【新手故/微甜/婚姻】如果能重來...我要選

無得改變
劇情偏偏一樣
無事就不斷做sp

推

係咪未完架？
想繼續睇啊

暫時應該仲有三份一

出軌正仆街

講真余仔再扮唔知

因為屋企有cam 佢睇左

推

抱住微甜嘅心態入嚟睇到重甜，果種正面嘅落差好開心

已經過左三日，子俊無應我句WhatsApp亦無再搵過我

我每日維持同老公WhatsApp，只係久不久會望下佢嘅最後上線時間

一切就好似發左場夢咁，一場解開左我咁多年心結嘅夢

雖然知道係嘉玲從中作梗，但都已經過去左咁多年，何苦再追究？

大家都有各自嘅生活，就繼續喺無交集嘅平行線上分開行吧

我：「我就放工喇！你都就黎食lunch啦？」
老公：「係呀！好掛住你」
我：「我都係。」

等老公回覆嘅時候，我見到子俊個WhatsApp顯示 輸入中…..

子俊：「俾我見多你一次就夠，一次就夠，好嗎？」
子俊：「我真係咁差？唔值得你再愛？」
子俊：「我唔係想打擾你....我真係好掛住你」

我選擇已讀不回
子俊：「對唔住，我唔應該煩住你，88」

見到佢呢句88 ，我開始不安、擔心

我：「唔係你差，係我地嘅Timing唔啱」
子俊：「點解我地仲愛對方，但要將對方推去另一個人度？」
我：「Sorry！」

望住個message變左做藍剔已經十分鐘，今次輪到佢已讀不回我

正當我打算放低部電話嘅時候，電話又震一震

子俊：「當俾個機會我好好望多你一次，今晚見一面，好嗎？」

我知道我呢個決定係錯誤嘅，但有時就係明知錯都要去做
我：「好，邊度等？」

子俊：「七點，皇室堡等」

懷住忐忑不安嘅心情黎到皇室堡

四圍張望都見唔到子俊嘅身影

我：「你到邊？」
子俊：「我喺冒險樂園，你上黎丫！」

我上到去冒險樂園，見到子俊俾一班人圍住

行近啲望到原來佢喺度推緊銀仔，因為出左勁多飛，所以吸引咁多人去睇

佢一見到我：「過黎！」
佢將我拉埋去企喺佢前面，我就企左喺佢同部遊戲機中間

佢一隻手扶住部機，一隻手入銀仔，以防我俾人撞親

我地之間而家係心口貼背脊嘅距離

「你幾時開始鍾意玩呢啲機？」

「有時收工唔想返屋企，咪黎玩下囉。」

佢個金幣中左個窿窿，成功令火車行前左兩站

佢遞左一個金幣：「你又試下！」

「呀！唔中！又唔中！唔玩喇！」

佢將一個金幣放左喺我手上，之後拎起我隻手，教我咩時候放入去

「嘩！真係中呀！你好勁呀！」

當我望到佢面上嘅笑容，不禁感嘆：點解男人咁襟老？點解越老越吸引？

一唔覺意就望到入左神

佢摸一摸我個頭：「點解你由細到大都咁鍾意眼定定咁望住我？」

「無呀，諗緊野渣嘛！」

「你話無就無啦，諗下想食乜！」

「樓上有間食壽司，你O唔OK？」

「無問題丫，行啦！」

看來女豬又要俾人食多次了……

相愛卻不能一起的痛

明顯有人好識玩遊戲

Live

子俊好識玩呢個"遊戲"

係！

係
又多一餐食

呢幾日會更得比較少，唔想因為趕住寫而寫爛左個故

加油！

好好睇加油

愈睇愈覺等犯賤 口口聲聲講有老公有剩 自己嘅行為愈黎愈仆街

文呢

加速