我做緊一個關於喜茶嘅社會人類學研究

呢個真喎
有幾個朋友叫過我去大陸海底撈、探魚、飲喜茶
其實第一下我係應承咗
但當我冷靜落嚟之後，始終都係接受唔到去大陸
始終都真係太討厭大陸
好慶幸自己冇去到

這個世界上的任何意見，只要推向極端，就一定會變得不合理。但這並不等於有效反駁。
我說女生應避免獨自夜行，就會有人問是否應該廿四小時留在家裏。
我說女生應避免衣著太暴露，就會有人問是否應該戴頭巾。
如果我說吃飯別吃太飽，也許有人會問是否應該餓死。
如果我說人應避免打風時觀浪，也許有人會問是否應該搬到沙漠居住。
要反駁別人，可否反駁得有理有節一點？

留名高質post

一個認真研究有用過連登仔開post拗40頁
支持

回應你個回應1:點解喜茶擺脫唔到中國形象
好簡單，因為直至幾個月前，都只係得中國有得飲
要飲一定要去中國，咁點樣唔諗起中國。

而且同starbucks mcdonald做類比，好唔fair。
呢兩間都係有悠久歷史既國際企業，一黎佢地扎根香港多年，在地化既工程已經做左好耐，你而家當然唔會覺得佢突兀，但我好相信佢地最初來港既時候，香港人都會覺得佢地係「美國餐廳」。

二黎佢地世界各地都有分店，已經唔係將市場重心放響美國。當去到邊都搵到佢地時，自然人就唔會咁強烈connect件產品去單一國家。喜茶呢？好明顯佢成個重心就響晒中國。

然後質疑「喜茶做唔到在地化」，呢個質疑本身就有問題。喜茶進入香港市場都唔夠一年，你搵一間同佢差唔多時期既餐廳都未做到在地化啦。我覺得你睇得太多連登意見，事實係出面會猛烈批評喜茶=中國既人根本唔算常見，at least我響ig/fb都未見過。

你第一個文化氣味個論點已經有其他人講過，冇錯我都係十年前已經飲緊，只係因為其他店做得難飲先冇響香港發圍，所以根本唔創新。其實啲人買喜茶根本唔係為左飲奶蓋、水果茶，而係為左消費呢個品牌。就好似飲starbuck、用macbook咁，都係品牌效應，港男港女想扮到有生活態度。所以件product本身就冇創新、獨特既文化氣味。純粹係所謂「網紅」產品，人飲我飲。

第二個回應關於購買既頻率、深度及影響。其實喜茶真係冇咁特別，因為呢d只係香港人獨特天性.. 當初一蘭黎香港，都係有班人固定幫襯，而且不惜排三個幾鐘，排通頂凌晨兩三點去食。除左一蘭，仲有無數咁多例子不能盡錄。相比之下，香港去深圳都係一個鐘以內既事，住新界既人去深圳仲快過去港島，我睇唔到喜茶班fans有乜特別瘋狂之處。為左喜茶而過關去深圳，文字上睇好似好誇張，但執行上根本就只係普通搭車拍卡轉車。

喜茶...真係冇乜咁特別之所以比連登仔極端厭惡純粹係撞正反中潮。過多兩年，唔洗點排隊都買到。而家去排隊都係10-30歲既人，佢影響個pool同長遠度根本唔係普教中，殘體字呢種文化級數可比擬。

詞窮正常唔緊要

佢好理性

屌你調撚轉曬嚟講，明明人哋喺支那開先，先嚟香港開分店
乜撚嘢喺香港成日飲，咁你都講得出，有咩資格話人低能
就算你想兜喺香港成日飲所指嘅唔係喜茶，而係奶蓋/水果茶in general，都引申唔到點解香港人喺香港飲飲下奶蓋/水果茶，會走咗去支那飲喜茶再走返落嚟飲香港嘅喜茶啦

