心入面會恥笑依種極端民族主義，覺得反美反到擺食KFC係盲反，國家/民族行先過個人利益對香港人黎講係好ON9既一件事
本土意識係去到689上任後先開始發大，但同香港人本身套價值觀有違背，所以唔少人都仲係自己享受左先算，娛樂同政治分開

其實我覺得好難完全分開 大多人對政治睇既野都係好表面 對一個國家文化接觸多有好感就已經減低左抗拒 00後都接觸好多大陸文化大 所以對中國甚至共產黨都唔算差 同大陸人好接近 就算係唔少90後都受到影響 咩淘寶 支付寶都係

但係我覺得呢d同飲食娛樂冇咩關係
點解中國甚至共產黨都唔算差？
係因為冇人話比佢地知中國 共產黨有幾差
而唔係因為飲喜茶 睇支那劇 淘寶 支付寶

上面一堆人都犯左滑坡謬誤，廢事逐個指出
個推論基本上就係

你冇讀到好幼稚園
就入唔到好小學
好中學就唔會收
就唔夠成績入大學
最後要乞食
其實同上面好多連登仔嘅推論冇分別

由飲喜茶推到去全面入侵...完全邏輯錯誤
題目係講緊喜茶就冇必要提咩普教中/ 改歷史書etc
因為 呢d例子就真係關政治事，我認同係文化入侵
但飲飲食食，我唔覺得係文化入侵，我唔會認為壽司黎到香港就係一種入侵，因為人地根本冇打算將你本土飲食文化趕盡殺絕，但普教中呢d我認同係
飲食呢家野人地做得好嘅，點解唔可以學下欣賞？好食所以就食，係咪都拉到去身份認同根本就係滑坡謬誤，飲喜茶加強左身分認同只係好多種可能性之中嘅其中一個，兩者係冇絕對必然嘅關係

你呢個例子搬出黎有咩意思？中國食品唔安全我知，但同文化入侵有咩關係？台灣都好多食品安全問題啦，之前都成日講塑化劑，咁你唔反珍珠奶茶？

咁我有叫你欣賞佢差嘅地方？ 你唔洗係到打稻草人，我成篇嘅重點根本唔係呢到

講野完全冇邏輯冇理據，斷章取義

雖然樓主打左好多字
但真係說服唔到我 身份認同，飲喜茶，睇支那劇之間的關係

我自己會諗咩係身份認同先
一個人對自己的身份認同係點建構出黎？
點解我會覺得自己係香港人 而唔係中國人？
當中當然涉及大家相同的特徵
例如我同中國人一樣都係黃皮膚 黑頭髮
一樣都係寫中文字(雖然有繁簡分別)
但我覺得更重要的係 我同中國人有咩唔同
我講廣東話 我喺香港成長 我受到香港的教育影響
而當中最重要的因素係童年喺邊到生活
因為我覺得童年的時候 會有一刻界定左自己的身份
之後呢種身份認同就唔會變／好難改變
即使我童年的時候移民左去英國
我只係一個移民左去英國的香港人 而唔係英國人
或者可能好多年之後會逐漸對“英國人”呢個身份產生認同感
但只要童年的記憶仍然存在
就好難否認自己有“香港人”的身份

而我暫時理解唔到飲喜茶 睇支那劇點樣可以影響一個人的身份認同

如果係認真討論，你拎另一樣野出黎講冇意思
因爲你證明唔到喜茶有問題，單純假設內地食品全部有害，咁冇咩好討論

你睇佢d回覆都知佢咩立場啦，不過佢唔想俾人攻擊扮研究緊咋嘛

你以為日本推廣動畫文化無政治目的?
泡菜推廣韓星去外國無政治目的?

我個人好憎喜茶，但因為係大陸就大大聲文化侵略屌柒人地唔俾飲係講唔通
香港原本就係國際城市，係各國之間軟實力較量既地方，要怕某國文化侵略又避開某樣食物根本就係斬腳趾避沙蟲係行唔通亦唔理性，咁同大陸查封Starbucks抗美有咩分別?

點解飲喜茶？好飲囉

1. 「本地飲食」我會諗起廣東食物，態度衰侍應，奶茶之類，你點斷言m記「本地化」？even m記自己都係想globalisation, not localisation

2. 相對其他品牌，由喜茶（言面開始嘅雪奈茶）包裝，英文名，宣傳，even奶蓋茶，我其實唔覺得似made in China（奶蓋我最早認識係貢茶，台灣嘢），你試吓問過本身對喜茶一無所知嘅外國遊客，佢可能估日本？香港本土品牌？無人知

3.有人regularly去深圳飲喜茶，唔代表佢因為喜茶先regular返深圳

有咩問題?中菜本身已經係世界出晒名
上海菜四川菜你未食過?個時又唔會講地溝油?

其實比起飲喜茶，根本仲有更多嚴重既野打擊緊本土文化
本土文化其中一個重點係本地小店，連鎖店、鬼佬酒吧、金鋪藥房呢啲都全部對本地小店造成打擊，當然最重要既打擊就係租金同埋領匯
某程度上我地去食麥當勞飲Starbucks呢啲連鎖店都係支持緊美國文化入侵
咁我地又覺得無野？

其實喜茶真係無乜「中國」味道，芝士本身就唔係中國野，純粹係一樣made in China既創新發明
連登仔係對made in China既創新野同軟實力有恐懼感

對d細路長遠我相信有影響，但睇唔出會有好大影響，飲茶本身已經係大陸傳落黎，但時間長左一樣內化成本身香港既文化，日本甚至自己發展出茶道
咁當初我地係咪又要去酒樓搞事叫d人唔好飲茶?
重要既係點樣發揮香港人既創意，將佢搶奪為自己既文化，就好似香港人發明絲襪奶茶咁
然後奶茶去到台灣又可以發展出珍珠奶茶去代表台灣