【新手故/微甜/婚姻】如果能重來...我要選

同感，我始終覺得子俊係玩家，不過樓主係作者無法子，我找不到子俊那裡是真心的; 雖然最後佢死左.......

同子俊聯絡到嘅最後一通電話....我已經有聯想過唔同嘅結局

但我從來都無諗過，佢會為我而死
我一直以黎都只係抱住..我以為..我覺得

係我自私...由始至終都只顧住自己有無俾佢呃...
從來無諗過.....佢對我會係真心

楚兒,

估唔到我會用呢種形式同你講再見

曾經，我以為我地之間仲有喺返埋一齊嘅可能
曾經，我以為你係相信我、企我呢一邊

或者，我本身就係一個唔可信嘅人？
係咪男人做乜都會俾人覺得只想呃女上床？
男人就一定無真心？

我的確係做過過對唔住你嘅事，我的確同嘉玲結左婚

但你有無問過我原因？有無諗過去聽我解釋？那怕只係五分鐘

你一秒都無俾我！你就選擇左唔信我
十幾年前係咁，十幾年後都係咁

我好想知我對你黎講，到底係咩？

我喺台灣就好似個癲佬咁四圍搵你

如果要再次失去你..我寧願死..
我俾過好多訊息你想解釋，但.....

我只係希望我嘅離開，可以令你解脫
唔需要再日夜擔心點怕同余仔交代
一切就當無發生過，就當係我對你最後嘅愛

請你相信，我真係好愛你

希望你以後幸福....

子俊

老公將我手上嘅信拎開：「放低子俊....我相信佢都希望你活得幸福。」

我勉強撐起微笑：「嗯。」

人由出世、長大、拍拖、結婚到死亡，所有過程都係一個人去面對
無論身邊有無愛你嘅人，所有決定都係自己去做
成日話自己都係當初被某啲人和事左右左自己當時嘅決定
但決定跟隨人地嘅說法都一樣係你自己嘅決定，對嗎？

人地話盲人係眼盲心不盲
但原來視力正常嘅普通人都會活到眼盲心更盲嘅地步

當眼前嘅人係你生命嘅全部，你會將事情變到合理化

如果可以重新黎多次.....我會揀...

可惜一切已經返唔到轉頭
望住訓喺充滿住血嘅浴缸
望住俾自己𠝹到花哂嘅左手，沉重嘅眼皮話我知...
要同呢個世界講：再見。

<<老公，
原諒我無忍氣親口講你知道真相，我背叛左你，
我知道你一直係呢個世界上最愛我嘅人，你對我嘅愛勝愛你自己
但我好任性，做左唔應該做嘅事
原諒我最後呢次，自私咁決定離開呢個世界
好多謝你包容我咁多年黎嘅任性
一定有另一個人更值得更配去擁有你嘅愛，對唔住。>>

無人可以去為自己再活一次，如果你仲活著，請好好珍惜

完

從來無諗過寫寫下會寫左四萬幾字

由一開始就諗住呢個故會沉底，自娛自樂

好感動有人會追我呢個故，當中亦有一啲情節係因為你地嘅留言而改變

至於邊3份真，如果說穿了就唔好睇咖喇

呢64個正評我會放喺心上

多謝咁多位

點解樓主可以寫得咁Touch
雖然會想人生有個咁愛自己既人，但死埋真係太sad
現實唔會接觸到生離死別，睇完好驚身邊人離開自己


Btw,樓主好故
希望見到你繼續寫

唔會出happy ending了
有時有遺憾先刻骨銘心嘛
多謝支持

有無happy ending 都好。多謝樓主的故事
睇得好入神。重複loop咗好多次

由始至終, 最慘人係余仔
到由尾一刻, 佢都係輸比子俊
楚兒甚至為左子俊會揀左死呢條路
我相信, 如果楚兒坦白, 余仔都會原諒

即使坦白，楚兒對子俊嘅心意一路無變，隨著時間，更加深層。

另外，其實幾個角色都好貼切人嘅心，
好多人都以為自己可以改變其他人，
以為做好多嘢感動倒人就等於成功咗，
但其實係癡心妄想。

同埋大家都唔對自己所見所感覺嘅嘢坦白，
以為自己可以點點點⋯⋯⋯

其實你個故我loop佐好多次 希望佢2個可以死後相遇 好好去聽下子俊想講既野 愛一個人十年 係呢個社會上真係好少有 好多都係講可以等對方 但其實好多時都等吾到/背後做吾到 希望樓主可以再寫多d故 遺憾先令人刻骨銘心 不過余仔真係好慘 望佢可以遇到個真心相愛既人

上開高登 連登係因為最近事件先上 但都係cd rom
為咗俾正評你先開account
上半部寫得好真實好易令人投入
後尾就有啲戲劇化同少少煽情 但如果呢part係真嘅話

余仔真係好慘 但好好睇 希望樓主繼續寫

想知邊到先係真
多謝你無棄故
更加希望你之後會再有新故出

余仔真係好慘 因為一個決定去英國 比個機會楚兒去認清自己心思
最後得到嘅係連原諒佢背叛嘅機會都冇 淨係得一句對唔住
點止係輸 係直頭輸L晒 心又得唔到 連留住個身嘅機會都冇

其實好多位都應該可以寫得詳盡D, 加插下支線, 雙雙自殺就完可以叫一種BAD ENDING, 留返D想像空間比讀者...但某程度都FEEL到有點草草收尾
Anyway總體都寫得幾好, 特別係前半, 好緊張又多甜

多謝你嘅意見希望如果仲有下個故會寫得好啲

多謝你一路追故丫, 好多甜其實都因為你而加有緣有新故再見

多謝支持丫, 係出得慢D但從來無諗過要棄

多謝

我果陣都係因為睇另一個故, 睇到開account留名, 多謝支持

見你睇得咁肉緊我都好開心丫, 多謝你

你講得無錯, 如果楚兒坦白, 相信余仔都寧願戴帽都唔想無左佢, 多謝你嘅支持

多謝你丫, 有你一路留言追我我先會keep住出得快少少

的確部份係親身經歷先會寫得咁入心, 有緣再見多謝

想起無忘花呢首歌

如果失重兩肩感慨萬千
太累沒法可入眠
你能讓眉頭積雪
落到我手心裏
無忘花又再現

我清楚你的心一切弱點
有誰讓你數心跳
愛如願隨年轉厚
換你回贈一吻
度四季於一笑

花田遇上了春暖
花瓣夏雨灑風中轉
百折千廻就放開 秋色染面
老情人 心照不宣
冬雪會倦情感會亂
睡醒已是明天
仍期待下一花季可再見

情深不見底不必怕緣淺
會承受你的改變
我從未要你解釋 沒有名份的吻
無忘花枝不需折

花笑獨欠人不見
不記明日黃花昨日現
百折千廻 時日流轉不了斷
好情人 有聚有別
總可再遇抱擁每段
再想已是明天
長留在我心的你不會變

愛如願隨年轉厚
換你回贈一吻
度四季於一天