樓豬我勸你想認真探究個現象嘅，就唔好擺呢個post啲「討論」落去你個研究入面
呢度太多認為只要結論正確，中間啲推論錯撚曬都無問題嘅傻人

唔好意思，阻你少少位
所以各位爭氣啲，拒絕所有支那外來文化。

【民陣6.9反惡法遊行】
日期：6月9日（日）
集合地點：銅鑼灣東角道
時間：下午2時30分集合，3時正起步
遊行路線：銅鑼灣東角道遊行至金鐘添美道


反對逃犯條例白宮聯署
-簽完記得確認返電郵

https://petitions.whitehouse.gov/petition/extradition-law-amendment-hong-kong-threat-personal-safety-and-freedom

見到有咩好理性討論仲話佢好理性，就知兩個child燈仔嚟
係事實唔代表無嘢好理性討論
相反係事實就更加應該要理性討論，去印證就算點駁都好，呢件事都係事實，就好似五毛啲膠論唔駁斥唔屌佢一鑊唔得咁

剩係assume一件事啱但完全唔討論點解佢啱，有人問就話因為佢啱所以佢一定啱，呢種講法根本邏輯就有問題

呢d人其實多的是 身邊見唔少 把口話唔用華為 但又話大陸劇好睇 又話唔追tvb大陸劇 但又走去飲喜茶 好多都講一套做一套 睇下會中邊飯先 其實唔經唔覺開始接受大陸文化先兆

lm

其實同樣地大陸有好大部分野都係抄人，包括埋抄香港style 嘅餐廳鋪頭，都有唔少以香港品牌嘅旗號去做，當然無喜茶咁大型連鎖，而家因為佢地造起咗唔同飲食文化反而吸引咗香港人，其實就咁睇大陸新大型商場嘅設計又好，地鐵站外觀好，唔多唔小都參照香港。咁係早幾年前我地算唔算文化入侵佢地？

利申，我係香港人

哦

又係拎住一個小碎片黎抽秤 其他部份又唔見你回應 最主要又唔討論

同意 惡意國民教育係一種手段 去同化兩地 減低本土文化的獨有性

但我成個立論係講緊香港的多元性離唔開中國文化 你讀中國歷史 學中文 文化本質難道係一種入侵？

滲入普教中 國民教育 係其後被安插入去的措拖 呢部份係入侵 冇人唔同意

兩件事係分開黎睇先有討論空間 你又格硬將佢撈埋一齊 混淆視聽 望落好似幾有道理 其實就...

非常讚同soft power嘅講法 而家除咗喜茶仲有其他都開係香港 仲要不停俾人追棒 反而本土嘢越來越少

明明被人質疑用理解錯theory用錯methodology

其實個局就set左係咁 本土文化比支那文化取替
廣東歌越黎越少 大陸劇又拍埋武俠迎合你香港人口味 見台式飲品成行成市 又搞喜茶 係睇香港人頂到幾耐 d 00後大多都好buy中國野 某程度都無得揀

香港文化其實真係好雖要大家一齊保留唔係到時俾市場淘汰 大家先去珍惜已經太遲

Lm高質post

睇得出樓主係一個講求理性分析既人,唔同班盲反紅衛兵
值得我留言討論
其實反喜茶根本唔係核心
講到文化入侵,好想提一個例子,就係周星馳
其實從九十年代開始,甚至直到今時今日
周星馳既港產片仍然深入好多大陸人心
佢地對周星馳片既研究絕不下於香港人
甚至有D係大陸好有名既網路小說網站寫好多同人小說
咁多年黎有冇人提過香港思想文化入侵

所以其實今次反喜乜鬼野茶根本同喜茶無關
係D人反共反中反所有同大陸有關既野之嘛
而家既風氣就係咁,香港人政治上比大陸壓到透唔到氣
所以無論同大陸有關既野就拎出黎屌發泄
所以呢單野其實無乜討論空間
主要D人都係拎"喜茶"黎發泄心中既無奈同不滿

喜茶咪同前排既黑糖鮮奶一樣 幾好飲幾hit都好 過一排咪收皮 愈執愈多間
針對一間餐廳難免俾人覺得小題大做 唔係唔知香港人善忘