含羞草
2019-06-18 09:27:25
「點知完左聖誕假返去兩日,佢就同我講分手、話有鍾意嘅人!結果俾我撞見完你地喺課室摷、又俾我發現你寫紙仔俾子俊約佢去禮堂後台搞野!你知唔知我望到你地搞野個心有幾痛? 你係我最好嘅朋友!」
「但我真係好鍾意子俊,我唯有諗計搶返佢返黎。我知道係傷害左你,但我當時真係無其他辦法。」
我淚如雨下:「我果陣根本唔知道你同子俊一齊左!如果唔係我唔會同佢一齊!」
「都過去左,我約你出黎係想點醒你!佢係玩家,你玩唔起!」
我對佢所講嘅野好懷疑:「你明知佢係玩家點唔離婚?」
「我唔離婚唔係為左佢,係為左對仔女!佢果陣搞大左我個肚,叫我落我唔肯!我上佢屋企同佢屋企人灘牌佢先肯娶我!結果晚晚唔返屋企,我有試過做唔同嘅野留住佢、但每次見面唔係鬧呢樣就果樣,我果陣先20出頭!我真係有諗過走!但為左個仔,我選擇忍!」
「後來有一晚唔知佢發咩癲,一返黎就衝入房除我褲搞我!我仲以為我地之間有彎轉,點知第二日佢又無左回事,果次就有左妹妹。陀住妹妹、湊住哥哥,我真係再無心力去Keep住自己嘅身材,結果生完妹妹之後,佢就無再掂過我。」
「咁你點知佢出去玩?點知佢係玩我?」
「佢本身就係一個唔搞野會死嘅人,加上佢每次返黎身上都有唔同嘅香水味,點會唔知?咁多年黎我都同自己講,當自己係單親!」
「原來人真係會為左仔女而改變、委屈自己同一個唔愛自己嘅男人生活。對仔女對我黎講就係我嘅生命,我應承過自己,點都要捱到兩個都上哂中學,之後我就會同佢離婚。」
「我知道果次佢特登黎join我地食飯就係為左見你,因為佢已經有好一輪無新目標,我本身以為你同魚仔感情好堅定,點知!唉,總之你唔好再咁易上當,錯左嘅就忘記佢,我要講嘅係咁多!」
嘉玲講完就轉身向佢屋企方向走
我好驚.....因為我知佢講嘅都係真話...
點算?我應該點面對老公!如果今晚子俊搵上門點算?
我決定返屋企拎好衫、租間service apartment住到老公返黎為止
結果當晚真係收到子俊嘅WhatsApp
子俊:「點解要避我?」
子俊:「返左屋企?」
子俊:「你到底喺台灣定香港?」
子俊:「我好擔心你!」
我覺得佢好嘔心,但我諗起自己.....我覺得自己更加嘔心
明明有老公仲同第二個搞埋
以為人地等自己等足咁多年,原來到頭黎佢只係貪我方便、易食
搞成咁.....我真係抵死.....抵死..