（分享）做過地盤佬一年幾，轉左十幾間公司

請著你真係可憐

我係hea 嫁啦
唔撚啱炒我囉
700同你搏老命咩
樓主日日遲到係on9
但係你扮老屎忽教人？
憑咩呀垃圾

Lm支持

犯法ga on9
你試下同老細講準時收工係應份lo
仲有未夠鐘唔好做野
依d野互相比面姐

你應該好好把握呢份工，遇到一班咁好既師傅好難得

我睇到呢句就冇睇落去
樓主垃撚圾

講到尾係樓主做人嘅問題

LM

上樑不正下樑歪

搏命又唔洗，不過最基本係完成自己攬上身嘅責任，呢個係自己當初選擇嘅責任無人逼你，連自己嘅決定都違背，人地好難相信你

第一份工冇人會珍惜

依啲鬼唔知阿媽係女人既道理叫孔子道理？
你都係好笑wo
先唔好話你搵錢啦
都話左你做人態度垃圾
我理得你係邊度返工高人工

仲有，細路，睇你跟咩二判啦，冇料好似你咁未比人吸多啲囉，有料送多幾井有咩所謂呀

連登真係可憐
咁多人追祟垃圾，香港真係玩撚完
仲有你地支持垃圾班撚樣呀
依度係討論區呀，唔可以話樓豬垃圾呀？

1,3同意，1係最on9。
但2係不公平分配下有個唔識野既串你，俾佢表演下完全冇問題，係佢自己對個判頭既表達方式唔好姐

遲出糧一兩日 你點告佢

算啦 我唔逐個覆

我係想入去玩下，體驗下，操下身體

總之我依家月薪多過一紮鐵佬返足一個月啦

你地唔洗擔心我過得好唔好，識唔識做人

繼續出文



五：泥水 800

呢一份工係好撚on9,而個老細真係西到冇朋友

我講下份工係點先，初初我見到話係某地方返工，我屋企車直接去到，都幾方便

點知去到原來仲要坐一程車入去，而果一程車要坐1個鐘，起初佢話每日有個師父會車埋我地入去，但返左2個星期開始，佢話請多左人，叫我自己坐車返去...兩程車加埋1個半至2個鍾

呢一度返唔係返咩大地盤，而係起村屋，佢地有幾個盤，時間通常都係9點到5點

本身我都覺得比人呃左，唔係太想返，但返左一日見到都舒舒服服咁，又唔使哂，又師父都幾好，咪做住先囉

我返左幾日開始，就接觸到個老細，呢個人真係西到極致。先介紹下佢，佢係一個40幾歲既肥佬，而佢係繼承佢老豆間公司，我睇得出佢係乜撚都唔識，到三十幾歲先返公司接人既人。

起初正正常常，每日幫d師父撈下泥，搬下野咁，正常我做手上既野係唔會自己搵野做，係d師父叫我坐下，有野再叫我，個老細間中會走黎睇，佢一見到我停低/食煙/飲水都會用d好西既眼神望住我，但佢唔會屌我，因為有次佢話我又飲水，比幾個師父屌佢，而佢又唔敢得罪班師父

果時開始，佢就分配左我同兩個佢既親信一齊做，呢個兩都比較後生。同埋佢地都坐附近。我地主要做既野係搬英泥，搬上搬落都有，有時就搬料，地磚果d

基本上搬呢d料係好撚辛苦，因為有時仲要上樓梯，搬到咁上下當然就買鑵汽水，食支仲煙休息下啦。同佢地個吹水，其中有一個應該係老細d親戚，個人比較和善，都係後生仔。而另一個就30幾歲左右。咁30幾歲果個屋企有大有細，所以都好勤力，佢仲要好多時做埋我果份

咁我地其實三條友都係有野做先做，有野做就吹水，咁吹吹下三十幾歲果個就開始問我幾錢人工，佢話佢有750$

經過上次經歷，我就話我得700$

點知問題都係出現左，隔左兩日老細打比我問

原來三十幾歲果個同老細講，點解佢做野多過我，但剩係高我50$（但實際上我仲高佢50$）

個老細就話佢好唔平衡啦，要求加人工。

就話：你同佢講完，佢又要我加人工，但我唔會加比佢，我會減你50$

我就話：但係我同佢講話我700$wo，咁都有得嘈？

佢話：咁人地識野多過你啊嘛

我話：我每坐成兩個鐘車，而佢又一起身隔離就返工，咁拉上補下都好合理啦

佢話：總之我之後計750$比你啦

我：哦 收線

本身我諗住算啦，見三十歲果個又要養家，又勤力，我諗住我果50$係加左比佢。之後我都不計前事，同佢吹水，點知佢話老細冇加佢人工，剩係知佢減左我

果時我心諗，屌那星你條仆街做埋d捐不利己既野

我見個老細西到咁，我決定搞單野佢嘆下，之後就講拜拜

咁果時就要落石屎，果時佢地唔會特登再搵石屎佬黎落，會叫我地落，當然果日人工會多d,我同一個越南仔雜工都好fd,我地同樣都覺得老細好西，而我都已經搵左後路，話帶埋佢去，叫我幫我一齊搞鳩佢

當時佢問邊個果日落石屎，我自告奮勇話自己做過，而越南仔都學我咁樣講。之後加多三個師父。

去到果日，我地一齊熄左電話，幾日都冇返，咁老細whatsapp話唔使我返啦。

我心諗：攞尾彩咩你，明明係我唔撚做

事後我問返其中一個師父，果日佢地少左兩個人做野，老細同佢老豆要親自落場落石屎，仲要有d石屎叫左用唔切，蝕左錢

當然，事後佢出糧都有玩野

而我就帶左越南仔去左第二度

做地盤不嬲遲到嫁啦

所以佢咪無撚重，咁你重想點
鞭屍記得落力啲

人地分享見過唔同公司文化都要屌
大把所謂分享感受，旅行根本唔會講自己有幾撚西