【新手故/微甜/婚姻】如果能重來...我要選

<<續--余仔嘅角度>>
一到埗就收到你嘅WhatsApp
但我並無絲毫嘅開心，因為你重來都唔會問我到埗未
應該已經發生左一啲事

既然決定俾佢揀多次，就唔好再諗咁多喇余浩俊！

跟住落黎呢兩星期，我地之間都係好簡單嘅報到
什至有幾日佢完全無搵過我
直到返黎前嘅一星期
老婆：「老公你幾號返黎？」
我：「下星期五就返黎喇！」

我心裡面仍然抱住半絲希望，希望佢揀嘅係我

【接機當日】
我一行出入境果條走廊，已經見到老婆
佢....瘦左好多...化左好濃嘅妝仍然遮蓋唔到佢嘅憔悴

我諗我做錯左決定....
我扮到完全睇唔出佢嘅變化

就當一切都無發生過，好嗎？

後來我知道.....呢個係幾咁錯嘅決定！

余仔

我想喊出嚟

綠帽戴到咁，都唔知話佢可憐定話佢死蠢好

「我車你出去搵下佢，搵唔到你唔會放心。」
我唔知道點解老公喺呢個時候提出同我去搵子俊

佢知道發生左咩事？如果知道佢又點會咁冷靜呢？
我諗唔明，但我都揀左同佢一齊出去望下

今次再唔搵佢，我肯定會後悔一世
去過佢守嘅環頭附近、佢屋企樓下、四圍不停咁兜
但無一個地方搵到佢嘅身影

已經搵左成日....我決定返屋企...等嘉玲嘅消息
老公並無問起呢段日子發生左咩事
而我就好似失去靈魂咁...不停喺梳化上流眼淚

老公就好似以前喺加拿大照顧我咁..
幫我抺身，迫我食野

已經過左足足一星期
我試過打俾子俊、又試過打俾嘉玲
子俊嘅兩個電話號碼都已經接駁去已關機
而嘉玲就不停咁CUT我線

直到一個月後，收到嘉玲嘅Whatsapp
嘉玲：「今晚七點，紅磡暢行道等」

「我今晚要出去...嘉玲搵我..」
「去邊？」
「紅磡。」

去大酒店

多謝你成日幫我推post丫應該仲有兩三評內就完故, 好多謝你

兩三章

因為個故好睇
如果係真人真事就實在太sad了

等你

平時做開cd rom...
忍唔住留名
因為手多上網搵左紅磡暢行道6號...
好傷心 想知會唔會出多個happy ending

希望唔係真

等你呀樓主

推

Lm

一口氣睇哂好sad 真係發生係自己身上既話都唔知點算

啲眼淚...余仔

開估未

文呢!!!!!!!!!!!!!!!!!!!!

聽到紅磡呢個地點
我嘅心已經死左一半

好怕好怕我諗嘅野會成真
老公陪我去到暢行道，我個人有啲企唔穩

因為眼前係一間間嘅殯儀館
老公用力將我支撐住

好快就收到嘉玲嘅whatsapp
嘉玲：「世界，二樓，永寧堂」

我唔敢向前行，我知道我嘅半絲希望將會伴隨住我行入去而消失

「我陪你入去」

老公用力咁將我攬住，一步一步往前行
入到電梯......我成個人已經震哂..
真係好驚好可怕

一出電梯，見到嘉玲著住一身孝服
呢一刻...我並無流眼淚...而係心..開始淌血

嘉玲向我地行過黎：「你入去同佢見個面..我知佢想見到你..」

一轉向靈堂，就見到子俊嘅大頭相掛左喺靈堂中央

我努力咁行向前，抬頭望住相入面嘅佢

我雙腳無力咁跌低：「係我害死你...」

然後眼前一黑，醒返已經喺醫院

「你醒喇？醫生話你身體太虛弱所以先會暈低。」
我用力撐起身體：「我想去送子俊.」
「你已經暈左兩日，佢琴日上左山。」

「嘉玲交低左兩封信俾我，叫我等你醒左就俾你。」

我喺老公手上拎走兩封信

楚兒，

對唔住.....十幾年前我好自私咁傷害過你
當時以為得到佢身體就可以慢慢得到佢個心..點知..根本無呢回事

我一直以黎都知，咁多年黎佢都淨係掛住你一個
我曾經以為我為呢頭家做多啲，佢就會慢慢放低你

直至果日喺Wave，我見到佢望住你嘅眼神
我知我從來都無嬴過

對唔住...我只係想留佢喺身邊
無諗過一個大話會將佢推到去一個永遠再見唔到嘅地方

失去佢，我嘅傷心絕對唔比你少
但，我知道，佢想你知道真相..佢從來都無呃過你

係我對唔住你地兩個..好對唔住

嘉玲

望住呢封信嘅一字一句...我發現
唔問過對方就做決定果個.....原來一直都係我

雖然子俊死左 但我唔覺得佢同女主可憐 佢地點樣都係仆街黎
最可憐嘅始終都係余仔

想知嗰三分真係邊part

我估台灣果part同子俊死應該係真